2Mgh 19:4 - Hdi

⁴ Kawayaka skwi, nda sna Lazglafta gha ta inda tsa gwaɗaha slufa ghunak daŋahəga ni, mghama la Asur ŋa raza Lazglafta nda hafu mida ya. Kawayaka skwi, dzaʼa tsanagha tsa Yawe, Lazglafta gha ta guma ta tsa gwaɗaha snaŋ tsi ya. Maga ta duʼa ta ghəŋa gwal ta pɗata,” kaʼa, » ka həŋ.

2Mgh 19:4 Iomraidhean Croise

Zlrafta 22:14

Ka hgə Abraham ta tsa vli ya ka: « Dzaʼa payaf paya Yawe, » manda ya ta mnə lu gitana « Ta ghwá Yawe dzaʼa payafta lu, » kaʼa.

2Sam 16:12

Kawayaka skwi dzaʼa nghaŋ ngha Yawe ta tulekata iʼi, ŋa plaɗimta ni nda zɗaku ta na ksiʼay ta ksiʼi Simghi ta iʼi gita na, » kaʼa.

2Mgh 18:13

Ta maghwaŋpəɗ fwaɗa vakwa Hizkiya ta gá mgham, ka ŋladaftá Saŋheriv, mghama la Asur dɗanaghatá inda luwaha la Yuda ŋaŋam lu ma matsaka huzlu, ka hlaghuta.

2Mgh 19:16

Ar Yawe, fa fa ta sləməŋ, ka sna ka! Guna guna ta iri gha Yawe, ka ngha ka! Sna ɓa ta gwaɗa Saŋheriv ta ghunakta ŋa raza kagha Lazglafta nda hafu mida!

2Mgh 19:22

Wa ta gag ka, ka razay na? Wa ta ŋruh ka nda gwaɗa, ka ghwazla iri ŋa ni na? Nda iʼi Lazglafta la Israʼila nda ghuɓa ka nda tsa!

2Mgh 19:23

Nda ma gwal ghunay gha, ka razatá ka ta iʼi mgham Yawe, ka ka na: “Iʼi Saŋheriv, əŋkaʼ ka ndəghatá mwataha plisa ɗa, kəl yu ka ŋladafta ta bɗəma ghwáha, ha ka zaghuta ta kɗavakta Ləvanuŋ. Ɗatsiŋ ɗatsa yu ta sedraha ni ta slaslaruta, nda bərusha ni ta ɗiɗinuta. Ɓhanava ɓha yu ta kɗavakta vla nzakwa ni, həga fuha ni himbəzim ya.

2Mgh 19:3

ka həŋ nda tsi mantsa: « Wya ká Hizkiya mnata: “Nana fitik na ná, fitika ŋratá ŋuɗuf, nda ghuya ɗaŋwa, nda pagha dzvu ma ghəŋ ya, kabga ndusa zwani ka saghwi ma huɗa mamaha taŋ, ama haɗ mbraku ŋa ŋiʼagatá həŋ wa.

2Mgh 19:30

Gwal ta ndapta mataba la Yuda dzaʼa pɗata nda hafu ya ná, dzaʼa nza nza həŋ manda fu ta dzaghatá slrəŋ nda ma haɗik, ka yaftá yaku nda ta ghəŋ ya.

2Mgh 19:31

Manda tsa nzakwa ni, ma Ursalima dzaʼa saba pɗakwa taŋ, ta ghwá Tsiyuŋ dzaʼa slanaghata lu ta gwal ta pɗata nda hafu. Drakwa ɗvuta Yawe mghama gwal vulu ta kaghuni dzaʼa magay.

2Mgh 19:5

Ka laghwi tsa kwalvaha mgham Hizkiya ya da Isaya.

2Rus 32:20

Ka ndəɓu i mgham Hizkiya nda anabi Isaya zwaŋa Amuts ta dzvu ta ghəŋa ni, ka wahu həŋ ta wahu da Lazglafta ta luwa.

La Ruma 11:5

Ndanana guli ná, tekeʼa pɗakwa mnduha hutsekw zabap Lazglafta ma zɗakatahuɗa ni.

La Ruma 9:27

Ka Isaya nda ŋa ni klaŋtá lwi nda zwana la Israʼila guli na: « Dər manda wutak ta wa ghwa yatá zwana la Israʼila ná, mtsel yeya gwal dzaʼa mbaʼata mataba taŋ.

Vrafta ta zlahu 32:36

Dzaʼa tawa tawa Yawe ta hiɗahiɗa ta kwalvaha ni, ŋa dganatá ni ta guma ta həŋ kazlay tɗukwa kaghuni kəʼa, nghər tsi ta htatá mbrakwa taŋ, ta haɗ pɗakwa mndu dər vuʼa tsi, dər mndu nda pla vgha ni a tsi.

Yəhusuwa 14:12

Ndanana tama, vliha vla ta mayaka ɗa ta haɗikha ya ta ghwá, manda ya taɗif Yawe ta imi ta sləməŋ ma tsa fitik ya. Snaŋ sna kagha baɗ tsaya kazlay na, ta nzaku ma luwaha dagala dagala ŋam lu ma matsak ŋa katá ghəŋ da vulu, na la Ghanak kəʼa. Ka kawadaga Yawe nda iʼi katsi ná, dzaʼa ghəzliŋ ghəzla yu ta həŋ manda va ya mna Yawe, » kaʼa.

Yəhusuwa 3:10

Ka Yəhusuwa guli mantsa: « Dzaʼa graf gra kuni kazlay na mataba ghuni Lazglafta nda hafu mida kəʼa. Nda ya kazlay dzaʼa ghəzliŋ ghəzla ta kəma ghuni ta la Kanʼana, nda la Het, nda la Hiv, nda la Periz, nda la Girgas, nda la Amuru, nda ya nda la Yəbus kəʼa.

1Sam 14:6

Ka Yunataŋ nda tsa duhwala ni ta klanatá huzla vula ni ya mantsa: « Sawi, lab u la dikw da vla bakwa na gwal kul tsaku fafaɗa taŋ na. Ka waya ká skwi dzaʼa laʼuf la Yawe ta hul, kabga haɗ skwi dzaʼa pyaftá Yawe ka mbanaftá mndu wu, dər má kiʼa mbsak, dər má dagala tsi, » kaʼa.

1Sam 17:10

Ka tsa mnda la Filisti ya kay guli mantsa: « Iʼi, gita, hərtəta hərtəta yu ta la Israʼila! Vlihawa vla ta mndu turtuk, ka guyata ŋni nda tsi! » kaʼa.

1Sam 17:26

Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.

1Sam 17:45

Ka Dawuda nda mnda la Filisti mantsa: « Kagha, ta sagha nda hbatá vgha nda kafay, nda gupa, nda budugwa kagha da gəma iʼi, ama iʼi, nda hga Yawe mghama gwal vulu ta lagha yu da gəma kagha, nda hga Lazglafta bakwa gwal vula la Israʼila ta raz ka ya.