2Tes 1:5 - Hdi

⁵ Tsa ghuya ɗaŋwa ya ta maray kazlay: Tɗukwa guma Lazglafta kəʼa, ŋa klafta ni ta kaghuni ka gwal nda ra ŋa da ga mghama Lazglafta, ya ta ghuy kuni ta ɗaŋwa ta ghəŋa ni ya.

2Tes 1:5 Iomraidhean Croise

Lukwa 20:35

ama zgwana nda miʼaha gwal nghadap Lazglafta kazlay: Nda ra həŋ ka vragapta ma mtaku nda hafu, ŋa nzaku nda hafu ma mbəɗakwa luwa dazlay kəʼa ya, haɗ həŋ dzaʼa kluvustá vgha wa.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Slna gwal ghunay 13:46

Zləŋaŋə a i Pwal nda Barnabas ta həŋ wa. Ka həŋ mantsa: « Nda ra má ka tiŋlaghutá mna gwaɗa Lazglafta ŋa kaghuni mazlay, ka kwalaghutá kaghuni. Ra a aŋni ka mutsa hafu ŋa kɗekedzeŋ wu ka kuni ya, dzaʼa mbəɗaghutá vgha ŋni nda təv gwal kul nzakway ka la Yahuda ndana tama.

Slna gwal ghunay 14:22

Ka vlaŋtá həŋ ta mbraku ta tsa gwal zlghay nda ŋuɗuf ya, ŋa dihavata taŋ ma zlghay nda ŋuɗufa taŋ. « Nda ma ghuya ɗaŋwa kavghakavgha dzaʼa lama lu da ga mghama Lazglafta, » ka həŋ, nda həŋ.

La Ruma 2:5

Ma tsa təŋatá ghəŋa gha ya, ka kwalaghutá ka ta mbəɗanaftá nzakwa gha ya ná, guma ɓasatá ŋuɗufa Lazglafta ta tɗanakta ka ta ghəŋa gha. Dzaʼa ksaf ksa guma ta kagha, baɗu ɓasafta Lazglafta ta ŋuɗuf ta ghəŋa mnduha, ŋa tsanaghatani ta guma nda tva ni ta inda mndu.

La Ruma 8:17

Ka si nda nza mu ka zwana ni, dzaʼa mutsay mu ta skwi ya payamaf tsi. Nda amu tani, nda Yesu Kristi tani, kawadaga mu dzaʼa mutsa tsa skwi payamaf tsi ya, kabga kawadaga mu ta ghuya ɗaŋwa, kawadaga mu guli nda tsi dzaʼa mutsa tsa glaku ya.

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

Filip 1:28

Yaha kuni zləŋa ghumaha ghuni. Ka zləŋaf a kuni ta həŋ wu katsi, tsaya dzaʼa kəl həŋ ka snaŋta kazlay: Dzaʼa tsanagha tsa Lazglafta ta guma ta həŋ kəʼa, ta mbaghunaftá tsi ta kaghuni. Da Lazglafta tsaya.

Kwalus 1:12

Rfawa rfa ta Dada. Tsatsi ta vlaghunatá mbrakwa mutsa skwiha ɗina ɗina ya payanaf tsi ta mnduha ni ma ga mghama tsuwaɗak.

1Tes 2:14

Zwana ma ɗa, nuna kaghuni manda Igliza Lazglafta ta nzakway ma *Yesu Kristi ta haɗika Zudiya ya. Ghuy ghuya kaghuni ta ɗaŋwa da gwal ta haɗika ghuni, manda ya ghuyanap la Yahuda ta hahəŋ ya.

2Tes 1:11

Tsaya ta kəl ŋni ka gɗata ta maga duʼa da Lazglafta ta ghəŋa ghuni, kada nzata kuni ka guram nda skwi ya hgaf tsi ta kaghuni, ka zlghaftá kuni ya. Ka katá tsi ta kaghuni nda mbrakwa ni, ŋa magay ghuni ta skwi ɗina ɗina, nda ya ŋa yifanaftani ta zlghay nda ŋuɗufa ghuni.

2Tim 2:12

Ka ta suʼay mu ta ghuya ɗaŋwa kawadaga nda tsi, dzaʼa gay mu ta Mgham kawadaga nda tsi guli. Ka sna a ŋni ta kagha wu ka mu nda tsi, sna a yu ta kaghuni guli wu, kaʼa dzaʼazlay nda amu.

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.

Suna Yuhwana 16:7

Ka sana duhwala Lazglafta ma gwir ta snə yu mantsa: « Mantsa ya nzakwa ni Mgham Lazglafta ya ta mbranaghata inda skwi. Ta tsay ka ta guma kahwathwata nda tva ni, » kaʼa.

Suna Yuhwana 19:2

Nda tva ni manda ya ta raku ta tsatsi ta guma. Ka tsanaghatá tsi ta guma ta tsa mghama sliʼiŋ ta ɓadziŋta haɗik nda tsa sliʼiŋsliʼiŋani ya. Ganap ga Lazglafta ta iri kabga vəl pslata ni ta kwalvaha ni, » kaʼa.

Suna Yuhwana 3:4

Nziya nza tsi, mamu sanlaha ma mnduha gha, ma va tsa luwa Sardis ya kul ŋəriŋta lguta taŋ. Tsaha ya, dzaʼa sliʼi həŋ kawadaga nda iʼi nda suɗatá lguta ŋusliŋ, kabga raŋra ta həŋ.