2Tes 1:8 - Hdi

⁸ Ma takataka vu ta zlghaku dzaʼa saha həŋ ŋa ghuzlanaptá iri ta gwal kul snaŋtá Lazglafta, ta kwalaghutá snatá Lfiɗa Gwaɗa Mghama mu Yesu Kristi ya.

2Tes 1:8 Iomraidhean Croise

Zlrafta 3:24

Tahula ghəzligiŋta ni ta mndu ma tsa Gama Aden ya, nda ga silwa tsa Gam ya, ka pghuŋtá tsi ta wa ni ta kerubaha ni, nda limay ta wuɗaku ghandand, ŋa pya təva dzaʼa da vla tsa fwa hafu ya.

2Sam 23:7

Ka ta hlay mndu ná, klafta ni ta skwi ka kfur ka ya ka udza gupa a tsi, ka driŋta nda vu ma va tsa vla ni ya, » kaʼa.

Sabi 5:2

Ka Firʼawna mantsa: « Wa Yawe ŋa snay ɗa ta gwaɗa ni, ŋa zliŋta ɗa ta la Israʼila na? Sna a yu ta Yawe wa, haɗ yu ta zliŋtá la Israʼila guli wu, » kaʼa.

Danyel 7:10

Ka mbəzagaptá zala vu, ka sabi ta kəma ni. Mleŋwi mleŋwi mnduha ta ksanatá slna, mleŋwi mleŋwi dəmbuʼ ghwaŋ mnduha ta sladu ta kəma ni. Ka tskavatá gwal tsa guma, ka gwananaftá lu ta sanlaha ɗelewerha.

Mata 25:41

« Tahula tsa, kaʼa dzaʼazlay nda tsa gwal nda ga zlaɓa ni ya mantsa: “Laghwala ta vata iʼi, kaghuni gwal ksiʼaf Lazglafta. Lawa la da həga vu ya ŋa kɗekedzeŋ, payaf lu ŋa i halaway nda duhwalha ni.

Mata 25:46

Ŋa sliʼa tsaha ya da vla ghuya ɗaŋwa ŋa kɗekedzeŋ, ta sliʼi gwal ta snatá gwaɗa Lazglafta da vla hafu ŋa kɗekedzeŋ guli, » kaʼa.

Yuhwana 3:19

« Wya ghəŋa tsa guma ya: Ma saha tsuwaɗak ta ghəŋa haɗik, ka zlanavatá mndu ta tsuwaɗak ka laghu ɗvatá grusl, kabga slnaha taŋ kul ɗinaku.

Yuhwana 8:19

« Ga Da gha na? » ka həŋ nda tsi. Ka Yesu mantsa: « Sna a kuni ta iʼi wu, sna a kuni ta Da ɗa guli wa. Ka má nda sna kuni ta iʼi ná, má nda sna kuni ta Da ɗa guli, » kaʼa nda həŋ.

Slna gwal ghunay 6:7

Ka sgavaghatá tutá gwaɗa Lazglafta. Ka sgavaghatá gwal zlghay nda ŋuɗuf ma luwa Ursalima. Nda ndəgha gwal dra skwi ŋa Lazglafta katakata ta faftá ghəŋa taŋ ta *Yesu guli.

La Ruma 1:28

Manda va ya kwalaghu həŋ ta snanatá Lazglafta ya, ka zliŋtá Lazglafta guli ta həŋ mista tsa ghwaɗaka ndana taŋ ya. Ka mag həŋ ta skwi kul raku.

La Ruma 1:5

Nda ma Yesu Kristi zɗəɗiŋta Lazglafta ta huɗi, ka niɗifta ka mnda ghunay ŋa dzaʼa ɗa mna gwaɗa ni ŋa inda mndəra mnduha kavghakavgha, ŋa zlghafta taŋ ka snata taŋ. Mantsa dzaʼa kəl həŋ ka vlaŋtá glaku ta Yesu Kristi.

La Ruma 10:16

Tsaw inda taŋ a ta snatá tsa *Lfiɗa Gwaɗa ya wa. Ka Isaya mnata guli na: Mghama ɗa! Wa ta zlghaftá tsa gwaɗa mna ŋni ya? kaʼa.

La Ruma 15:18

Haɗ yu ta walaŋtá mna sana skwi, ka ya maga Kristi nda ma iʼi a tsi wa. Nda ma iʼi hlakta tsi ta gwal kul nzakway ka la Yahuda ŋa nzakwa taŋ ka gwal snanatá gwaɗa ta Lazglafta. Nda nza nda ma gwaɗa ɗa, nda nza nda ma slnaha ɗa.

La Ruma 16:26

Ndanana ná, sab sa ta daɓi nda ma vindi ya vindaf la anabi, manda va ya mna Lazglafta ŋa kɗekedzeŋ guli, ka snanamtá lu ta inda mndəra mndu ŋa snata taŋ ta gwaɗa ni ma zlghafta taŋ.

La Ruma 6:16

Sna a kuni kazlay: Ka fa fa kuni ta ghəŋa ghuni manda vuʼa mndu ka snanatá gwaɗa ni ná, nda nza kuni ka vuʼa tsa mndu ta snu kuni ta gwaɗa ni ya kəʼa ra? Laviŋ lava ka ta nzakway ka vuʼa dmaku, ŋa klay dmaku ta kagha da mtaku. Laviŋ lava ka ta snanatá ŋa Lazglafta, ŋa naghafta Lazglafta ka mndu tɗukwa ta ghəŋa vəl snanata gha ta gwaɗa ni.

1Kwa 15:34

Vraganaghawa vra ta ghəŋa ghuni manda ya ta raku. Ma walaŋ kuni ta maga dmaku, ya sna a sanlaha mataba ghuni ta Lazglafta wa. Aya hula ka iʼi taɗa!

2Kwa 10:5

Ta ŋarap ŋara ŋni ta inda ghwaɗaka ndanuha ta ndanata gwal ta gla ghəŋ ta pya snaŋtá Lazglafta. Ta gwaɗay aŋni ta gwaɗa ŋa ksanaktá ndana mnduha ŋa sna gwaɗa Kristi.

Galat 3:1

Aya la Galat ksu skwi! Nya sughunus lu na? Ya wya maraghuna mara yu tsiɗiɗ ta *Yesu *Kristi ta mtuta ta udza zləŋay.

Galat 4:8

Ghalya ma fitika kwala ghuni kul snaŋtá Lazglafta, vuʼa skwa wuyay kul nzakway ka vərɗa Lazglafta si ta gə kuni.

Vrafta ta zlahu 32:35

Iʼi dzaʼa planamtá mndu, iʼi dzaʼa vranamta, ma fitika tsəhiŋta skwi ta səla taŋ, kabga ndusak ndusa fitika slanaghata ɓadzaku ta həŋ, dzaʼa gi sagha sa skwi ya payaf lu ta ghəŋa taŋ. »

Vrafta ta zlahu 4:11

Ma tsa fitik ya, ka gavadaghatá kuni ka sladata mista ghwá. Ka vu tsa ghwá ya, ha ka zaghutá zləghakwa ni da ghuvaŋata luwa ma ɗiŋ kuɗumbul, nda kusay tɗik.

Vrafta ta zlahu 4:30

Ka nda nza kuni ma ghuya ɗaŋwa dazlay, slaghunaghaha na skwiha na ma tsa fitik ya, dzaʼa vragagha vra kuni da Yawe, Lazglafta ghuni ŋa snanatá ŋa ni.

Vrafta ta zlahu 5:5

Ma tsa fitik ya, ka nzatá yu mataba ghuni nda Yawe ŋa mnaghunatá gwaɗa mna Yawe, kabga ta zləŋay kaghuni ta vu, ŋladaf a kuni ta ghwá wa. Kaʼa mantsa:

1Tes 4:5

ŋa ghudzaku tida manda ŋa gwal kul snaŋta Lazglafta ya a guli wa.

Hebru 10:27

Ta ghəŋa kəzlay ma zləŋ dzaʼa kzlə lu ta guma Lazglafta. Tsa guma ya ná, nda bla katakata, ka vu ghandand nzakwa ni dzaʼa dra ghumaha ni.

Hebru 10:30

Nda sna amu ta tsa mndu ta mnay kazlay: Iʼi dzaʼa vranamtá mndu ta skwi ya maga tsi, iʼi dzaʼa planamta kəʼa ya. Kaʼa guli na: « Dzaʼa tsanagha tsa Mgham Lazglafta ta guma ta mnduha ni, » kaʼa.

Hebru 11:8

Nda ma zlghay nda ŋuɗuf snata Abraham ta hgu hgaf Lazglafta, ka sliʼaftá tsi ka laghwi ta haɗik ya dzaʼa vlaŋta Lazglafta ŋa ni. Ta sliʼaftá tsi, sna a ta vli ta dzaʼa tsi wa.

Hebru 12:29

Lazglafta mu ná, vu ta zaɗanatá skwi ya.

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

Hebru 5:9

Manda kɗiŋta Lazglafta ta dzanaghatá ghəŋa skwi ya kumaŋ tsi nda ma tsatsi, ka nzaku tsi ka mndu ya ta mba inda gwal ta snanatá gwaɗa ni, ŋa nzakwa taŋ nda hafu ŋa kɗekedzeŋ.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Piyer 3:6

Mantsa ya si ta maga Sara, ta sna gwaɗa da Abraham. « Mghama ɗa! » kaʼa si ta hgay guli. Kaghuni guli ná, kwagha ni kuni, ka ta magay kuni ta skwi ɗina, ka ksu a zləŋ ta kaghuni.

1 Piyer 4:17

Sagha sa fitik ŋa zlraftá Lazglafta ta tsa guma. Tiŋəl ta ghəŋa həga ni dzaʼa zlrafta tsi ta tsay. Ala, ka si nda amu ka lu zlrafta katsi, kinawu dzaʼa kɗavakta tsi ta ghəŋa gwal kul snatá *Lfiɗa Gwaɗa Lazglafta na?

2 Piyer 3:7

Na luwa nda ghəŋa haɗik ta nghə mu ndanana ná, va tsa gwaɗa Lazglafta ya ta ŋanata, ŋa zaɗanata nda vu. Ŋana ŋa ta həŋ ha sagha fitika guma, ŋa zaɗanatá ghwaɗaka mnduha.

Yuda 1:7

Havak kuni guli ta luwa Sədum nda luwa Ghamura, nda sana luwaha ta wanaftá həŋ. Ka mag mnduha ma tsa luwaha ya ta sliʼiŋsliʼiŋ manda ŋa tsa duhwalha Lazglafta ya. Ka sliʼamtá həŋ da hliri nda sluʼuvgha ya kul raku ka magay mnda səla. Ka pghamtá Lazglafta ta həŋ ma vu kul mtavata ɗekɗek. Tsaya ná, ŋa maranaŋtá mnduha ta skwi ya dzaʼa mag Lazglafta nda gwal ta magaku mantsa ya.

Suna Yuhwana 20:10

Ka gi klaftá lu ta tsa halaway ta nana həŋ ya ka vzaghata da duda vu ghandand ma vli hada tsa nimtak nda ghwaɗaka anabi ya, ŋa giri ŋa taŋ hada nda fitik tani, nda rviɗik tani ha ŋa kɗekedzeŋ.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 6:10

Ka həŋ nda lwi dagala dagala mantsa: « Mgham Lazglafta ta mbruta, ya nda ghuɓa, ya kahwathwata. Baɗu yawu dzaʼa tsa ka ta guma ta ghəŋa na ghəŋa haɗik na, ŋa planamta gha ta həŋ ta vəl pslata taŋ ta aŋni na? » ka həŋ.

1Sam 2:12

Zwana Iliya ná, la falay həŋ, sna a həŋ ta Yawe wa.