2Mgh 23:4 - Hdi

⁴ Ka mnanaftá mgham Yusiya ta Hilkiya, mali ta ghəŋa gwal dra skwi ŋa Lazglafta, nda gwal dra skwi ŋa Lazglafta ka sagəŋ mista ni, nda gwal ta ngha wi tgha tva lami da həga Yawe, ŋa hligiŋta taŋ ta inda huzla maganaf lu ta Baghal, nda ya ŋa skwa wuyay Asera, nda ya ŋa inda skwiha ta luwa. Ka driŋtá tsi ta hula Ursalima ma vwahha ta vata vli ma lika Kidruŋ, ka faɗaftá tsi ta hutiɗifa ni ka hlaghata da Betel.

2Mgh 23:4 Iomraidhean Croise

2Sam 15:23

Ka wahu inda mnduha ta tsa haɗik ya ta wahu dagala dagala nda ima taw ta sliʼi həŋ. Ka laf mgham nda ma lika Kidruŋ kawadaga nda inda mnduha, ka ksa tvi ta dzaʼa nda ma mtak.

1Mgh 12:29

Ka fatá tsi ta sani ma tsa mamakwa sla ya ma Betel, ka fatá tsi ta sani guli ma Daŋ,

1Mgh 15:13

Ka kliŋtá mgham Asa ta midza ni Maghaha markwa mgham ma nzakwa ni ka markwa mgham, kabga vəl magafta ni ta skwa wuyay Asera ta vla hula ŋa mndu. Ka hliŋtá Asa ta skwa wuyay ni, ka driŋta ta wa lika Kidruŋ.

1Mgh 16:31

Ta slaghu a tsa vlatá ghəŋ ŋa dmakuha Yaruvgham, zwaŋa Nəvat ya wu kəʼa, ka klaftá tsi ka marakw ta Izabel, makwa Itbaghal, mghama la Tsiduŋ, ka laghu tsi da maganatá slna ta Baghal, ka tsəlɓu tsi ta tsəlɓu ta kəma ni.

1Mgh 18:19

Ndanana, tskəgiɗaghawa tska ta la Israʼila demdem ta ghwá Karmel, nda tsa anabiha Baghal fwaɗ dərmək nda hutaf mbsak (450) ya, nda tsa anabiha skwa wuyay Asera fwaɗ dərmək (400) ta za skwi ta kuwata ɗafa Izabel ya, » kaʼa.

1Mgh 18:26

Ka klaftá həŋ ta lghəŋ ya vlaŋ lu ta həŋ, ka payaftá həŋ, ka hag həŋ ta hga Baghal, daga ga sərɗək ha ɗək fitik ma ghəŋ, ka həŋ mantsa: « Baghal, zlghaŋnaf zlgha ta wi! » ka həŋ. Ama snava a lwi, dər zlgha wi wa. Ka valu həŋ ta vavalaku ka wa vgha ta vata gwir ya magaf həŋ.

1Mgh 18:40

Ka Iliya nda həŋ mantsa: « Kasafwa kasa ta tsa anabiha Baghal ya! Yaha ya dər turtuk ma həŋ da ndapta! » kaʼa. Ka kasaftá lu ta həŋ. Ka hladatá Iliya ta həŋ da lika Kisuŋ, ka ghwaghwanaftá həŋ hada.

1Mgh 19:18

Ama dzaʼa zlana zla yu ta mnduha dəmbuʼ ndəfáŋ (7.000) ma Israʼila, inda gwal kul tsəlɓaŋtá tsəlɓu ta kəma Baghal, kul walaŋta brusata nda wubisima taŋ ya, » kaʼa.

2Mgh 10:26

Ka klagaptá həŋ dzibil ta pala dzugwa lu ma həga Baghal, ka driŋta nda vu.

2Mgh 12:10

Ka klaftá Yəhuyada, mnda dra skwi ŋa lazglafta ta sana akwati, ka zlratá ghurum ta paɗuwa ni, ka fata ta vata gwir nda ga zeghwi ta lam lu da həga Yawe. Mbaɗa gwal dra skwi ŋa Lazglafta ta ngha tsa wi tgha ya ka pghay dida ta inda tsedi ta hlakta lu da həga Yawe.

2Mgh 17:16

Kwalaghu kwala həŋ ta sna inda zlahuha Yawe, Lazglafta taŋ. Ka tsatsaftá həŋ ta mamakwa sla his ka kfur nwap lu nda nwa, ka tsatsaftá həŋ ta skwa wuyay Asera, ka tsəlɓu həŋ ta tsəlɓu ta kəma inda skwiha ta luwa, ka mag həŋ ta slna ŋa Baghal.

2Mgh 21:3

Ka dzidzihuglaftá tsi ta vliha tskal tskala ya si dzadzaɓiŋ da ni Hizkiya ya. Dzidzihuglafha ta gwirha ŋa vla sgit ŋa Baghal, dzagwaha ta skwa wuyay Asera manda ya maga Ahav, mghama la Israʼila. Ka tsəlɓu tsi ta tsəlɓu ta kəma inda skwiha ta luwa, ka maga slna ŋa taŋ.

2Mgh 21:5

Ka dzidzihwaftá tsi ta gwirha ma daɓiha his his ma həga Yawe, ŋa vla sgit ŋa inda skwiha ta luwa.

2Mgh 21:7

Tsa skwa wuyay Asera magaf tsi ya ná, ka kladamtá tsi da həga Yawe. Tsaw ka Yawe si mnanatá i Dawuda nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek kəʼa ya.

2Mgh 22:4

« Ŋla, ka dzaʼa ka da Hilkiya, mali ta ghəŋa gwal dra skwi ŋa Lazglafta, ka mbəɗafta tsi ta tsedi hlagagha lu da həga Yawe, ya tsaʼuwaf gwal ta ngha wa tghaha da mnduha ya.

2Mgh 23:12

Ka dzaɓiŋtá tsi ta gwirha ta ghərzla dzuguvi ta ghəŋa həga nda slra ŋa Ahaz, gwirha ya si dzidzihwaf mghamha la Yuda ya. Mantsa ya tsaha magaf Mənase ma daɓiha his ma həga Yawe ya. Tahula ɓaliŋta ni, ka hlafta tsi hada, ka hlaghata pghiŋtá hutiɗifa taŋ ma lika Kidruŋ.

2Mgh 23:15

Ka dzaɓiŋtá Yusiya guli ta gwir ma Betel, vli tskala si dzihwaf Yaruvgham, zwaŋa Nəvat ta hladamtá la Israʼila da ga dmaku ya. Ka driŋtá tsi ta tsa vli tskala ya, ka ŋərɗiŋta ka hutiɗif, ka driŋtá tsi ta skwa wuyay Asera.

2Mgh 25:18

Ka ksaghatá tsa mali ta ghəŋa gwal ta nghapta ya ta Səraya, mali ta ghəŋa gwal dra skwi ŋa Lazglafta, nda Tsəfaŋyahu, mnda dra skwi ŋa Lazglafta ka sagəŋ mista ni, nda gwal hkən ta ngha wi tgha həga Yawe.

2Rus 15:16

Ka kliŋtá mgham Asa ta midza ni Maghaha markwa mgham ma nzakwa ni ka markwa mgham, kabga vəl magafta ni ta skwa wuyay Asera ta vla hula ŋa mndu. Ka hliŋtá Asa ta skwa wuyay ni, ka nanafta ka gninika haɗik, ka driŋta ta wa lika Kidruŋ.

2Rus 33:3

Ka dzidzihuglaftá tsi ta vliha tskal tskala ya si dzadzaɓiŋ da ni Hizkiya ya. Dzidzihuglafha ta gwirha ŋa vla sgit ŋa Baghalha, dzagwaha ta skwiha wuyay Asera. Ka tsəlɓu tsi ta tsəlɓu ta kəma inda skwiha ta luwa, ka maga slna ŋa taŋ.

2Rus 33:7

Ka famtá tsi ta fwata skwa wuyay ya tsaf tsi ma həga Lazglafta. Tsaw ka Lazglafta si mnanatá Dawuda nda ya nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek ya.

Mata 26:3

Ka tskavatá la mali ta ghəŋa gwal dra skwi ŋa Lazglafta, nda la galata mndu mataba mnduha ma daɓa həga ga mali ta ghəŋa gwal dra skwi ŋa Lazglafta ta hgə lu *Kayifa ya.

Mata 27:1

Tsaɗakwa vli ga sərɗək, ka tskavata la mali ta ghəŋa gwal dra skwi ŋa Lazglafta nda la galata mndu, ka dzraftá gwaɗa ta ghəŋa *Yesu, ŋa dzata.

Yuhwana 18:1

Tahula kɗiŋta *Yesu ta tsa gwaɗaha ya, ka sliʼaftá tsi nda duhwalha ni ka laghwi ta ɓla lika Sedruŋ. Mamu sana kwambalu mantsa vli ya, ka lam tsi dida kawadaga nda həŋ.

Gwal tsa guma 2:13

Ka zlanavatá həŋ ta Yawe, ka laghu həŋ da tsəlɓu ŋa Baghal nda Ghasturetha.