2Mgh 4:1 - Hdi

¹ Ma sana fitik, ka lagha wadga sana mndu si mataba guyatá ghəŋa anabiha da wahu da Ilisa, kaʼa mantsa: « Mtu mta zəʼala ini, si kwalva gha, nda sna ka kazlay na: Si ta zləŋay ta Yawe kəʼa. Tsaw wana sagha mndu si ta ɓlanaftá nzawa da hla zwana ɗa his, ŋa nzakwa taŋ ka vuʼa ni, » kaʼa.

2Mgh 4:1 Iomraidhean Croise

Zlrafta 22:12

Kaʼa mantsa: « Ma faf ka ta dzva gha ta tsa zwaŋ ya, yaha ka maganatá sana skwi. Ndana tama, nda sna yu kazlay ta zləŋay ka ta Lazglafta kəʼa, kabga sɗiɗif a ka ta zwaŋa gha, kɗakwa ni turtuktuk wu, » kaʼa.

1Mgh 18:3

Ka hgaftá Ahav ta Ghuvadiya, mali ta ghəŋa həga ga mghama ni. Tsaw ta zləŋay Ghuvadiya katakata ta Yawe.

1Mgh 20:35

Ka sana mndu mataba guyatá ghəŋa anabiha nda sana gra ni manda ya mnanaf Yawe mantsa: « Kdəkkdək, dzuɗis dza! » kaʼa. Ama ka kwalaghutá tsa mndu ya ta dzuŋta.

2Mgh 2:15

Ka nghə tsa sana guyatá ghəŋa anabiha ma Yeriku mbəŋ nda tsi ya, ka həŋ mantsa: « Ya nzanagha nza mbrakwa sulkuma Iliya ta Ilisa! » ka həŋ. Ka lab həŋ da guyay, ka zlambatá həŋ zluzlumbruh ta haɗik ta kəma ni.

2Mgh 2:3

Ka sliʼagaptá sana guyatá ghəŋa anabiha ma Betel da Ilisa, ka həŋ nda tsi mantsa: « Nda sna kagha kazlay gita dzaʼa klagadaghawuta Yawe ta rvera gha kəʼa ra? » ka həŋ. Kaʼa zlghanaftá wi ta həŋ mantsa: « Nda sna yu, nzawa nza tsəriɗ, » kaʼa.

2Mgh 2:5

Ka sliʼadaghatá sana guyatá ghəŋa anabiha guli ma Yeriku da Ilisa, ka həŋ nda tsi mantsa: « Nda sna kagha kazlay gita dzaʼa klagadaghawuta Yawe ta rvera gha kəʼa ra? » ka həŋ. Kaʼa zlghanaftá wi ta həŋ mantsa: « Nda sna yu, nzawa nza tsəriɗ, » kaʼa.

2Mgh 2:7

Ka sliʼaftá mnduha hutaf mbsak mataba guyatá ghəŋa anabiha mista taŋ, ka nzakta həŋ mbəŋ nda hahəŋ his kətsaʼu, ta sladatá hahəŋ ta wa Yardeŋ.

2Mgh 4:38

Ka vraghatá Ilisa da Gilgal. Tsaw mamu maya ta tsa haɗik ya. Ma sana fitik, ta nzaku duhwalha ni la anabi ta kəma ni, kaʼa nda kwalva ni mantsa: « Diŋaf diŋa ta siga dagala ta vu, ka danata ka ta skwa zay ta guyata ghəŋa anabiha! » kaʼa.

2Mgh 6:9

Ama ka tsəghanaftá mnda Lazglafta ta lwi ta mghama la Israʼila, kaʼa mantsa: « Ɗasuwa ka ka, nda lab da tsa vli ya, kabga hada dzaʼa saha la Aram, » kaʼa.

Nəhemiya 10:31

Haɗ ŋni dzaʼa vla kwagha ŋni, ŋa gwal ta nzata ta na haɗik na ma fitika hlaghatá mnduha da ga vuʼa wa. Hləta a aŋni guli ta kwagha taŋ ŋa zwana ŋni wa.

Nəhemiya 7:2

Ka klaftá yu ta Hana ni zwaŋama ɗa ŋa nzanaghatá Ursalima, nda Hananiya ka mali ta ghəŋa həga huzlu, kabga vərɗa mndu ya, ta zləŋay ta Lazglafta ka malaghutá ndəghata sanlaha.

La Levi 25:48

dzaʼa mamu tvi ŋa varatá tsa mnda la Israʼila ya dər tahula skwapta ni ta ghəŋa ni. Sani mataba zwana ma ni raŋ varay dzaʼa varakta:

Mata 18:25

Haɗ skwa tsa mndu ya ŋa plata wa. Ka tsa mgham ya mantsa: Skwapwaskwa ta tsa mndu ya, nda markwa taŋ tani, nda zwana ni tani, nda inda skwi ta nzakway ka ŋa ni tani, ŋa pla tsa dməŋ ya, kaʼa.

Mata 18:30

“Yaʼ! Ɗva a yu wu, plihata gitagita,” kaʼa. Ka laghu tsi hamtá tsa gra ni ya ma gamak ka kəzla planatani ta tsa dməŋa ni ya.

Mata 18:35

« Dər wa tsi ma kaghuni kul haɗ ta planatá dmakwa zwaŋama ni ma hya hya ŋuɗufa ni wu katsi ná, manda va tsaya dzaʼa maga Da ɗa ya ta luwa nda kaghuni, » kaʼa.

Slna gwal ghunay 13:26

« Zwana ma ɗa, kaghuni ta nzakway ka zivira Abraham, nda kaghuni ta zləŋa Lazglafta tani, ŋa amu tsghəgamaghata lu ta na gwaɗa ta mbaku na.

Yakubu 2:13

Baɗu fitika tsa guma ná, haɗ Lazglafta dzaʼa tawa hiɗahiɗa ta mndu ya kul haɗ ta tawa hiɗahiɗa ta sanlaha wa. Ama tawa hiɗahiɗa ta ga mgham ta ghəŋa guma.

Suna Yuhwana 15:4

Mghama ɗa! Wati ma mndu ya dzaʼa kwal kul vla glaku ŋa gha ka zləzlva kagha na? Kagha turtukwa gha ya nda ghuɓa. Dzaʼa sliʼagagha sliʼa mnduha ta inda haɗikha da tsəlɓu ta kəma gha, kabga nda ngha həŋ ta inda skwi ta mag ka ná, tɗukwa nzakwa ni, » ka həŋ.

Suna Yuhwana 19:5

Ka gwaɗagapta sana lwi ma tsa dughuruk ya. Kaʼa mantsa: « Inda kaghuni kwalvaha ni, kaghuni gwal ta zləzlvay, zwani nda galata mnduha tani, zləzlvawa Lazglafta, » kaʼa.

Rut 1:3

Tahula tsa, ka mtuta Ilimelek zəʼala Naghumi, ka nzatá tsi turtukwa ni nda tsa zwana ni his ya.

1Sam 22:2

Ka tskavatá inda gwal ma ghuya ɗaŋwa, nda inda gwal nda dməŋ ta həŋ, nda inda gwal nda gurɗa ŋuɗufa taŋ ta vata ni, ka nutá tsatsi ka mala taŋ. Mantsa tama, ta magay mnduha ta fwaɗ dərmək (400) ta lagha ta vata ni.