1Tim 6:16 - Hdi

¹⁶ Tsatsi turtukwa ni kul haɗ ta mtavata, ta nzaku ma tsuwaɗak kul laviŋtá mndu ta ɓhanavata. Haɗ mndu ta kəɗ nghaŋta wa. Haɗ mndu dzaʼa laviŋtá nghaŋta guli wa. Ŋa ni glaku, nda mbraku, ŋa kɗekedzeŋ. Amin!

1Tim 6:16 Iomraidhean Croise

Sabi 3:14

Ka Lazglafta nda Musa mantsa: « “Iʼi ná, Iʼi ya,” ka ka. Tsaya skwi dzaʼa ka mnanatá la Israʼila. “Iʼi ya ta ghunɗikta da kaghuni,” » ka ka dzaʼazlay.

Sabi 33:20

Ama haɗ ka dzaʼa laviŋta nghaŋtá kuma ɗa wu, kabga laviŋ a mnda səla ta nghaŋtá iʼi ka nzata ni nda hafu wu, » kaʼa.

Yuhwana 1:18

Haɗ mndu ta kəɗ walaŋtá nghaŋtá Lazglafta wa. Tsa zwaŋ turtuktuk ya ta nzakway ka Lazglafta, ta nzaku ma ghuva Da ya, tsatsi ta mnaŋtá nzakwa Lazglafta.

Yuhwana 14:9

Ka Yesu nda tsi mantsa: « Nda kɗa fitika ɗa kawadaga nda kaghuni Filip ná, ta sna a ka ta iʼi ra? Ka nda ngha mndu ta iʼi ná, nda ngha ta Da. Waká ka dzaʼa mnay kazlay: Maraŋna mara ta Da kəʼa na?

Yuhwana 6:46

Va a tsaya ta mnay kazlay: Nda ngha tsa mndu ya ta Da nda ira ni kəʼa wu, ba mndu ta saha da Lazglafta yeya nda ngha ta Da nda ira ni.

Yuhwana 8:58

Ka Yesu mantsa: « “Kahwathwata ka yu ta mnaghunata, makəɗ lu ka Yatá Abraham ná, mamu iʼi,” » kaʼa nda həŋ.

Afisus 3:21

Zləzlvama Lazglafta ta ghəŋa ŋərma skwiha maga tsi nda ma mnduha ta zlghafta, nda ya nda ma *Yesu Kristi. Zləzlvama zləzlva ŋa kɗekedzeŋ! Mantsa ya katsi.

Vrafta ta zlahu 32:40

Wana yu ta kapaftá dzva ɗa nda ta luwa, kazlay na: “Ta waɗa waɗa yu nda hafa ɗa:

Filip 4:20

Ŋa Da mu Lazglafta glaku ŋa kɗekedzeŋ. *Amin!

Kwalus 1:15

Tsa Kristi ta maramaŋtá Lazglafta kul nghaŋtá lu ya, tsatsi taŋtaŋa yaku ta ghəŋa inda skwi zlaganap lu.

1Tim 1:17

Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!

Hebru 13:8

Va tsa *Yesu *Kristi ya ta nzakway ɗahawu, tsa tsatsi ya ta nzakway gita, tsatsi dzaʼa nzakway ŋa kɗekedzeŋ guli.

Yakubu 1:17

Inda skwi ya ta ɗinuta, nda inda mbəhu ya kul haɗ sana skwi ta ghəŋa ni ná, ta luwa ta saha tsi, da Lazglafta ta nzakway ka Da ni ma tsuwaɗakha. Haɗ tsatsi ta mbəɗavafta wa, haɗ sana skwi ta zawataku ka grum da tsatsi wa.

1 Yuhwana 1:5

Tsuwaɗaka nzakwa Lazglafta, haɗ skwi ka grum da tsi wu, na skwi snaŋ aŋni da tsi, ta mnaghunata aŋni.

1 Yuhwana 1:7

Ala ka si ta mbaɗ ma tsuwaɗak mu ta mbaɗa manda nzakwa Lazglafta ma tsuwaɗak ya, nda guya ghəŋa mu sani nda sani nda tsa ŋa ghuɓimista usa *Yesu Zwaŋa Lazglafta ta inda dmakuha mu.

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.

Yuda 1:25

Ŋa Lazglafta turtukwa ni ya ta mbamafta nda ma *Yesu *Kristi Mghama mu ga mgham, nda mbraku, nda glaku, daga manda ghalya nda ya ndanana ha ŋa kɗekedzeŋ. *Amin.

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

Suna Yuhwana 1:8

« Iʼi zlrafta ni, iʼi kɗavakta ni, » ka Mgham Lazglafta mnata. Tsatsi Lazglafta ta mbruta, tsatsi ya manda ghalya, tsatsi ya ndanana guli, tsatsi ya guli ta kəma.

Suna Yuhwana 21:3

Ka snaŋtá yu ta sana lwi ta gugɗagapta ma dughuruk. Kaʼa mantsa: Wya həga tumpula nzakwa Lazglafta mataba mnduha! Ŋa nzakwa ni kawadaga nda həŋ, ŋa nzakwa taŋ ka mnduha ni, ŋa nzakwa tsatsi guli kawadaga nda həŋ,

Suna Yuhwana 22:5

Haɗ ta a rviɗik ɗekɗek wa. Zbəgəlta a həŋ dər pitirla, dər tsuwaɗaka fitik wu, kabga Mgham Lazglafta dzaʼa tsuwaɗaka həŋ ŋa gay taŋ ta mgham ha ŋa kɗekedzeŋ.

Suna Yuhwana 4:11

« Mghama ŋni, Lazglafta ŋni, kagha ta zlaganaptá inda skwi. Manda ya ɗvaf ka zlaganapta ka ta həŋ, Ka gi nzaku həŋ. Tsaya tama kəl tsi ka nzakway ka skwi nda ra ka vlaghata glaku, nda zləzlvu. Ŋa gha mbraku guli, » ka həŋ.

Suna Yuhwana 7:12

Ka həŋ mantsa: « Mantsa nzakwa ni! Nda ra Lazglafta mu ka zləzlvay, ka ghubay, nda ɗifil ma ghəŋa ni, nda ra ka rfay, ka vla glaku ŋa ni, da tsatsi mbraku, mbru mbra, ŋa kɗekedzeŋ tsatsi. *Amin! »