2Tes 3:3 - Hdi

³ Mgham Yesu ná, vərɗa mndu ya, dzaʼa mbraghunafmbra, ŋa nghay ni ta kaghuni da halaway.

2Tes 3:3 Iomraidhean Croise

Zlrafta 48:16

Tsatsi ta klaptá iʼi ma ghwaɗaka skwi, ka tfanagha tfa tsi ta wi ta na zwani na, əŋkaʼa ka hahəŋ dzaʼa kəl mnduha ka gɗata ta hga hga ɗa, nda ya, nda hga dzidzíha ɗa, i Abraham nda Izak, ka yafta həŋ ŋa nzakwa taŋ tusak ta ghəŋa haɗik, » kaʼa.

1Rus 4:10

Ka taw Yaghbets ta taw da Lazglafta la Israʼila, kaʼa mantsa: « Ka tfiɗaghata ka ta wi kahwathwata nda ma sgiɗaghatá kwakwara ɗa! Ka ha ka ta dzvu mista ɗa! Ka ngha ka ta iʼi da zləmnda nda inda ghuya ɗaŋwa, » kaʼa. Ka tsuʼanaftá Lazglafta ta skwi ɗawaŋ tsi.

Mata 5:37

Gwaɗa ya ŋa sabi ma wa ghuni ná, ka aŋi tsi, aŋi. Ka mantsa a tsi wu, mantsa a wa. Inda ya dzaʼa sganaghata lu ta ghəŋa tsaya ná, sagha da halaway. »

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Lukwa 11:4

plaŋna pla ta dmakwa ŋni, manda ya ta plinista aŋni ta dmakuha gwal ta magaŋnata guli. Ma zlaŋna ka tawa skwi dzaʼa dzəghaŋnata,” » kaʼa.

Yuhwana 17:15

Ndəɓa a yu ta dzvu da kagha ŋa hlaptá həŋ ma ghəŋa haɗik wa. Ama nghay yeya dzaʼa ka ngha həŋ da katkata tsa ghwaɗak ya.

1Kwa 1:9

Tsa Lazglafta ta hagaftá kaghuni ka guyaghunafta nda Yesu Kristi ta nzakway ka Mghama mu ya ná, haɗ ta tsakalawi wa.

1Kwa 10:13

Inda tsa dzəghuha ta grughunusta ya ná, dzəghuha ta raŋtá mnda səla ya. Lazglafta ná, ŋərma mndu ya. Haɗ dzaʼa zlaŋtá dzəghə ŋa dzəghaghunata ka malaghutá mbrakwa ghuni, da traptá kuni ta spafta wa.

1Tes 5:24

Dzaʼa magay tsa Lazglafta ta hgaftá kaghuni ya, kabga ta magay ta inda skwi ya mna tsi.

2Tes 2:17

Ka lɓaghunatá tsi ta ŋuɗuf, ka vlaghunatá tsi ta mbrakwa gɗata ta maga skwi ɗina ɗina ma slna nda ya ma gwaɗa.

2Tim 4:18

Nda sna yu guli ná, dzaʼa katigipkata Lazglafta ma inda ghwaɗaka skwi. Dzaʼa katay ta iʼi ŋa lafa ɗa ta luwa da vla ga mghama ni. Ŋa ni glaku ŋa kɗekedzeŋ. *Amin!

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

2 Piyer 2:9

Tsaya tama ná, nda sna Mgham Lazglafta kəʼa ta hligiŋtá tɗukwa mnduha ma skwi ta dzəghaŋtá həŋ. Nda sna guli kəʼa ta pghaghutá gwal ta maga ghwaɗaka skwi ŋa ganaptá iri ta həŋ baɗu fitika tsa guma.

Yuda 1:24

Ka nza glaku ŋa Lazglafta ya ta laviŋtá ngha kaghuni, yaha kuni zlumbutá, tsatsi dzaʼa ghuɓighunista tsezleʼ ŋa rfay ghuni ta rfu ta hladaghunaghatá tsi ta kəma glakwa ni.