2Mgh 20:5 - Hdi

⁵ « Vra mnanatá Hizkiya, mala mnduha ɗa kazlay: “Wya ka Yawe, Lazglafta dzidza gha Dawuda mnata: Nda sna yu ta duʼa gha, nda ngha yu ta ima tawa gha. Dzaʼa mbaghaf mba yu. Baɗima ya, ka ŋladafta ka da həga Yawe.

2Mgh 20:5 Iomraidhean Croise

2Sam 5:2

Ghalya, ma fitika nzakwa Sawulu ka mghama ŋni ná, kagha si ta kla kəma ŋa la Israʼila ma vulu, kagha ta vranaktá həŋ. Ka Yawe mnaghata na: “Kagha dzaʼa nghapta ka mnduha ɗa la Israʼila, kagha dzaʼa nzakway ka mala taŋ,” kaʼa » ka həŋ.

1Mgh 9:3

Ka Yawe nda tsi mantsa: « Tsuʼaf tsuʼa yu ta ndəɓa dzva gha nda tawa gha mnaɗif ka ya. Ta fa fa yu ta na həga baf ka na ŋa nzakwa hga ɗa ŋa ɗekɗek. Dzaʼa faf fa yu ŋa ɗekɗek ta ira ɗa nda ŋuɗufa ɗa tida.

2Mgh 19:20

Ka tsghaftá Isaya, zwaŋa Amuts ta lwi ŋa Hizkiya, kaʼa mantsa: « Wya ká Yawe, Lazglafta la Israʼila mnata: “Nda sna yu ta duʼa gha ta ghəŋa Saŋheriv, mghama la Asur.”

2Mgh 20:4

Ta kɗivigis a Isaya ta sabi da daɓi ma takataka həga wu, ka sagha gwaɗa Yawe da tsi, kaʼa mantsa:

2Mgh 22:19

Tsəhala ta haga madər ka, ka hanaganatá ka ta ghəŋa gha ta kəma Yawe snaŋər ka ta skwi mna yu ta ghəŋa tsa vli ya, nda mnduha ta nzakw mida tani, kazlay dzaʼa nzakway tsa luwa ya ka kufik, vli nda ksiʼa kəʼa ya, nda ya ka kuhiŋtá ka ta lguta gha, ka tawatá ka ta taw ta kəma ɗa ya, iʼi guli ná, nda sna yu, ka Yawe mnata.

2Rus 13:12

Wana kawadaga Lazglafta nda aŋni, tsatsi mghama ŋni, nda paya vgha gwal dranatá skwi ŋa vya duli ŋa dzaʼa guyata nda kaghuni. Ariwa Israʼila! Ma vulu kuni ta vulu nda Yawe, Lazglafta dzidzíha ghuni, kabga haɗ kuni dzaʼa zatá ghwa wu! » kaʼa.

2Rus 34:3

Ta matghasa vakwa ni ta gá mgham, ma nzakwa ni ta ka zwaŋ, ka zlraftá tsi ta zba Lazglafta dzidza ni Dawuda. Ta maghwaŋpəɗ hisa vakwa ni, ka zlraftá tsi ta tsaɗiŋtá haɗika Yuda nda luwa Ursalima nda ma hliŋtá vliha tskal tsəkala nda skwa wuyayha Asera, nda tsatsatá skwa wuyayha, nda skwa wuyayha ka kfur nwap lu nda nwa.

Sabi 15:26

Kaʼa mantsa: « Ka fa fa kuni ta sləməŋ ɗina ka snatá gwaɗa Yawe, Lazglafta ghuni, ka ta magiha maga kuni ta skwi ta tɗukwa ta wa ira ɗa, ka ta fiha fa kuni ta sləməŋ ɗina ka sna skwiha ta mnaghunata yu, ka ta ŋana ŋa kuni ta zlahuha ɗa demdem katsi, haɗ yu dzaʼa vlaghunata ya dər turtuk ma tsa ɗaŋwaha ya vlaŋ yu ta la Masar ya wu, kabga iʼi Yawe ta mba kaghuni, » kaʼa.

Sabi 3:7

Ka Yawe mantsa: « Nda ngha yu kahwathwata ta sa duni ta sə mnduha ɗa ma Masar. Nda sna yu ta waha taŋ ta ghəŋa vəl ghuya ɗaŋwa ya ta ghuy gwal ta mara mbrakwa taŋ ta ghəŋa taŋ. Nda sna yu ta duni ta sə həŋ.

Sabi 3:9

Ndanana, ɓhaɗigha ɓha waha la Israʼila kahwathwata, nda ngha yu guli ka la Masar ta giri ŋa taŋ.

Mata 22:32

Iʼi Lazglafta Abraham, iʼi Lazglafta Izak, iʼi Lazglafta Yakubu kəʼa ya ra? Lazglafta ná, Lazglafta gwal nda rwa a wu, Lazglafta gwal nda hafu ya, » kaʼa.

Lukwa 1:13

« Ma zləŋ ka ta zləŋ Zakari, wana tsuʼaf tsuʼa Lazglafta ta ndəɓa dzva gha. Dzaʼa yagha ya markwa ghuni Elizabet ta zwaŋa zgun ŋa tsanaftá gha ta hga ni ka Yuhwana,

Lukwa 18:10

Kaʼa mantsa: « Mamu sana mnduha his ta ŋladafta da həga Lazglafta da maga duʼa. La *Farisa sani, mnda tska dzumna sani.

Yuhwana 5:14

Ɓats nzɗa, ka guyaftá Yesu ta vgha nda tsa mndu ya ma daɓa həga Lazglafta. « Wana nda mba ka ndana tama, yaha ka walglaŋta maga dmaku da slaghaghatá ya katakata ta malaghutá tsaya, » ka Yesu nda tsi.

Vrafta ta zlahu 32:39

Nghawa ɓa, iʼi ná, iʼi ya, haɗ sana Lazglafta ta ghəŋa iʼi wa. Iʼi ta dzata, iʼi ta zlaŋta nda hafu guli. Iʼi ta balanata, iʼi ta mbanafta. Haɗ mndu dzaʼa zluʼapta ma dzva ɗa wa.

Hebru 2:10

Inda skwi ná, Lazglafta ta magafta. Ka ŋa ni nzakwa ni guli. Mantsa, ka ɗvaftá Lazglafta ta payaftá Yesu nda ma ghuya ɗaŋwa ya ghuy tsi, kada mutsafta ndəghata mnduha ta nzaku ka zwana ni, ŋa hlay ni ta həŋ da glakwa ni. Yesu tsa mndu dzaʼa hla həŋ da mbaku ya.

Suna Yuhwana 7:17

kabga tsa Zwaŋa Tuwak ma takataka tsa dughuruk ya dzaʼa ngha həŋ, ŋa hlay ni ta həŋ ta dzuɓaya ima hafu, ŋa masanapta Lazglafta ta inda ima taw ma ira ta həŋ. »

1Sam 10:1

Ka klaftá Samuyel ta hwaraka rɗi, ka pghəganatá Sawulu ma ghəŋ. Ka brusatá tsi. Kaʼa mantsa: « Yawe ta zbaptá kagha nda ma pghaghaghatá rɗi ŋa nzakwa gha ka mali ta ghəŋa mnduha ni, la Israʼila skwa za həga ni.

1Sam 9:16

« Mahtsim ta na luwa ná, dzaʼa ghundaghagha ghuna yu ta sana mnda la Biŋyamiŋ, ka famta ka nda ma pghanaghatá rɗi ŋa nzakwa ni ka mali ta ghəŋa mnduha ɗa la Israʼila. Dzaʼa mbanaf mba ta mnduha ɗa ma dzva la Filisti, kabga nda ngha yu ta ksakwa taŋ ka hiɗahiɗa, ɓhiɗagha ɓha waha taŋ, » kaʼa.