2Mgh 17:3 - Hdi

³ Ka ŋladaftá Salmanʼeser, mghama la Asur dɗanaghata, ka zatá tsi ta ghwa ta ghəŋa Huseya, ka sku tsi ta htsiŋ da tsi, ka pla dzumna ŋa ni.

2Mgh 17:3 Iomraidhean Croise

2Sam 8:2

Ka zatá tsi guli ta ghwa ta ghəŋa la Muwav. Ka hananatá həŋ ta haɗik, ka garaftá tsi ta dzatá vgha taŋ nda tɓaŋ. Tɓaŋ his ya, ŋa pslatá həŋ, tɓaŋ turtuk ya ŋa zlanatá həŋ nda hafu. Ka nzakw la Muwav ka vuʼa mista Dawuda ka pla dzumna ŋa ni.

2Sam 8:6

Ka pghanamtá tsi ta guvnaha ta la Aram ma Damas. Ka vraganatá la Aram ta ghəŋ mista Dawuda ka pla dzumna ŋa ni. Ta vlaŋ vla Yawe ta zatá ghwa ta Dawuda dər lagha da vli ga tsi.

2Mgh 15:19

Ka lagha Pul, mghama la Asur zlaganavatá haɗika la Israʼila. Ka vlaŋtá Mənahem ta kfura tsedi ta Pul ka kiluʼ dəmbuʼ hkən mbsak fwaɗ mida (34.000), ŋa kataŋta ma dihanatá gá mghama ni.

2Mgh 15:20

Kəl lu ka mutsaftá tsa tsedi ya ná, Mənahem ta mnaftá tska dzumna da la Israʼila ka gadghəl ka gadghəl, ka kfura tsedi hutaf mbsak ta mndu turtuk, ŋa vlaŋtá mghama Asur. Ka zlaŋtá mghama Asur ta haɗika Israʼila ka vraghuta ta haɗika ni.

2Mgh 15:29

Ma fitika gay Peka ta mgham ta ghəŋa la Israʼila, ka sagha Tiglatʼpilʼeser, mghama Asur da klaghutá Ghiyuŋ, nda Avelbetʼmaghaka, nda Yanuwah, nda Kedes, nda Hatsur, nda kwakwara Gilghat, nda Galili, nda Naftali, ka hlaghatá tsi ka vuʼa ta mnduha taŋ da Asur.

2Mgh 17:2

Ka mag tsi ta ghwaɗaka skwi ta wa ira Yawe, ama nza a manda ŋa sanlaha ma mghamha la Israʼila ta tiŋlaghutá tsatsi wa.

2Mgh 17:4

Ama tsatsafta mghama la Asur ta kala hiɗakwa Huseya ta ghəŋa ni nda ma ghunafta ni ta gwal ghunay da Suʼ, mghama Masar, nda ya kəʼa kwalaghuta planatá dzumna ta mghama la Asur manda ya si ta mag tsi inda vaku ya. Ka ksaftá mghama la Asur ta Huseya ka habafta nda ziɗa ma sana gamak.

2Mgh 18:31

Ma snə kuni ta gwaɗa Hizkiya, kabga wya ka mghama la Asur mnata: Zbawa zba ta nzata nda zɗaku nda iʼi. Saghawa sa da iʼi, dzaʼa zay dər wa ta yakwa fwa inaba ni nda ghurafa ni, dzaʼa say dər wa ta imi ma vavrəma ni.

2Mgh 18:7

Ka nzatá Yawe kawadaga nda tsi. Dər nahgani kura tsi ta magay, ta katsaf katsa. Ka ganavatá tsi ta sidi ta mghama la Asur, ka kwalaghutá skwa htsiŋ da tsi.

Nəhemiya 9:32

« Lazglafta ŋni, kagha Lazglafta dagala, ta mbruta, makwitkwit ka, ta ŋana ŋa ka kahwathwata ta dzratá wa gha nda zɗakwa gha ŋa ŋni. Ndanana ná, ma nghə ka ka skwi kwitikw ta inda ghuya ɗaŋwa ya ta gruŋnusta nda mghamha ŋni, nda maliha ŋni, nda gwal ta draŋnatá skwi ŋa Lazglafta, nda anabiha ŋni, nda dzidzíha ŋni, nda inda mnduha gha, zlrafta ta fitika mghamha Asur ha ka sagha ta na fitik na.

La Levi 26:25

Dzaʼa ghungaghunagha ghuna yu ta kafay ŋa plamta dzratá wa ɗa nda kaghuni ɓlanap kuni. Ɗifaghu kuni ma luwa ghuni, dzaʼa ghundaghunagha ghuna yu ta zləmnda ŋa vlatá kaghuni ma dzva ghumaha ghuni.