2Tim 1:3 - Hdi

³ Ta rfay yu ta Lazglafta ta ghəŋa kagha. Ŋa ni ta maganata yu ta slna nda ŋuɗufa ɗa turtuk, manda ya si ta maganata dzidzíha ɗa. Inda fitika magay ɗa ta duʼa da Lazglafta nda fitik tani nda rviɗik tani ya ná, ta havay yu ta kagha.

2Tim 1:3 Iomraidhean Croise

Lukwa 2:37

ka nzaku tsi ka wadgu. Tghas mbsak fwaɗ mida ima ni. Ma həga Lazglafta ta nzakwa tsi ta ksanatá slna nda fitik tani nda rviɗik tani, nda ma maga duʼa nda suma.

Slna gwal ghunay 22:3

« Iʼi ná, la Yahuda yu, ya ma luwa Tarsis ta haɗika Silisi lu ta iʼi, ama ma na luwa na glafta yu. Gamaliyel ta dzaŋaɗiftá ta dzaŋa, ka taghaɗifta snaŋtá zlaha dzidzíha mu nda tva ni manda ya ta raku. Ŋava ŋa iʼi guli ka sna ŋa Lazglafta manda va na ta mag kaghuni demdem gita na.

Slna gwal ghunay 23:1

Ka vazlanamtá Pwal ta iri ta gwal tsa guma. Kaʼa mantsa: « Zwana ma ɗa, haɗ sana skwi dəmanaf yu ta Lazglafta ha gita wa. Haɗ sana skwi guli ŋa tsaɗivata wu, » kaʼa.

Slna gwal ghunay 24:14

Skwi ya graf iʼi ná, ta maganata slna yu ta Lazglafta dzidzíha ŋni nda ta tsa tvi mnə hahəŋ kazlay: Dina ghwaɗaka tvi ya kəʼa ya. Zlghaf zlgha yu ta inda skwi ya nda vinda ma zlaha Musa, nda ya ma deftera la anabi.

Slna gwal ghunay 24:16

Tsaya ta kəl yu ka ŋavata ka nzaku manda ya ta raku ta kəma Lazglafta nda ya ta kəma mnduha.

Slna gwal ghunay 26:4

« Daga ma ga zwaŋa ɗa, nda sna la Yahuda ta nzakwa ɗa. Nda sna həŋ ka yu nzakwagapta daga taŋtaŋ mataba la ini nda ya ma Ursalima.

Slna gwal ghunay 27:23

Ta na rviɗik gita ná, ghunigihaghuna Lazglafta ta duhwalha ni. Tsa Lazglafta nza yu ka ŋa ni, nda ya ta maganata yu ta slna ya.

La Ruma 9:1

Kahwathwata na gwaɗa dzaʼa yu mnay na, ma hga *Yesu *Kristi, tsakalawa ɗa a wa. Manda tsaya ka nzakwa ni ka ndana ɗa guli ta mnihata Sulkum nda ghuɓa.

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

Galat 1:14

Mataba kamtaghuha ɗa ná, mal iʼi si ta ŋavata ka ksa dina la Yahuda. Ham ha yu ta ghəŋa ɗa ka ksa dina dzidzíha ɗa.

Afisus 1:16

haɗ yu ta zlanatá maga duʼa ta ghəŋa kaghuni wu, ta rfanagha rfa yu ta Lazglafta.

1Tes 3:10

Nda rviɗika ni tani, nda fitika ni tani ŋni ta ndiʼata ka maga duʼa da tsi, ŋa vlaŋnatani ta tvi, ŋa lagha ŋni da nghaghunaghata, nda ya ŋa kɗighunistá skwi ya ta pɗaghuta ma zlghay nda ŋuɗufa ghuni.

1Tim 1:19

Ŋana ŋa ta zlghay nda ŋuɗufa gha nda fatá ndana gha kul haɗ sana dga ghəŋ. Vziŋ vza sanlaha ta tsa fata ndanu kul haɗ dga ghəŋ ya, ka dzatá zlghay nda ŋuɗufa taŋ.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

1Tim 5:5

Tsa vərɗa wadgu ta nzakway ka matuŋulum kul haɗ mndu ŋa kataŋta ya ná, ta Lazglafta fafta tsatsi ta ghəŋa ni. Haɗ ta zlaŋtá maga duʼa, ka tawa ghəŋ da Lazglafta nda fitik tani, nda rviɗik tani, ŋa ɗawa katu da tsi wa.

2Tim 1:5

Ta havay yu, ya ká ka zlghafta kahwathwata nda ŋuɗufa gha ta *Yesu *Kristi. Tsa zlghay nda ŋuɗuf ya ná, tiŋəl midza gha Luwis ta zlghafta, ka fiŋtá ma gha Unis. Graf gra yu kazlay: Zlghaf zlgha kagha guli kəʼa.

2Tim 3:15

Daga ma ga zwaŋa gha, nda sna ka ta skwi ma vindatá gwaɗa nda ghuɓa ta nzakway ka gwaɗa Lazglafta. Dzaʼa vlagha vla ta ɗifil ta kla mndu da mbaku nda ma zlghaftá Yesu nda ŋuɗuf.

Hebru 13:8

Va tsa *Yesu *Kristi ya ta nzakway ɗahawu, tsa tsatsi ya ta nzakway gita, tsatsi dzaʼa nzakway ŋa kɗekedzeŋ guli.

1Sam 12:23

Iʼi ná, va a yu ɗekɗek ta ganata ɗa ta dmaku ta Yawe, nda ma zlanata ɗa ta maga duʼa da tsi ta ghəŋa kaghuni wa! Katək na, dzaʼa gɗa gɗa yu ta taghaghunatá tvi tɗukwa, ndəɗapa.