2Kwa 3:3 - Hdi

³ Manda va tsaya nzakwa ni, kaghuni tsa ɗelewer vindam Kristi ka tsghafta nda ma dzva ŋni ya. Nda ima vindi a vindafta tsi wu, nda Sulkuma Lazglafta nda hafu mida vindafta tsi. Ta klam a vindafta tsi guli wu, ma ŋuɗufa mnda səla vindamta tsi.

2Kwa 3:3 Iomraidhean Croise

Sabi 24:12

Ka Yawe nda Musa mantsa: « Saf sa da iʼi ta ghwá, ka nzata ka, dzaʼa vlagha vla yu ta klamha vindaf yu tida ta skwiha ŋa taghay nda zlahuha ŋa taghanaftá la Israʼila, » kaʼa.

Sabi 31:18

Manda kɗakwa Yawe ta gwaɗa nda Musa ta ghwá Sinay, ka hlaftá tsi ta klamha dzratá wi his vindaf tsatsi nda ndəfiŋa ni, ka vlaŋta.

Sabi 32:15

Ka mbəɗavatá Musa ka saha ta ghwá, nda ŋatá tsa klamha dzratá wi his ya nda dzva ni. Ta tsa klamha ya, nda vinda gwaɗa ta slərpuha ni his his.

Sabi 34:1

Ka Yawe nda Musa mantsa: « Ratsa ratsa ta klamha his manda tsaha taŋtaŋ ya, ŋa vindglafta ɗa ta tsa klamha ya ta tsa gwaɗaha si ta tsa taŋtaŋa klamha dzaɓiŋ ka ya.

Danyel 6:26

Tahula tsa, ka vindaftá Daryaves ta ɗelewer ka tsaghanaftá inda mndəra mnduha ta inda haɗikha ta gwaɗaha kavghakavgha ta ghəŋa haɗik tender. Kaʼa mantsa: « Ka nza zɗaku katakata ta ghəŋa kaghuni!

Mata 16:16

« Kagha ná, *Kristi ka, Zwaŋa Lazglafta ya ta vla hafu ka, » ka *Piyer nda tsi.

1Kwa 3:5

Wa Apwalus, wa Pwal na? gwal ksanatá slna ta Lazglafta ŋni his his, ghunaf tsi ŋa mnaghunatá gwaɗa ŋa zlghafta ghuni ta Kristi. Ta magay dər wati ma aŋni ta slna Mgham *Yesu manda ya vlaŋna tsi.

2Kwa 3:6

Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 3:7

Ghalya, ta klam vindafta lu ta tsa zlahu ya, ka mag Musa ta slna tsa zlahu ta kla mndu da mtaku ya. Kulam nda tsaya ná, ta vlaŋ vla tsa slna ya ta glaku. Laviŋ a la Israʼila ta nghu da kuma ni wu, kabga ta wuɗaku kuma ni katakata. Tsaw, ŋa nzəɗavata a tsa wuɗakwa ni ya wa.

2Kwa 6:16

Nu ta guyanaftá həga Lazglafta nda həga skwa wuyay na? Amu ná, həga Lazglafta nda hafu amu, manda ya mna tsi kazlay: Mataba taŋ dzaʼa nzamta yu ka wawaku kawadaga nda həŋ. Ka Lazglafta taŋ ta dzaʼa nzata yu, ka mnduha ɗa hahəŋ guli kəʼa.

1Tes 1:9

Nda wa taŋ ta rusa mnduha ŋa ŋni, ká kuni tsuʼaftá aŋni ma lagha ŋni da kaghuni, nda ya ká kuni zlaŋtá skwa wuyay ka mbəɗavata tsəlɓu ta kəma vərɗa Lazglafta ya ta vla hafu,

Hebru 10:16

« Wya tsa dzratá wi dzaʼa yu dzrafta nda həŋ ma tsa fitik ya, ka Mgham Lazglafta. Dzaʼa fam fa yu ta zlahuha ɗa da ŋuɗufa taŋ, dzaʼa thanamtha yu ta həŋ ma ghunislaka taŋ, » kaʼa.

Hebru 8:10

Mantsa tama, wya tsa dzratá wi dzaʼa dzrafta yu nda la Israʼila tahula tsa fitik ya. Dzaʼa taghanaf tagha yu ta zlahuha ɗa ta həŋ, ŋa hanamta ɗa ta həŋ ma ndana taŋ, thanamha yu ta həŋ ma ŋuɗufa taŋ. Dzaʼa nza nza yu ka Lazglafta taŋ, ŋa nzakwa hahəŋ ka mnduha ɗa guli.

Hebru 9:14

Ka si mantsa ya tsi, malaghu mala usa Kristi pyu ka tsaha ya. Ga a Kristi ta dmaku wu, ama ka klaftá tsi ta ghəŋa ni ka vlaŋtá Lazglafta nda mbrakwa Sulkum nda ghuɓa. Ŋa kɗekedzeŋ tsa Sulkum ya. Tsa usa Kristi ya ta ghuɓiŋtá ŋuɗufa mu, ŋa zlaŋta mu ta maga ghwaɗaka skwiha ya ta kla mndu da mtaku, ka magay mu ta slna Lazglafta ya ta vla hafu.

Yəhusuwa 3:10

Ka Yəhusuwa guli mantsa: « Dzaʼa graf gra kuni kazlay na mataba ghuni Lazglafta nda hafu mida kəʼa. Nda ya kazlay dzaʼa ghəzliŋ ghəzla ta kəma ghuni ta la Kanʼana, nda la Het, nda la Hiv, nda la Periz, nda la Girgas, nda la Amuru, nda ya nda la Yəbus kəʼa.

Suna Yuhwana 2:1

« Vinda ŋa duhwala Lazglafta ta nzakway ka ŋa *Igliz ma luwa Afisus: « Wya skwi ya mna mndu ya ta ŋanata tekwatsaha ndəfáŋ ma dzva zeghwa ni, ta mbaɗa mataba pitirlaha dasu ndəfáŋ. Kaʼa mantsa:

Suna Yuhwana 2:12

« Vinda ŋa duhwala Lazglafta ya ta nzakway ka ŋa *Igliz ma luwa Pergam: « Wya gwaɗa ya mna mndu ta ŋanata kafay ya nda za wa ni his his.

Suna Yuhwana 2:18

« Vinda ŋa duhwala Lazglafta ya ta nzakway ka ŋa *Igliz ma luwa Tiyatir. « Wya gwaɗa ya mna Zwaŋa Lazglafta ya ta zlghaku iri ma ghəŋa ni manda zlghakwa vu, ta wuɗaku səlaha ni manda kfur sluwap lu ma vu ya.

Suna Yuhwana 2:8

« Vinda ŋa duhwala Lazglafta ta nzakway ka ŋa *Igliz ma luwa Samirna: « Wya gwaɗa ta mnə mndu ta nzakway ka taŋtaŋa ni nda kɗavakta ni, mndu ya si ta mtuta ka vragapta nda hafu ya.

Suna Yuhwana 3:1

« Vinda ŋa duhwala Lazglafta ta nzakway ka ŋa *Igliz ma luwa Sardis. « Wya skwi mna mndu ta ŋanata Sulkumha ndəfáŋ ka ŋa Lazglafta nda tekwatsaha ndəfáŋ. Kaʼa mantsa: Nda sna yu ta inda slnaha gha. Nda hafu ma iʼi ka ka ta gray, tsaw nda mta ka.

Suna Yuhwana 3:14

« Vinda ŋa duhwala Lazglafta ta nzakway ka ŋa *Igliz ma luwa Lawdikiya. « Wya gwaɗa ta mnə mndu ta hgə lu ka Amin. Mndu ya ta nzakway ka vərɗa tughwa ni nda kahwathwata ni. Nda ma tsatsi magafta Lazglafta ta inda skwi demdem.

Suna Yuhwana 3:22

« Ka mamu mndu nda sləməŋa snay, ka sna tsi ta skwi mnə Sulkum ŋa Igliz, » kaʼa.

Suna Yuhwana 3:7

« Vinda ŋa duhwala Lazglafta ta nzakway ka ŋa *Igliz ma luwa Filadelfi. « Wya gwaɗa ta mnə mndu ya nda ghuɓa. Tsatsi kahwathwata, tsatsi ta ŋanata makuɓla mgham Dawuda. Ka guna guna tsi, haɗ wa mndu ka hafta wa. Ka haf ha tsi guli, haɗ wa mndu ka gunata guli wa.

1Sam 17:26

Ka Dawuda nda tsa mnduha ta sladu ndusa nda tsi ya mantsa: « Nu dzaʼa lu maganatá tsa mndu dzaʼa dzatá na la Filisti na, ŋa klaghutá hula ta ghəŋa la Israʼila ka kuni? Wa va na la Filisti, na mndu kul tsaku fafaɗa ni na, ŋa razay ni ta gwal vula Lazglafta nda hafu mida na? » kaʼa.