2Sam 1:11 - Hdi

¹¹ Ka ksaftá Dawuda ta lguta ni ka kwahiŋta ka ŋizla taw. Mantsa ya inda gwal kawadaga nda tsi guli.

2Sam 1:11 Iomraidhean Croise

Zlrafta 37:29

Ka vradaghatá Rubeŋ ta wa tsa gudzuvruŋ ya, haɗ Yusufu mida wa. Ka kuhiŋta tsi ta lgut ta vgha ni.

Zlrafta 37:34

Ka kwahiŋtá Yakubu ta lgut ta vgha ni, ka hbivtá buhu misti, kidaghi fitika ni ta tawa zwaŋa ni.

Zlrafta 44:13

Tsaya tama, ka kwahiŋtá həŋ ta lgut ta vgha taŋ, ka varadanaftá həŋ ta buhwa taŋ ta kəɗihha taŋ, ka vrəglaghata da luwa.

2Sam 13:19

Ka dzamtá Tamar ta hutiɗif ma ghəŋ, ka kwahiŋtá tsa sɗakwa ni nda wirtsa ya. Ka pghamtá tsi ta dzvu ma ghəŋ ka laghwi nda wahu.

2Sam 13:31

Ka sliʼaftá mgham, ka kwahiŋtá lguta ni, ka hanata ta haɗik. Ka kwahiŋtá inda kwalvaha ni ta sladu hada ta lgut ta vgha taŋ guli.

2Sam 3:31

Ka Dawuda nda Yuʼav nda ya nda inda gwal kawadaga nda tsi mantsa: « Kwahiŋwa kwaha ta lgutha ghuni ka pghavata kuni ta buhu ka dzaʼa nda taw ta kəma Avner, » kaʼa. Ka mbaɗ mgham Dawuda ta mbaɗa mista gwal ta kla mbli.

2Mgh 5:7

Tahula dzaŋafta mghama la Israʼila ta tsa ɗelewer ya, ka kuhiŋtá tsi ta lguta ni, kaʼa mantsa: « Lazglafta yu, ŋa laviŋta ɗa ta dzatá mndu ka mbanaftá mndu a tsi ra? Kəl tsi ka mnay ŋa ɗa kazlay ka mbanafta yu ta mndu nda ksa da ghwaɗaka lku kəʼa ra? Nghawa ká na mndu na ta zba ghazeŋzeŋ nda iʼi ɓa! » kaʼa.

2Rus 34:27

Tsəhala ta haga madər ka, ka hanaganatá ka ta ghəŋa gha ta kəma Lazglafta ma snaŋta gha ta tsa gwaɗaha ta ghəŋa tsa vli ya, nda ya ta ghəŋa mnduha ni, kabga hanaganata gha ta ghəŋ ta kəma ɗa, ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

Izra 9:3

Manda snaŋta ɗa ta tsa gwaɗa ya, ka kuhiŋtá yu ta dawra ɗa nda mayafa ɗa, ka kwitsə yu ta swidi ma ghəŋa ɗa, nda ghumay ɗa, ka nzatá yu tuʼuvuk katakata.

Asta 4:1

Manda snaŋta Murduhay ta tsa skwi ta maguta ya, ka kwahiŋtá tsi ta lguta ni, ka pghavatá buhu nda hutiɗif ta vgha, ka laghu da huɗa luwa nda wahu, ka hərɓa taw da kuzlakwa ni.

Slna gwal ghunay 14:14

Snaŋta tsa gwal ghunay ta nzakway ka i Barnabas nda Pwal ya ta tsa skwi ya, ka kwahiŋtá həŋ ta lgut ta vgha taŋ, ka ndadamta da taba tsa tskata mnduha. Ka həŋ mantsa:

La Ruma 12:15

Rfawa rfa ta rfu kawadaga nda gwal ta rfu. Tawawa tawa ta taw kawadaga nda gwal ta taw guli.

Yəhusuwa 7:6

Ka kwahiŋtá i Yəhusuwa nda la galata mnduha la Israʼila ta lguta taŋ, ka buhwamtá rgitik ma ghəŋ, ka zlambata zluzlumbruh ta kəma akwata Yawe, ka nzatá həŋ mantsa ha ka lagha ta fitik hawu.