2Mgh 21:6 - Hdi

⁶ Ka draftá tsi ta zwaŋa ni ka skwa pla ghəŋ ta vu. Ka dzugu tsi ta zlazlra, nda vza mandaŋ, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

2Mgh 21:6 Iomraidhean Croise

Zlrafta 13:13

Ama tsa gwal ma luwa Sədum ya ná, ta sidi həŋ, dagala dmaku ta gə həŋ ta wa ira Yawe.

2Mgh 16:3

Ama tva mghamha la Israʼila ksaf tsatsi, ha ka draftá tsi ta zwaŋa ni ka skwa pla ghəŋ, taɓta manzakɗawayha maga mndəra mnduha ya ghazliŋ Yawe ta kəma la Israʼila.

2Mgh 17:17

Ka dadaraftá həŋ ta zwana taŋ nda kwagha taŋ ta vu, ka mag həŋ ta maɗəgha ɗəgha, ka vza mandaŋ. Ka vlatá hahəŋ ta ghəŋa taŋ ŋa maga ghwaɗaka skwi ta wa ira Yawe, ka gufanaftá ŋuɗuf.

2Mgh 23:24

Ta ghəŋa tsa, ka hlanatá Yusiya ta gwal ta gwaɗa nda sulkuma gwal ma haɗik, nda ɗəgha, nda lazglaftaha ma həga, nda skwa wuyay, nda inda skwiha ka manzakɗaway ta nghaŋta lu ta haɗika la Yuda nda ya ma Ursalima. Maga maga manda tsaya kada magata lu ta slna nda gwaɗa zlaha Musa, ya nda vinda ma tsa ɗelewera slanagha Hilkiya, mnda dra skwi ŋa Lazglafta ta slanaghata ma həga Yawe ya.

1Rus 10:13

Mtu mta Sawulu dabga vəl ganata ni ta dmaku ta Yawe, ka kwalaghuta snatá gwaɗa Yawe. Ka laghu tsi nduk da gwal ta gwaɗa nda sulkuma gwal nda rwa,

2Rus 28:3

Ka drə tsi ta urdiha ma didiŋa Benʼhinum, ka draftá tsi ta zwana ni ka skwa pla ghəŋ, taɓta manzakɗawayha maga mndəra mnduha ya ghazliŋ Yawe ta kəma la Israʼila.

2Rus 33:6

Ka daraftá tsi ta zwana ni ka skwa pla ghəŋ ta vu ma didiŋa Benʼhinum. Ka dzugu tsi ta zlazlra, nda vza mandaŋ, ka gwaɗ tsi ta gwaɗa ghwaɗaka sulkum, ka laghu tsi da gwal ta gwaɗa nda sulkuma gwal nda rwa, nda gwal ga ɗəgha. Ka dzaʼa tsi ta kəma ta kəma nda maga ghwaɗaka skwi ta kəma Yawe, ka gufanaftá ŋuɗuf.

La Levi 18:21

Yaha ka da klaftá dər wati ma zwana gha ŋa pla ghəŋ nda ma drafta ŋa skwa wuyay Mulek. Kfariŋtá hga Lazglafta gha tsaya. Iʼi Yawe.

La Levi 19:26

Yaha kuni dá za sluʼi nda us nda us, yaha kuni dá vza mandaŋ, yaha kuni dá dzugwa zlazlra.

La Levi 19:31

Yaha kuni dá mbəɗaghutá vgha təv gwal ta gwaɗa nda gwal ma haɗik, ka təv ɗəghaha a tsi, yaha kuni dzaʼa mista taŋ, dá nighunistá həŋ ka gwal ta tsaɗ lu. Iʼi Yawe, Lazglafta ghuni.

Slna gwal ghunay 16:16

Ta dzaʼa ŋni da vla maga duʼa ma sana fitik, ka gəmatá ŋni nda sana makwa ka kwalva ksu ghwaɗaka sulkum ta vlaŋtá mna skwi dzaʼa magaku ta kəma. Dagala tsedi ta tsanakta tsi ta daŋahəga ni həga ni, nda tsa ma slayaŋslayaŋani ya.

Vrafta ta zlahu 32:16

Ka ganaftá həŋ ta draku ta Yawe nda sanlaha lazglaftaha ka mayəm, ka ganaftá həŋ ta ɓasa ŋuɗuf nda maga skwiha ka manzakɗaway.

Vrafta ta zlahu 32:21

Sliʼiɗif sliʼa həŋ ta draku nda ma skwi kul haɗ ka Lazglafta, ka giɗiftá həŋ ta ɓasa ŋuɗuf nda ma skwiha kul haɗ hayhaya taŋ. Iʼi guli, dzaʼa ganaf ga yu ta draku ta həŋ nda ma mndəra mnduha nda hta, dzaʼa ganaf ga yu ta ɓasa ŋuɗuf ta həŋ nda ma mndəra mndu ka rgha,