2Mgh 13:5 - Hdi

⁵ Ka vlaŋtá Yawe ta la Israʼila ta mnda mba həŋ. Ka zluʼaptá la Israʼila ta vgha ma dzva la Aram. Daga ma tsa fitik ya, ka nzakw həŋ ta nzakwa taŋ ləŋləŋ manda ya si ghalya.

2Mgh 13:5 Iomraidhean Croise

2Mgh 13:25

Ka hləglaghutá Yəhuwas, zwaŋa Yəhuʼahaz ta luwaha ma dzva Benʼhadat, zwaŋa Hazaʼel, luwaha si hlaghu Hazaʼel ma dzva da ni Yəhuʼahaz nda vulu ya. Hkən səla zatá Yəhuwas ta Benʼhadat, ka hlaghutá luwaha la Israʼila da tsi.

2Mgh 14:25

Tsatsi ta vranaktá herhera kwakwara la Israʼila, daga ma Levuʼhamat ha da drəfa Gharava taɓta gwaɗa Yawe, Lazglafta la Israʼila ya ta mnata nda ma wa kwalva ni anabi Yunusa, zwaŋa Amitay mnda la Gatʼhefer ya.

2Mgh 14:27

Kura a Yawe ta hərɗiŋtá hga la Israʼila ta ghəŋa haɗik wa. Mantsa tama, ka kataftá tsi ta həŋ nda ma dzva Yaruvgham, zwaŋa Yəhuwas.

1Rus 11:2

Ghalya, daga ma fitika nzakwa Sawulu ka mgham ná, kagha si ta gɗata ta klanatá kəma ta la Israʼila, kagha ta vranaktá həŋ. Ka Yawe, Lazglafta gha na: “Kagha dzaʼa nghapta ka mnduha ɗa la Israʼila, kagha dzaʼa nzakway ka mala taŋ,” kaʼa » ka həŋ.

Nəhemiya 9:27

Tsaya tama ka vlatá ka ta həŋ ma dzva ghumaha taŋ, ka ganaptá həŋ ta iri ta həŋ. Ma tsa ghuya ɗaŋwa taŋ ya, ka wahu həŋ ta wahu da kagha. Ka snagatá kagha daga ta luwa, ma tsa tawa hiɗahiɗa gha katakata ya, ka vlaŋtá ka ta həŋ ta mnduha ta hlaptá həŋ ma dzva ghumaha taŋ.

Asta 4:14

Ka dər haf ha kagha ta wa gha ta ghəŋa na skwi na ná, dzaʼa mutsay la Yahuda ta katu ma sana vli ŋa mbafta taŋ. Ama kagha, nda la ga ghuni tani, dzaʼa zaɗana zaɗa lu. Haɗ mndu nda sna wu, kawayaka skwi ta ghəŋa skwiha manda nana kəl skwi ka fatá kagha ka markwa mgham, » kaʼa.

Sabi 4:10

Ka Musa nda Yawe mantsa: « Nawa nawa! mghama ɗa, kdəkkdək, sna a yu ta gwaɗa wu. Dər ɗahawu, dər beʼetsa, dər daga ghalya ha ka sagha ta na fitik gwaɗgana ka ta kwalva gha ná, pərɗaf a yu ta snaŋtá gwaɗa wu. Laviŋ a yu ta guna wi ka gwaɗa wu, ɗukɗukwa ghanika ɗa ka gwaɗa, » kaʼa.

Lukwa 2:11

Gita yəgaghunata lu ta mnda mba mndu ta nzakway ka *Kristi ma luwa Dawuda.

Vrafta ta zlahu 19:4

Wya kəʼa dzaʼa magaku ka dza dza mndu ta mndu nda kumay ni a wu, si husaŋ a tsa mndu ya guli wu, ka hwayamta tsi da ya turtuk ma tsa luwaha ya ŋa mba hafa ni.

1Sam 12:11

Ka ghunaftá Yawe ta i Yərubaghal, nda Bədaŋ, nda Yifta, nda Samuyel, ka palighunista ma dzva ghumaha ghuni ta waghunafta, ka nzakw kuni ta nzakwa ghuni ləŋləŋ nda hanatá ghəŋ.

1Sam 19:7

Ka hgaftá Yunataŋ ta Dawuda, ka mnanaftá inda tsa gwaɗaha ya. Ka kladaghatá Yunataŋ ta Dawuda da Sawulu, ka mag Dawuda ta slna ni manda va ya ta mag tsi tazlay.