2Tim 2:15 - Hdi

¹⁵ Kagha, ŋava ŋa ka nzakwa ka ta kəma Lazglafta ka mndu nda ndəha, ka mnda maga slna kul haɗ hula ta ksafta ma slna ni, ta mna vərɗa gwaɗa nda tva ni.

2Tim 2:15 Iomraidhean Croise

Mata 13:52

Kaʼa nda həŋ guli mantsa: « Tsaya tama ná, ka nuna mnda tagha zlahu ka duhwala ga mghama Lazglafta ná, ka guram nda daŋahəga ni həga ta mutsa skwa gadghəla ni ma skwiha ka lfiɗ ka lfiɗ, nda ya ma skwiha nda kɗa fitika ni, dzaʼa gra lu, » kaʼa.

Markus 4:33

Nda ndəghata mndərga tsa mahdihdiha ya mnanaŋta tsi ta gwaɗa ta həŋ prək ka snaŋta taŋ.

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Slna gwal ghunay 2:22

« Mnduha la Israʼila, snawa ta skwi dzaʼa mnaghunata yu: *Yesu mnda la Nazaret na tsa mndu maraghunaŋ Lazglafta ta ga Mghama ni, ma magay ni ta mandərmimi, nda ŋizla mazəmzəmha kavghakavgha mataba ghuni, manda va ya snaŋ vərɗa kaghuni ya.

Slna gwal ghunay 20:27

kabga mnaghuna mna yu ta inda skwi mna Lazglafta, haɗ ya ɗifanaghu yu wa.

La Ruma 14:18

Ka mantsa ya ka mndu maga slna Yesu Kristi katsi ná, dzaʼa zɗəgana zɗa ta Lazglafta, dzaʼa rfay mnduha guli.

La Ruma 16:10

Ka ganaghata kuni ta zgu ta Apeles ta maraŋtá ndiʼatá vgha ni ta Kristi. Ka ganaghata kuni ta zgu ta gwal ma həga ga Aristabul.

La Ruma 6:13

Ma zlanaŋ kuni ta dmaku ta fawayha ghuni ŋa maga dmaku. Katək ná, vlaŋwa vla ta ghəŋa ghuni ta Lazglafta, kabga nda nza kuni ka gwal nda hafu ta sliʼagapta ma mtaku. Zlanaŋwa fawayha ghuni ta Lazglafta, ka maga tsi ta skwiha ya tɗukwa nda həŋ.

1Kwa 2:6

Ta mnə ŋni ta gwaɗa ŋa gwal nda sifa ma zlghay nda ŋuɗuf ná, vərɗa ɗifil taghə ŋni, hiɗakwa gwal dagala dagala ma na ghəŋa haɗik ta dzaʼa zwaɗuta na a wa.

2Kwa 10:18

Mndu ta ghuba ghəŋa ni a ta rfu lu wa, mndu ta ghubu Lazglafta ya.

2Kwa 3:6

Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 4:2

Haɗ ta ŋana vgha nda ghwaɗaka skwiha ta mag lu ma ɗifa ma ɗifa, ta pgha hula ŋa mndu wa. Nana a aŋni ta mndu wu, haɗ aŋni ta mbaɗanaftá gwaɗa Lazglafta wa. Katək ná, kahwathwata ni ŋa aŋni ta mnigiŋta baŋluwa. Mantsa ya dzaʼa kəl inda mndu ka ɗasla kahwathwata ŋni ma ŋuɗufa ni ta kəma Lazglafta.

2Kwa 5:9

Dər má tata ghəŋa haɗik mu, dər má ta luwa a mu ná, zɗəganata mu skwi kumaf maya amu.

Galat 1:10

Va ni tama ná, ka zɗəganata yu ta mnduha ka yu ta kəl yu ka mnay manda nana re, ari ka zɗəganata yu ta Lazglafta a na? Zɗəganata ɗa ta mnduha ta psə yu ra? Ka zɗəganata ɗa ta mnduha ta psə yu katsi ná, nza a yu ka mnda ksanatá slna ta Kristi nda tsa wa.

Afisus 1:13

Mantsa ya kaghuni guli nda ndiʼa kuni nda tsi ma snaŋta ghuni ta vərɗa gwaɗa ya kəl Lazglafta ka mbaghunafta, ma vlata ghuni ta ghəŋa ghuni ŋa Yesu Kristi. Ma tsa ndiʼatá kaghuni nda Kristi ya, ka vlaghunatá Lazglafta ta Sulkum nda ghuɓa ya tamaf tsi ta imi ta sləməŋ ya. Tsa Sulkum ya ná, ŋizla nzakwa mu ka mnduha Lazglafta ya.

1Tes 2:4

Katək ná, manda va ya klaf Lazglafta ta aŋni kazlay: Nda ra kuni ka mna Lfiɗa Gwaɗa kəʼa ka vlaŋnata ya, manda va tsaya ta mna aŋni. Mna a aŋni ŋa zɗanaftá ŋuɗuf ta mnduha wu, ŋa zɗanaftá ŋuɗuf ta Lazglafta ta mna aŋni. Nda sna tsatsi ta skwi ma ŋuɗufa mu.

1Tes 5:14

Zwana ma ɗa, ta ndəɓa dzvu yu da kaghuni, dvawadva ta gwal ta yaɗi, tsafarawa gwal huleɓhuleɓa, vlawa mbraku ŋa gwal htu mbrakwa taŋ, ka ksa kuni ta ŋuɗuf nda inda mndu.

1Tim 4:6

Ka taghanaf tagha ka ta inda tsa skwiha ya ta zwana ma katsi, dzaʼa nzakway ka ka ŋərma kwalva *Yesu *Kristi. Dzaʼa maraŋ mara ka kazlay: Nda bagha ka nda gwaɗa zlghay nda ŋuɗuf, nda ya nda vərɗaka tagha skwi ya taghaf ka kəʼa.

Hebru 4:11

Tsaya tama ná, ŋavama ŋa ka lama mu da tsa vla mbiʼa vgha ya. Ɗasuwa ka mu da kwalaghutá mu ta snanatá gwaɗa Lazglafta, manda tsa ŋa dzidzíha mu ya.

Yakubu 1:12

Rfu da mndu ta ksa ŋuɗuf ka suʼa skwi ta dzghaŋta, kabga tahula dzghaŋta, dzaʼa mutsay ta zewzewa hafu ya tanaf Mgham Lazglafta ta imi ta sləməŋ ta inda gwal ta ɗvuta.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.

2 Piyer 1:10

Tsaya tama zwana ma ɗa, ŋavawa ŋa ka nzafta kuni ta tsa hgu hgaf Lazglafta ta kaghuni, ka ɗagaptá kaghuni ya. Ka mantsa ya ka kuni magay haɗ kuni dzaʼa dəɗamta da ghwaɗaka skwi wa.

2 Piyer 1:15

Ama dzaʼa magay yu ta kɗavakta mbrakwa ɗa, ŋa nzakwa ni dər má nda mta yu, ŋa laviŋta ghuni ta hava tsa skwiha ya.

2 Piyer 3:14

Tsaya tama graha ɗa ya ta ɗvu yu, ŋavawa ŋa, ŋa slaghunaghata ni nziɗiɗ kul haɗ sana skwi ta kaghuni, ŋa nzakwa ghuni nda zɗaku nda tsi.