2Mgh 21:7 - Hdi

⁷ Tsa skwa wuyay Asera magaf tsi ya ná, ka kladamtá tsi da həga Yawe. Tsaw ka Yawe si mnanatá i Dawuda nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek kəʼa ya.

2Mgh 21:7 Iomraidhean Croise

2Sam 7:13

Tsatsi dzaʼa baɗiftá həga nda hga ɗa, ŋa sladanafta ɗa ŋa ɗekɗek ta dughurukwa ga mghama ni.

1Mgh 8:29

Ka fafta ka ta ira gha nda rviɗik tani, nda fitik tani ta na həga na, ta na vli mnə kagha kazlay na: “Hada, dzaʼa nzata yu!” kəʼa ya. Sna ta duʼa kwalva gha ta magay nda təv na vli na!

1Mgh 8:44

Ka lagha mnduha gha ka sliʼagapta ŋa dzaʼa da vulu nda ghuma taŋ, nda ta tviha ya mnanaf ka ta həŋ, ka ndəɓ həŋ ta dzvu da Yawe, ka mbəɗavata ka ngha vli nda təv luwa ya zbap ka, nda ya nda təv na həga baf yu ŋa vlaŋtá sgit ta hga gha na katsi,

1Mgh 9:3

Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

1Mgh 9:7

dzaʼa hliŋ hla yu ta la Israʼila ta haɗik ya vlaŋ yu ta həŋ, dzaʼa vzidiŋ vza yu diʼiŋ nda iʼi ta na həga fa yu ŋa vlaŋtá sgit ta hga ɗa na, dzaʼa nzakway la Israʼila ka skwa ghuɓasay, ka skwa gagay mataba inda mndəra mnduha.

2Mgh 16:11

Ka dzihwaftá Uriya, mnda dra skwi ŋa Lazglafta ta gwir, taɓta ya mnanaf mgham Ahaz ta tsghədanapta daga ma Damas ya. Ka kɗiŋtá tsi ta magafta makəɗ mgham vrakta ma Damas.

2Mgh 21:4

Dzidzihwafha ta gwirha ma həga Yawe, ma vli mna Yawe kazlay na: « Ma Ursalima zbapta yu ta vli ŋa nzakwa hga ɗa, » kəʼa ya.

2Mgh 23:27

Ka Yawe tama mantsa: « Dər la Yuda guli, dzaʼa diʼiŋiŋtá yu nda iʼi manda ya diʼiŋiŋ yu ta la Israʼila ya. Dzaʼa vziŋ vza yu ta luwa Ursalima si zbap yu, nda tsa həga si mna yu kazlay na: “Hada dzaʼa nzakwa hga ɗa,” kəʼa ya, » kaʼa.

2Mgh 23:4

Ka mnanaftá mgham Yusiya ta Hilkiya, mali ta ghəŋa gwal dra skwi ŋa Lazglafta, nda gwal dra skwi ŋa Lazglafta ka sagəŋ mista ni, nda gwal ta ngha wi tgha tva lami da həga Yawe, ŋa hligiŋta taŋ ta inda huzla maganaf lu ta Baghal, nda ya ŋa skwa wuyay Asera, nda ya ŋa inda skwiha ta luwa. Ka driŋtá tsi ta hula Ursalima ma vwahha ta vata vli ma lika Kidruŋ, ka faɗaftá tsi ta hutiɗifa ni ka hlaghata da Betel.

2Mgh 23:6

Ka kligiŋtá tsi ta skwa wuyay Asera ma həga Yawe. Ka klaghatá tsi da lika Kidruŋ ta hula Ursalima, ka driŋtá tsi hada, ka ŋərɗiŋtá tsi ka hutiɗif, ka paghafta ta daɓa kuluha hamata mnduha.

2Rus 33:15

Ka hliŋtá tsi ta tsa lazglaftaha mayəmha nda fwata skwa wuyay ya si dzugwa tsi ma həga Yawe ya, mantsa ya inda gwirha si babaf tsi ta ghwá həga Yawe, nda ya ma Ursalima, ka waɗidiŋta ta hula luwa.

2Rus 33:7

Ka famtá tsi ta fwata skwa wuyay ya tsaf tsi ma həga Lazglafta. Tsaw ka Lazglafta si mnanatá Dawuda nda ya nda zwaŋa ni Salumuŋ na: « Ma na həga na nda ya ma Ursalima, ya zbap yu mataba inda mndəra la Israʼila, ŋa fata hga ɗa ŋa ɗekɗek ya.

2Rus 6:6

ama zbap zba yu ta Ursalima ŋa nzakwa hga ɗa, zbap zba yu ta Dawuda ŋa gay ni ta mgham ta ghəŋa mnduha ɗa, la Israʼila,” kaʼa.

2Rus 7:12

Ka zlagaptá Yawe da Salumuŋ ga rviɗik, kaʼa nda tsi mantsa: « Tsuʼaf tsuʼa yu ta ndəɓa dzva gha, zbaf zba yu ŋa ɗa ta na vli na manda həga ya ŋa pla ghəŋha.

2Rus 7:16

Ndanana, zbap zba yu, faghu fa yu ta tsa həga ya ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Rus 7:20

dzaʼa tsahigiŋ tsaha yu ta kaghuni ma haɗika ɗa, ya vlaghuna yu. Dzaʼa vzidiŋ vza yu diʼiŋ nda iʼi ta na həga fa yu ŋa vlaŋtá sgit ta hga ɗa na, dzaʼa nanaf na yu ka skwa gagay nda ya ka skwa ghuɓasay mataba inda mndəra mnduha.

Nəhemiya 1:9

Ala ka vrak vra kuni da iʼi ya guli, ka snata kuni ta zlahuha ɗa, ka ksa slna nda tsi, dər má ta slərəŋa luwa wutsatá kaghuni, dzaʼa tskagaghunaghatska yu ma tsa vli ya, dzaʼa varagaghunaghavara yu da vli ya zbap yu ŋa gɗavata hga ɗa.”

Vrafta ta zlahu 16:21

« Yaha kuni dzugwata udza Asera ta vata gwir dzaʼa maganafta kuni ta Yawe, Lazglafta ghuni.