2Tes 2:13 - Hdi

¹³ Aŋni, nda ra ka rfay ŋni ta Lazglafta ta ghəŋa kaghuni zwana ma. Ɗvu ɗva Mgham *Yesu ta kaghuni kabga Lazglafta ta zbaptá kaghuni daga ta taŋtaŋ, ŋa mbaghunafta nda ma slna Sulkum, ka faghutá kaghuni nda ghuɓa, ma zlghafta ghuni nda ŋuɗufa ghuni ta tsa kahwathwata ya.

2Tes 2:13 Iomraidhean Croise

Zlrafta 1:1

Ma zlrafta inda skwi, ka zlaganaptá Lazglafta ta luwa nda haɗik.

2Sam 12:25

ka tsəghaftá tsi ta lwi nda ma wa anabi Nataŋ ŋa tsanaftá hga ni ka Yədidəya, dabga ɗvuta Yawe.

Danyel 10:11

Ka tsa mndu ya nda iʼi mantsa: « Danyel, mamu sgita gha ta wa ira Lazglafta, fa fa ta sləməŋ ŋa snaŋtá klatá ghəŋa na gwaɗa ya ta mnə yu na. Slada slada nda slada, kabga ghunaga da kagha lu ta iʼi, » kaʼa. Tata tsa gwaɗa ya nda iʼi, ka sladatá yu. Ta ghudzaku yu gar gar gar.

Danyel 10:19

Kaʼa mantsa: « Ma zləŋ ka ta zləŋ, mamu sgita gha ta wa ira Lazglafta, ka nza zɗaku nda kagha, ŋava ŋa, mbra ta vgha! » kaʼa. Tata tsa gwaɗa ya nda iʼi, ka vravaftá mbrakwa ɗa. Ka yu mantsa: « Mna ta gwaɗa gha Rvera ɗa, kabga vliha vla ka ta mbraku, » ka yu.

Danyel 9:23

Na tsa fitika zlrafta gha ta taw da Lazglafta ya ná, ka sab gwaɗa da tsi, tsaya kəl yu ka sagha da snaghamta, kabga mamu sgita gha ta wa ira Lazglafta. Guna guna ta sləməŋ wuzlaŋ, ka sna ka ta tsa gwaɗa ta ghəŋa tsa skwi nghaŋ ka manda skwi ma suni ya.

Lukwa 1:75

ŋa nzata ghuni ka gwal nda ghuɓa, gwal tɗukwa ta kəma ni ma inda kɗavakta hafa mu.”

Yuhwana 1:1

Daga taŋtaŋ mamu gwaɗa. Kawadaga tsa gwaɗa ya nda Lazglafta. Tsa gwaɗa ya ta nzakway ka Lazglafta.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Slna gwal ghunay 13:48

Snay gwal kul nzakway ka la Yahuda ta tsa gwaɗa ya ná, ka rfu həŋ ta rfu, ka zləzlvu həŋ ta Lazglafta. Ka zlghaftá inda gwal thanaf lu ta hafu ŋa kɗekedzeŋ, ta həŋ.

Slna gwal ghunay 15:9

Haɗ sana skwi dgana Lazglafta ta amu nda hahəŋ manda ghuɓiŋta ni ta ŋuɗufa taŋ, ma zlghafta taŋ wa.

La Ruma 6:17

Rfama ta Lazglafta! Ghalya si nda nza kuni ka vuʼa dmaku. Ndanana, sna sna kuni nda inda ŋuɗufa ghuni ta dughwaŋa skwi ya ta taghu lu ŋa inda mnduha demdem, ka taghaftá kuni.

La Ruma 8:33

Wa dzaʼa tsaftá skwi ta gwal zabap Lazglafta na? Haɗ mndu wa. Lazglafta ta hlaftá həŋ ka gwal tɗukwa ta wa ira ni.

La Ruma 9:11

Makəɗ lu ka yatá tsa zwani ya, ka Lazglafta nda Rebeka mantsa: « Mali dzaʼa ndəɓa dzvu da sagəŋ, » kaʼa. Ta la a tsa zwani ya saha ta haɗik, ka snaŋta taŋ ta skwi ɗina nda ya kul ɗinaku nda tsa ta luta tsa gwaɗa ya wa. Nza nza tsa skwi ya mantsa kada nzakwa skwi ta kum Lazglafta manda ya tha tsi. Tsa zbaf lu ya ná, ŋa nzakwa ni manda ya ta kum Lazglafta hgafta lu, ta vəl magata ni ta slna a wa.

1Kwa 1:21

Nda ŋa taŋ ma ɗifil ná, trap tra mnduha ma ghəŋa haɗik ta tsatsaftá skwi maga Lazglafta nda ŋa ni ma ɗifil. Ka klaftá Lazglafta ta tsa gwaɗa ta mnə mu, niŋ hahəŋ ka gwaɗa tsaɓaku ya, ŋa mbanaftá mnduha ta zlghafta.

Galat 3:1

Aya la Galat ksu skwi! Nya sughunus lu na? Ya wya maraghuna mara yu tsiɗiɗ ta *Yesu *Kristi ta mtuta ta udza zləŋay.

Afisus 2:8

Zɗakatahuɗa ni tani kəl Lazglafta ka mbaghunafta nda ma zlghafta ghuni ta Kristi. Mbaghunaf a ta ghəŋa vəl magata ghuni ta skwiha ɗina ɗina wu, ka mbalay mbaghunafta tsi.

Vrafta ta zlahu 33:12

Wya kəʼa mnata ta ghəŋa Biŋyamiŋ: Ɗvu ɗva Yawe ta tsatsi, nda nza nzakwa ni ləŋləŋ nda tsi. Yawe ta nghay inda fitik, ma ghuva ni ta nzakwa tsi.

Kwalus 1:5

Kəl kuni ka maga tsaha ya ná, nda fa ghəŋa ghuni ta ŋərma skwi payaghunaf Lazglafta ta luwa. Tsaya zɗakwa gwaɗa ya mnaghuna lu daga taŋtaŋ, ta nzakway ka *Lfiɗa Gwaɗa kahwathwata snaŋ kuni, ka faftá kuni ta ghəŋ tida.

Kwalus 3:12

Mantsa ya tama, Lazglafta ta psapta kaghuni ŋa nzakwa ghuni ka mnduha ni, ta ɗvay ta kaghuni. Kaghuni guli, nzawa nza nda tawa hiɗahiɗa ta mndu, nda zɗaku, nda hanata ghəŋ, nda nzaku leɓtekwa, nda ksanata ŋuɗuf.

1Tes 1:4

Zwana ma ɗa, nda sna mu kazlay: Ɗvu ɗva Lazglafta ta kaghuni ka zbaftá tsi ta kaghuni ŋa nzakway ka ŋa ni kəʼa.

1Tes 2:12

ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.

1Tes 4:7

Hgaf a Lazglafta ta amu ŋa maga sliʼiŋsliʼiŋ wa. Hgaf ŋa nzata mu hezleʼ a ta amu.

1Tes 5:9

Pəgha a Lazglafta ta amu ŋa ghuzlamap ta iri wa. Hgaf hga ta amu ŋa mbamafta nda ma Mghama mu *Yesu *Kristi.

2Tes 1:3

Zwana ma ɗa, haɗ ŋni ta zlaŋta rfanaghatá Lazglafta ta ghəŋa kaghuni wa. Nda nza tsaya tɗukwa, kabga ta dzaʼa ta kəma ta kəma zlghay nda ŋuɗufa ghuni, nda ɗvu ta dzaʼa ta kəma ta kəma ta mag inda kaghuni ŋa sanlaha ya.

2Tes 2:10

Dzaʼa magay ta inda ghwaɗaka skwiha ŋa nanaghatá gwal ta zaɗa ghəŋa taŋ, kabga kwalaghuta taŋ ta tsuʼafta, ɗvaf a həŋ ta kahwathwata má dzaʼa mbanaftá həŋ ya wa.

2Tes 2:12

kada tsanaghata Lazglafta ta guma ta inda tsa gwal ta kwalaghuta zlghaftá kahwathwata, zɗəgana maga ghwaɗaka skwi ta həŋ ya.

2Tes 2:16

Ta maga duʼa yu da Mghama mu Yesu Kristi tsatsi ka ghəŋa ni, nda ya da Da mu Lazglafta ya ta ɗvutá amu, ya ta zɗaŋtá huɗi ka lɓamatá ŋuɗuf ŋa kɗekedzeŋ, nda skwi faf mu ta ghəŋ tida.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

2Tim 2:15

Kagha, ŋava ŋa ka nzakwa ka ta kəma Lazglafta ka mndu nda ndəha, ka mnda maga slna kul haɗ hula ta ksafta ma slna ni, ta mna vərɗa gwaɗa nda tva ni.

2Tim 3:15

Daga ma ga zwaŋa gha, nda sna ka ta skwi ma vindatá gwaɗa nda ghuɓa ta nzakway ka gwaɗa Lazglafta. Dzaʼa vlagha vla ta ɗifil ta kla mndu da mbaku nda ma zlghaftá Yesu nda ŋuɗuf.

Hebru 1:10

Kaʼa guli: « Kagha ná, Mgham ka. Ma zlrafta ni, kagha ta magaftá ghəŋa haɗik. Luwa guli ná, magatá slna dzva gha ya.

Yakubu 1:18

Tsatsi ka ghəŋa ni ta ɗvutá vlamata hafu nda ma gwaɗa ni ta nzakway ka kahwathwata, kada nzakwa mu ka taŋtaŋa ni mataba skwiha ya zlaganap tsi.

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

1 Yuhwana 4:19

Amu ná, ɗvu ɗva mu ta Lazglafta kabga tiŋəl tsatsi ta ɗvuta amu.