2Mgh 23:3 - Hdi

³ Tata sladu mgham ta vata guguɗi, ka dzraftá tsi ta wi ta kəma Yawe. Ka fatá tsi ta ghəŋa ni ŋa dzaʼa mista Yawe nda hya hya ŋuɗufa ni, nda ya nda kɗavakta hafa ni, ŋa ŋanatá zlahuha ni, nda tva skwiha ni ta raku ka magay, nda ma maga slna nda gwaɗaha tsa dzratá wi vindam lu ma tsa defteri ya. Ka pghatá inda mnduha ta ghəŋa taŋ ŋa tsa dzratá wi ya.

2Mgh 23:3 Iomraidhean Croise

2Mgh 11:14

Ta nghə tsi ná, wya mgham ta sladu ta vata guguɗi ta tva lami da həga manda ya snu lu ta magay ta dzidzí. Ta sladu maliha gwal vulu, nda gwal vya talakwa ta vata mgham. Ta rfu inda mnduha tsa haɗik ya ka vya talakwa. Ka kuhwiŋtá Ghataliya ta lguta ni, ka wahata, kaʼa mantsa: « A dzratá wa ghuni ya! A dzratá wa ghuni ya! » kaʼa.

2Mgh 11:17

Ka dzranaftá Yəhuyada ta wi ta Yawe, nda mgham, nda mnduha ŋa nzakwa taŋ ka mnduha Yawe. Dzranafha guli ta wi ta mgham nda mnduha.

2Rus 15:15

Ka rfu inda la Yuda ta rfu ta ghəŋa tsa waɗu ya, kabga ma hya hya ŋuɗufa taŋ waɗata həŋ, nda kumay taŋ zba həŋ ta Yawe. Ka slaftá həŋ tida, ka vlaŋtá Yawe ta mbiʼa vgha ta həŋ dər ndiga ndiga.

2Rus 23:13

Ta nghə tsi ná, wya mgham ta sladu ta vata guguɗi ta tva lami həga. Ta sladu maliha gwal vulu, nda gwal vya talakwa ta vata mgham, ta rfu inda mnduha tsa haɗik ya ka vya talakwa, nda gwal fa laha nda inda huzla ta pgha laha zləzləvu. Ka kuhwiŋtá Ghataliya ta lguta ni, ka wahata, kaʼa mantsa: « A dzratá wa ghuni ya! A dzratá wa ghuni ya! » kaʼa.

2Rus 23:16

Ka dzraftá Yəhuyada ta wi, tsatsi, nda inda mnduha, nda mgham, ŋa nzakwa taŋ ka mnduha Yawe.

2Rus 29:10

Ama ndanana, kura kura yu ma ŋuɗufa ɗa ta dzraftá wi nda Yawe, Lazglafta la Israʼila, kada mbəɗaghuta tsa gufatá ŋuɗufa ni katakata ya ta vata amu.

Izra 10:3

Ndana tama, Dzrafma dzra ta wi nda Lazglafta mu, ŋa ghazliŋta mu ta inda tsa miʼaha ya nda zwana taŋ yaya həŋ tani. Dzaʼa magay ŋni manda ya vla ta hiɗakwa ni a mala ɗa, nda ya gwal ta zləŋa zlahuha Lazglafta mu, ka magakwa tsi manda ya mna zlahu.

Nəhemiya 10:1

Nghadapta ŋni ta inda tsa skwiha ya, ka dzraftá ŋni ta wi ka vindafta. Ta tsa ɗelewer ya, ka faftá lu ta ŋizla tida, ka thaftá i maliha ŋni, nda la Leviha ŋni, nda gwal ta draŋnatá skwi ŋa Lazglafta ta dzvu tida.

Nəhemiya 5:13

Ka gəgdaŋtá yu guli ta lguta ɗa, ka yu ta ghəŋa ni mantsa: « Dər wa ta kwalaghuta hɗanamtá tsa gwaɗa ya ná, ka gəgdiŋgəgda Lazglafta ma həga ni, nda ya nda skwiha ni. Manda va tsaya dzaʼa gəgduta tsi ka nzata bɗadar, » ka yu. « Amin! Ka nza tsi mantsa! » ka mnduha demdem. Ka zləzləvə həŋ ta Yawe. Ka magata mnduha manda va tsa kura həŋ ya.

Sabi 24:3

Ka sliʼaftá Musa ka laghu da mnanatá la Israʼila ta inda gwaɗaha nda gumaha mnana Yawe. Ka zlghaftá inda taŋ ta wa ni ka skwa turtuk, ka həŋ mantsa: « Inda gwaɗaha mna Yawe ná, dzaʼa magay ŋni manda va tsaya, » ka həŋ.

Vrafta ta zlahu 10:12

« Ndanana tama la Israʼila, nahgani ta kum Yawe, Lazglafta ghuni da kaghuni na? Ta ghəŋa zləŋay ghuni ta Yawe, Lazglafta ghuni, nda ma ksay ghuni ta inda tviha ni, ka ɗvuta ghuni, ka tsəlɓay ghuni ta tsəlɓu ŋa Yawe Lazglafta ghuni ma hya hya ŋuɗufa ghuni, nda inda nzakwa ghuni,

Vrafta ta zlahu 11:13

Ka sna sna kuni kahwathwata ta zlahuha ɗa ta mnaghunaf yu gita, ka ɗvutá Yawe, Lazglafta ghuni, ka tsəlɓay ghuni ta tsəlɓu ma hya hya ŋuɗufa ghuni, nda ya ma nzakwa ghuni katsi,

Vrafta ta zlahu 13:4

yaha kuni sna gwaɗa tsa anabi, ka tsa mnda suni ya a tsi ya. Ya Yawe, Lazglafta ghuni ta dzəgha kaghuni manda tsaya, ŋa snaŋta kazlay ka ta ɗvu rí ɗva a kuni ta Yawe, Lazglafta ghuni ma hya hya ŋuɗufa ghuni, nda ya nda inda nzakwa ghuni kəʼa.

Vrafta ta zlahu 29:1

Ka hgadaghatá Musa ta inda la Israʼila. Kaʼa nda həŋ mantsa: « Nda ngha kaghuni nda ira ghuni ta inda skwi ya magana Yawe ta haɗika Masar, ya magana tsi ta Firʼawna, nda inda kwalvaha ni, nda inda haɗika ni,

Vrafta ta zlahu 4:45

Tsaha ya zlahuha, nda gwaɗaha, nda tva skwi ŋa magay mnanaf Musa ta la Israʼila ma saba taŋ ma Masar,

Vrafta ta zlahu 6:1

« Wya gwaɗaha, nda zlahuha, nda tva skwiha ŋa magay mnaɗif Yawe, Lazglafta ghuni ŋa taghaghunafta, ŋa magay ghuni ta slna nda tsi ta haɗik ya dzaʼa lam kuni dida dzaʼa kuni zata ŋa ŋa ghuni.

Vrafta ta zlahu 6:5

Ɗvu ɗva ta Yawe, Lazglafta gha ma hya hya ŋuɗufa gha, nda inda hafa gha, nda inda mbrakwa gha.

Vrafta ta zlahu 8:19

Ka zanap za kuni ta Yawe, Lazglafta ghuni, ka laghu mista sanlaha ma lazglaftaha ka maganata slna ta həŋ, ka tsəlɓu ŋa taŋ katsi, ka iʼi ta mnaghuna ŋəɗaŋəɗa gita ná, dzaʼa zaɗaku kuni kahwathwata.

Hebru 12:24

Gavadagha ta vata *Yesu ta nzamta mataba mnduha nda Lazglafta ŋa dzrafta wi ka lfiɗ ya kuni. Gavadagha ta vata usa Yesu ya kəl tsi ka wutsikatá mnduha nda tsi ya kuni. Malaghu mala gwaɗa ta gwaɗ tsa us ya, ka ŋa Abel ta mnata.

Hebru 13:20

Lazglafta ya ta vla zɗaku ta vraganaptá Mgham mu *Yesu mataba gwal nda rwa, ka nzaku tsi ka mndu dagala ta ngha tuwakha. Nda ma usa ni vla tsi ŋa pla ghəŋ, mutsafta lu ta dzrafta wi ŋa kɗekedzeŋ.