2Tes 1:3 - Hdi

³ Zwana ma ɗa, haɗ ŋni ta zlaŋta rfanaghatá Lazglafta ta ghəŋa kaghuni wa. Nda nza tsaya tɗukwa, kabga ta dzaʼa ta kəma ta kəma zlghay nda ŋuɗufa ghuni, nda ɗvu ta dzaʼa ta kəma ta kəma ta mag inda kaghuni ŋa sanlaha ya.

2Tes 1:3 Iomraidhean Croise

Lukwa 15:32

Nda ra ka magatá skwa skalu, ka rfay mu ta rfu. Nana zwaŋama gha wana tsi na ná, si nda mta, ka vraktá tsi nda hafu. Si nda zaɗa, ka nghavatá tsi,” » ka da ni nda tsi.

Lukwa 17:5

Ka gwal ghunay nda Mgham *Yesu mantsa: « Sgaŋnagha zlghay nda ŋuɗuf, » ka həŋ.

Yuhwana 15:2

Inda dzva fu ta dzuslafta ta iʼi, kul haɗ ta yaku ná, ta tsiŋ tsa. Inda dzva fu ta dzuslafta ta iʼi ta yaku guli na, ta slaɗaf slaɗa ŋa sgəglavaghata yakwa ni.

La Ruma 1:8

Karaku ná, ta rfanagha rfa yu ta Lazglafta ɗa nda ma *Yesu *Kristi ta ghəŋa kaghuni demdem, kabga ta kulay lu ta zlghay nda ŋuɗufa ghuni ma inda vli ta ghəŋa haɗik.

1Kwa 1:4

Ta va rfay yu ta Lazglafta ɗa ta ghəŋa kaghuni ma vəl zɗaŋtani ta huɗi ma guyaghunaftani nda *Yesu *Kristi, Zwaŋa Lazglafta.

2Kwa 10:15

Haɗ aŋni ta *Pak kuraghuta vli vlaŋna lu, ka ghərɓaku ta ghəŋa magatá slna sanlaha wa. Skwi faf aŋni ta ghəŋ tida ná, má ka sgavagha sga zlghay nda ŋuɗufa ghuni, ka sgavaghata slna ŋni mataba ghuni manda ya kuraŋna Lazglafta,

Afisus 5:20

Rfawa rfa ta Lazglafta ta nzakway ka Da inda fitik ta ghəŋa inda skwi ta magaghunata tsi nda ma Yesu Kristi.

Filip 1:7

Tsa ndanu ta ndanu yu ta ghəŋa ghuni ya ná, tɗukwa nzakwa ni, graf gra yu, kabga laghu la kuni da ŋuɗufa ɗa. Kaghuni demdem kawadaga kuni nda iʼi. Nda guya mu ma zɗakatahuɗa Lazglafta, ma na nzakwa ɗa ma gamak ná, nda ya ma ŋavata ta ŋavata yu ka mnigiŋtá gwaɗa Lazglafta kahwathwata ka dihavata ka zlərɗatá *Lfiɗa Gwaɗa.

Filip 1:9

Wya skwi ta mag yu ta duʼa da Lazglafta ta ghəŋa ghuni: Ka dzaʼa kuni ta kəma ta kəma nda ɗvutá sani nda sani. Tsaya dzaʼa kəl kuni ka snaŋtá skwi ɗina, ŋa snaŋta ghuni ta dganatá ŋərma skwi nda skwi kul ɗinaku,

1Tes 3:12

Kaghuni ya guli, má ka sgaghunagha sga Mgham Yesu ta tsa ɗvu mataba ghuni ya, nda ya ta mag kuni ŋa inda sanlaha ma mnduha ya guli, ka nzakwa tsi manda va ya ta ɗvu aŋni ta kaghuni ya.

1Tes 3:6

Ndanana tama, sliʼaf sliʼa Timute da kaghuni ka vragaghuta da aŋni, ka rusaŋnaftá tsi ta gwaɗa ta zlghay nda ŋuɗufa ghuni, nda ya ká kuni ta ɗvutá mndu. Ka mnaŋnaftá tsi guli ya ká kuni ta famtá aŋni ma duʼa ghuni dardar, nda ya ka kuni ta kuma nghəglaŋtá aŋni, manda ya ta kum aŋni ta nghaŋtá kaghuni ya guli.

1Tes 3:9

Ndaw dzaʼa rfa ŋni ta Lazglafta ŋni ta ghəŋa kaghuni ma na zɗaŋnafta zɗaŋnaf kuni ta ŋuɗuf ta kəma ni na?

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.

2Tes 2:1

Zwana ma ɗa, ta kumay ŋni ta mnaghunatá gwaɗa ta fitika sagha dzaʼa sagha Mghama mu Yesu Kristi, nda gwaɗa ta fitika tskavata dzaʼa tskavata mu ta kəma ni ya. Wya skwi ta ndəɓu ŋni ta dzvu da kaghuni:

2Tes 2:13

Aŋni, nda ra ka rfay ŋni ta Lazglafta ta ghəŋa kaghuni zwana ma. Ɗvu ɗva Mgham *Yesu ta kaghuni kabga Lazglafta ta zbaptá kaghuni daga ta taŋtaŋ, ŋa mbaghunafta nda ma slna Sulkum, ka faghutá kaghuni nda ghuɓa, ma zlghafta ghuni nda ŋuɗufa ghuni ta tsa kahwathwata ya.

1 Piyer 1:22

Nda nza kuni ka gwal nda ghuɓa, ma snanata ghuni ta gwaɗa Lazglafta, ŋa ɗvuta ghuni ta zwana ma ghuni nda ŋuɗufa ghuni. Gɗawa gɗa tama ta ɗvuvustá vgha ghuni kahwathwata nda ŋuɗuf turtuk.

2 Piyer 1:13

Ka tata hafu yu katsi ná, nda nza ka skwi ɗina na havay ɗa ta tsa skwiha ya ŋa ghuni, kada nzata kuni nda fatá ghəŋ hzleŋa.

2 Piyer 3:18

Ama gɗavawagɗa ta dzaʼa ta kəma ta kəma ma snaŋtá Mghama mu Yesu Kristi mnda mba amu, ŋa vlaghunata ni ta zɗakatahuɗa ni. Ŋa ni glaku, daga ndanana nda ya ŋa kɗekedzeŋ. *Amin!