2Mgh 4:10 - Hdi

¹⁰ Wya dzvu, baf u ba ta zwaŋa dzuguvi nda ghəŋa ni ta ghəŋa dədəmatá ghəŋa həga u, ka pghanamta u ta ghəzləŋ, nda tabəl, nda dughuruk, nda pitirla, kada laviŋta tsi ta mbiʼaptá vgha ta sagha tsi da amu, » kaʼa.

2Mgh 4:10 Iomraidhean Croise

1Mgh 17:19

Kaʼa zlghanaftá wi mantsa: « Yaha tsa zwaŋa gha ya! » kaʼa. Ka klaghutá tsi ma dzva tsa marakw ya, ka kladafta da dzuguvi ta nzakw tsi ta ghəŋa həga, ka hananaftá tsi ta ghəzləŋa ni.

2Mgh 4:11

Ma sana fitik, ka ləglagha Ilisa, ka lam tsi mbiʼaptá vgha ni ma tsa dzuguvi ya, ka han tsi hada.

Mata 25:40

Ka Mgham dzaʼazlay mantsa: “Kahwathwata ka yu ta mnaghunata ná, inda fitik ya maga kuni ta tsa skwiha ya ŋa zwana ma ɗa gwal ya nda hta katakata ya ná, magihatá iʼi kuni nda tsa.”

Markus 9:41

Dər wati ma mndu ta taghunaftá imi rauʼ ŋa say, kabga nzakwa ghuni ka ŋa *Kristi, kahwathwata ka yu ta mnaghunata, haɗ nisəla tsa mndu ya dzaʼa zwaɗuta ɗekɗek wu, » ka Yesu.

Lukwa 8:3

nda Yuwana markwa Kuza. Tsa Kuza ya, mndu ya fanam mgham Hiridus ta inda skwi ma həga ni ma dzva ni ya. Mamu Suzana, nda ndəghata sanlaha ma miʼaha guli mataba taŋ. Inda tsa miʼaha ya ná, kataŋ kata həŋ ta i Yesu nda duhwalha ni nda skwi ma dzva taŋ.

La Ruma 12:13

Dguvuswa dga ta skwa ghuni nda gwal zlghay nda ŋuɗuf ta pɗay. Tsuʼawatsuʼa ta mayəm.

Hebru 10:24

Nghapma ngha ka sani nda sani, ŋa vlamatá mbrakwa ɗvuvustá vgha nda maga skwi ɗina.

Hebru 13:2

Yaha kuni zanaptá tsuʼafta ɗina ta mayəm. Ma tsa magay mantsa ya kəl sanlaha ka tsuʼaftá duhwalha Lazglafta kul snaŋtá həŋ.