2Kwa 4:6 - Hdi

⁶ Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

2Kwa 4:6 Iomraidhean Croise

Zlrafta 1:3

Ka Lazglafta mantsa: « Ka nza tsuwaɗak, » kaʼa, ka nzaku tsuwaɗak.

Lukwa 10:22

« Inda skwiha vliha vla Da ɗa, haɗ mndu nda sna ta tsa Zwaŋ ya wa, Da yeya nda sna. Haɗ mndu nda sna ta tsa Da ya guli wa, Zwaŋ yeya nda sna nda mndu ya ta kum zwaŋ ta maranaŋta, » kaʼa.

Yuhwana 1:14

Tsa gwaɗa mnə lu ya kay ná, ka mbəɗavaftá tsi ka mndu, ka nzata mataba mu. Nda ndəgha nda zɗakatahuɗi, nda kahwathwata. Nda ngha mu ta glakwa ni, glakwa zwaŋ turtuktuk ghunaf Da ya. Zɗakatahuɗa ni nda kahwathwata ni katakata ya.

Yuhwana 11:40

« Mna gha a yu kazlay: Ka zlghaf zlgha ka ná, dzaʼa nda ngha ka ta mbrakwa Lazglafta kəʼa kay ra? » ka Yesu nda tsi.

Yuhwana 12:41

Ma tsa fitika nghaŋta Isaya ta glakwa *Yesu ka mnə tsi ta gwaɗa ta ghəŋa ni ya, mnata tsi ta tsa gwaɗa ya.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

1Kwa 12:8

Mbrakwa gwaɗa nda ɗifil vlaŋ Sulkum ta sani. Midala gwaɗa vlaŋ va tsa Sulkum ya ta sani.

2Kwa 2:10

Ka plinis pla kuni ta dmakwa mndu ná, iʼi guli ná, plinis pla yu. Dmakwa mndu ya plinis yu, ka si mamu dmaku ŋa play ná, plinis pla yu kabga kaghuni, nda ngha *Kristi guli,

2Kwa 3:18

Amu demdem, bukwa a kuma mu wa. Manda dalagar ya ta wuɗakwa glakwa Mgham Yesu ta amu. Mgham Yesu ta nzakway ka Sulkum ya ta mbəɗanafta ka nanafta manda va tsatsi, ka kla amu ta kəma ta kəma ma tsa glakwa ni ta malaghuta ya.

2Kwa 4:4

Sna a həŋ ta na Lfiɗa Gwaɗa ta mnə aŋni na wu, kabga hanaf ha Lazglafta na ghəŋa haɗik na ta ŋuɗufa taŋ, ŋa kwala taŋ kul nghaŋtá tsa tsuwaɗak ta tsuwaɗaka həŋ, ta sabi ma Lfiɗa Gwaɗa ta ghəŋa glakwa *Yesu *Kristi ya. Tsa Yesu Kristi ya ná, ka guram nda Lazglafta.

Afisus 1:17

Tsatsi ná, Da dagala ya. Ŋa ni ta maganata Mghama mu Yesu Kristi ta slna. Da tsi ta ndəɓa yu ta dzvu ka vlaghunata tsi ta ɗifil dzaʼa kəl kuni ka laviŋtá snaŋtá vərɗa tsatsi.

Afisus 1:18

Ta ndəɓay yu ta dzvu da tsi guli ka tsalaghunapta tsi ta ndana ghuni ɗina, kada snaŋta kuni ta tsa ŋərma skwi kəl tsi ka hgaghunata kazlay: Dzaʼa mutsay kuni kəʼa ya. Ta ndəɓay yu ta dzvu guli dzaʼa kəl kuni ka snaŋtá glakwa tsa skwa za həga faghuna tsi nda inda gwal ta nzakway ka ŋa ni ya tani.

Afisus 5:8

Si ma grusl nzatá nzakwa ghuni ghalya. Ndana tama, nda ndiʼa kuni nda Mgham *Yesu, ma tsuwaɗak nzatá nzakwa ghuni, nzawa nza tama ta nzakwa ghuni manda gwal ta nzaku ma tsuwaɗak.

Filip 2:6

Kulam nda nzakwa tsatsi ka mnda turtuk nda Lazglafta, zbaŋ a ta nzaku ka guram nda Lazglafta wa.

Kwalus 1:15

Tsa Kristi ta maramaŋtá Lazglafta kul nghaŋtá lu ya, tsatsi taŋtaŋa yaku ta ghəŋa inda skwi zlaganap lu.

1Tes 2:12

ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Hebru 6:4

Skwi ŋa snaŋta mu na: Nda bla ma mnduha ya si tsuwaɗakanaf tsuwaɗaka Lazglafta, gwal ya ta tapanatá skwi ya vla Lazglafta, gwal ya si ta mutsaftá Sulkum nda ghuɓa ma ŋuɗufa taŋ,

1 Piyer 1:12

Ka snanamtá Lazglafta ta tsa la anabi ya kazlay: Ka ŋa taŋ a tsa gwaɗa ya wu, ka ŋa ghuni nzakwa ni kəʼa. Ndanana, mnaghuna mna gwal ta mna *Lfiɗa Gwaɗa ta tsa skwiha ya. Nda mbrakwa Sulkum nda ghuɓa ghunagata Lazglafta snaghunamtá həŋ ta tsa gwaɗa ya. Tsa gwaɗa ya guli ná, kumaŋ kuma duhwalha Lazglafta ta snaŋta.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

2 Piyer 1:19

Ta ghəŋa tsaya guli ná, nda fa ghəŋa ŋni ta gwaɗa ya klak la anabi. Ɗina má ka ŋanata ghuni ɗasuwa ta tsa gwaɗaha taŋ ya, kabga nda nza manda pitirla, ya ta tsuwaɗakaku ma grum. Ɗina ka gɗata ghuni ta snay, ha ka tsaɗata vli, ka safa gumbəzla ŋa nghaŋta ghuni ta tsalatá inda skwi ma ŋuɗufa ghuni.