2Tes 1:11 - Hdi

¹¹ Tsaya ta kəl ŋni ka gɗata ta maga duʼa da Lazglafta ta ghəŋa ghuni, kada nzata kuni ka guram nda skwi ya hgaf tsi ta kaghuni, ka zlghaftá kuni ya. Ka katá tsi ta kaghuni nda mbrakwa ni, ŋa magay ghuni ta skwi ɗina ɗina, nda ya ŋa yifanaftani ta zlghay nda ŋuɗufa ghuni.

2Tes 1:11 Iomraidhean Croise

Danyel 3:17

Rvera ɗa, dər vzam vza ka ta aŋni da tsa duda vu ghandand ya ná, mamu Lazglafta ŋni ya ta ksanata ŋni ta slna nda mbraku ŋa katagaŋnapta ma tsa həga vu ghandand ya, dzaʼa katagaŋnapta guli ma dzva gha!

Markus 4:28

Haɗik ta ɗygiŋtá hulfa ŋa nzakwa ni ka kuzuŋ. Tahula tsa, ŋa pghafta ni ta ghəŋ ŋa ksayni ta zwaŋ.

Lukwa 12:32

« Ma zləŋ kuni ta zləŋ kaghuni gwal ta nzakway ka ŋa ɗa manda zwaŋa bra. Zɗəgana zɗa ta Da ghuni Lazglafta na vlaghunata ni ta ga mghama ni.

La Ruma 1:9

Nda sna Lazglafta ya ta maganata yu ta slna nda ŋuɗufa ɗa turtuk ma mnay ɗa ta *Lfiɗa Gwaɗa ta ghəŋa Zwaŋa ni, ta skwi dzaʼa yu mnay. Nda sna kazlay: Ma inda fitika ndəɓay ɗa ta dzvu ná, ta kulay yu ta kaghuni kəʼa.

La Ruma 11:29

Skwi ya vla Lazglafta, nda hgu ya hgaf tsi ná, haɗ ta mbəɗglanafta wa.

La Ruma 15:14

Zwana ma ɗa, graf gra iʼi ka ghəŋa ɗa kazlay: Nda fa vgha ghuni ŋa maga skwi ɗina, nda sna kuni ta inda skwi ya nda ra ka snaŋta, nda sna kuni ta tva vluvtá hiɗaku kəʼa.

La Ruma 8:30

Tsa gwal ghadu tsi ta zabuta ya, tsa hahəŋ ya hagaf tsi guli. Tsa gwal hagaf tsi ya guli, hahəŋ nanaf tsi ka gwal tɗukwa ta wa ira ni. Tsa hahəŋ nanaf tsi ka gwal tɗukwa ta wa ira ni ya, tsa hahəŋ ya vlaŋ tsi ta glaku ta həŋ.

1Kwa 1:8

Lazglafta dzaʼa vla mbraku ŋa ghuni ha ka sagha tsa fitik ya, ŋa kwala lu vzaftá rutsak ta kaghuni baɗu tsa sagha Mghama mu Yesu Kristi ya.

Afisus 1:16

haɗ yu ta zlanatá maga duʼa ta ghəŋa kaghuni wu, ta rfanagha rfa yu ta Lazglafta.

Afisus 1:5

Ɗvu ɗva ta amu daga manda ghalya, ka psaptá tsi ta amu ka nimista ka zwana ni nda ma Yesu Kristi. Manda tsaya ɗvuta tsi ma zɗakwa ni.

Afisus 1:9

Ka maramaŋtá tsi ta skwi ŋa magay ya nda ɗifa daga manda ghalya si kul snaŋtá mnduha. Tsa skwi kumaf tsi ta magay ya ná, nda nza nda ma slna Yesu Kristi.

Filip 1:6

Graf gra yu kazlay: Zlraf zlra Lazglafta ta maga ŋərma slna ma ŋuɗufa ghuni kəʼa. Dzaʼa kɗaŋ kɗa ta magay ŋa kɗiŋta ni baɗu vragata *Yesu Kristi.

Filip 2:13

Lazglafta ka ghəŋa ni ta maga slna ni ma kaghuni, dzaʼa kəl kuni ka ɗvaftá skwi ya ta zɗəganata ŋa magay ghuni ta slna nda tsi guli.

Filip 3:14

Ŋavata ka dzaʼa ta kəma ta kəma ŋa kɗanakta, ŋa mutsa nisəla vəl hgafta hgaf Lazglafta ta amu, ŋa ɗa. Tsa nisəla ya ná, nzata ɗa ta luwa kawadaga nda tsi nda ma Yesu Kristi ya.

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

2Tes 1:5

Tsa ghuya ɗaŋwa ya ta maray kazlay: Tɗukwa guma Lazglafta kəʼa, ŋa klafta ni ta kaghuni ka gwal nda ra ŋa da ga mghama Lazglafta, ya ta ghuy kuni ta ɗaŋwa ta ghəŋa ni ya.

2Tes 2:14

Ŋa tsaya kəl tsi ka hgaftá kaghuni nda ma *Lfiɗa Gwaɗa ya mnaghuna ŋni, ŋa mutsafta ghuni guli ta glakwa hga Mghama mu Yesu *Kristi.

Hebru 12:2

Ka fafta mu ta iri ta *Yesu ya ta tahamatá zlghay nda ŋuɗuf, tsatsi guli dzaʼa ɓhadamaghata da vla dzatá ghəŋa ni. Tsatsi ta tsuʼaftá mtuta ni ta udza zləŋay. Ksa a ka hula nda mndərga tsa mtaku ya wu, kabga nda fa ghəŋa ni ta rfu ya payana Lazglafta. Ndana tama, nda ga zeghwa Lazglafta ta nzakwa tsi.

Hebru 3:1

Mantsa tama zwana ma, kaghuni gwal hgaŋ Lazglafta ŋa nzaku ka ŋa ni, fafwa ndana ghuni ta *Yesu ghunatá mnda Lazglafta, ka mali ta ghəŋa gwal ta dra skwi ŋa Lazglafta ya. Tsatsi tsa zlghaf mu ta mnə mu baŋluwa ya.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

Suna Yuhwana 3:4

Nziya nza tsi, mamu sanlaha ma mnduha gha, ma va tsa luwa Sardis ya kul ŋəriŋta lguta taŋ. Tsaha ya, dzaʼa sliʼi həŋ kawadaga nda iʼi nda suɗatá lguta ŋusliŋ, kabga raŋra ta həŋ.

Suna Yuhwana 5:10

Nanaf na ka ta həŋ ka mnduha Lazglafta, kagha ta nzakway ka Mgham. Nanaf na ka ta həŋ ka gwal ksanatá slna ta Lazglafta, ŋa gay taŋ ta mgham ta ghəŋa mnduha ma ghəŋa haɗik. »