2Mgh 12:7 - Hdi

⁷ Ama ha ka labi ta mahisambsak hkən mida vakwa Yuʼas ta ga mgham, ta payaŋ a gwal dra skwi ŋa Lazglafta ta vli ta ɓadzuta ta həga Yawe wa.

2Mgh 12:7 Iomraidhean Croise

2Mgh 11:4

Ta mandəfáŋa vaku, ka ghunaftá Yəhuyada ta mndu ŋa hagadaghata maliha ta ghəŋa gwal vulu dərmək dərmək (100) da la Kari, nda sanlaha ma gwal ta nghapta ga mgham. Ka hagadaghatá tsi ta həŋ da tsi ma həga Yawe. Ka dzraftá tsi ta wi nda həŋ, nda ma waɗata ma huɗa həga Yawe. Ka maranaŋtá tsi ta həŋ ta zwaŋa mgham.

2Mgh 12:2

Ta mandəfáŋa vakwa Yehu ta gá mgham lafa Yuʼas ta pala, fwaɗ mbsak vakwa ni ta gá mgham ma Ursalima. Tsivya hga ma ni, makwa la Bəʼerseva.

2Mgh 12:6

ka zlgha gwal dra skwi ŋa Lazglafta ta tsa tsedi ya da mnda ni ta tskay, ka hla həŋ ŋa paya vliha ta ɓadzuta nda ra ka payay ta slanaghata lu ma həga Lazglafta, » kaʼa.

2Mgh 12:8

Ka hgaftá mgham Yuʼas ta Yəhuyada, nda sanlaha ma gwal dra skwi ŋa Lazglafta guli, kaʼa nda həŋ mantsa: « Kabgawu kwal kuni payaftá vliha ta ɓadzuta ta raku ka payanata ma həga Yawe na? Ndanana, yaha kuni da zlghəgəltá tsedi da mnduha ghuni ta tskay, ama ka vla kuni ŋa paya həga Yawe, » kaʼa.

1Rus 21:3

Ka Yuʼav tama mantsa: « Má ka sganagha sga Yawe ta mnduha ni dərmək dərmək (100) mghama ɗa, rvera ɗa! kwalvaha gha a həŋ demdem wu ra? Ama kabgawu ta ndana ka ta snaŋtá mbsaka taŋ na? Kabgawu dzaʼa kəl ka ka klanaktá la Israʼila ta skwi ŋa gatá dmaku na? » kaʼa.

2Rus 23:1

Ta mandəfáŋa vaku, ka draftá Yəhuyada ta ŋuɗuf, ka dzraftá tsi ta wi nda maliha ta ghəŋa bakwa gwal vulu dərmək dərmək (100): I Ghazaryahu zwaŋa Yəruham, nda Yismaghel zwaŋa Yəhuhanaŋ, nda Ghazaryahu zwaŋa Ghuvet, nda Maghaseya zwaŋa Ghadayahu, nda Ilisafat zwaŋa Zihri.

2Rus 24:16

Ka paɗamtá lu ma luwa Dawuda ta vata mghamha, kabga maga maga ta skwi zɗaku ma Israʼila, ŋa vlaŋtá sgit ta Lazglafta nda ya ŋa həga ni.