2Tes 1:6 - Hdi

⁶ Skwi tɗukwa dzaʼa magata Lazglafta, na tsa ghuyanaptá ɗaŋwa dzaʼa ghuyanapta tsi ta tsa gwal ta ghuyaghunaptá ɗaŋwa ya guli.

2Tes 1:6 Iomraidhean Croise

Sabi 23:22

Ama ka fa fa kuni ta sləməŋ ɗina ka snanatá gwaɗa ni, ka ta magay kuni ta inda skwi dzaʼa mnaghata yu katsi, dzaʼa nzakway yu ka ghuma ghumaha ghuni, ka mnda dzaŋtá kuma nda mndu dzaʼa dzaŋtá kuma nda kaghuni.

Kwalus 3:25

Mndu ta maga ghwaɗaka skwi ná, va tsa ghwaɗaka ni ya ŋa ni dzaʼa mutsay, kabga haɗ Lazglafta ta gala mndu nda gala wa.

Hebru 6:10

Lazglafta ná, tɗukwa tsatsi, haɗ dzaʼa zanaptá slna ghuni ya maga kuni, ŋa kataŋtá zwana ma ghuni gwal zlghay nda ŋuɗuf, ya ta gɗata kuni ta kata həŋ ndanana guli ya wa.

Suna Yuhwana 11:18

Ka gavaghatá mndəra mnduha ta sidi. Ndana tama, sagha sa fitika ganavata kagha ta sida ta həŋ. Sagha sa fitika tsanaghata gha ta guma ta gwal nda rwa. Dzaʼa valaŋvala ka ta nisəla gwal ta ksaghatá slna ta nzakway ka la anabi, nda gwal nda ghuɓa, nda gwal ta zləŋa hga gha, nda zwani tani, nda galata mndu tani. Sagha sa fitik guli ŋa zaɗanata gha ta inda gwal ta ɓadziŋtá ghəŋa haɗik, » ka həŋ.

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.

Suna Yuhwana 18:20

Kaghuni gwal ta luwa, rfawa rfa kaghuni ta rfu ta ghəŋa zaɗanatá tsa luwa ya. Kaghuni mnduha Lazglafta nda gwal ghunay, nda la anabi. Rfawa rfa ta rfu kaghuni guli, kabga tsanaghata Lazglafta ta guma ta ghəŋa tsa skwi magaghuna tsi ya.

Suna Yuhwana 18:24

Ta ghəŋa tsa guli ná, ma Babila slanaghata lu ta pghatá usa la anabi, nda usa mnduha Lazglafta, nda usa inda gwal psla lu ta ghəŋa haɗik.

Suna Yuhwana 19:2

Nda tva ni manda ya ta raku ta tsatsi ta guma. Ka tsanaghatá tsi ta guma ta tsa mghama sliʼiŋ ta ɓadziŋta haɗik nda tsa sliʼiŋsliʼiŋani ya. Ganap ga Lazglafta ta iri kabga vəl pslata ni ta kwalvaha ni, » kaʼa.

Suna Yuhwana 6:10

Ka həŋ nda lwi dagala dagala mantsa: « Mgham Lazglafta ta mbruta, ya nda ghuɓa, ya kahwathwata. Baɗu yawu dzaʼa tsa ka ta guma ta ghəŋa na ghəŋa haɗik na, ŋa planamta gha ta həŋ ta vəl pslata taŋ ta aŋni na? » ka həŋ.