1Tim 6:13 - Hdi

¹³ Ka yu ta mnaghata ta kəma Lazglafta ta vla hafu ŋa inda skwi, nda ya ta kəma *Yesu *Kristi ta mnigiŋtá vərɗa gwaɗa ta kəma Pwaŋəs Pilat ná,

1Tim 6:13 Iomraidhean Croise

Mata 27:11

Ka kladaghatá lu ta *Yesu ta kəma Pilat ta nzakway ka ŋumna. « Kagha na mghama la *Yahuda na ra? » ka ŋumna ɗawaŋta da tsi. « Manda va tsa mna ka ya, » ka Yesu nda tsi.

Mata 27:2

Ka habaftá həŋ, ka klaghatá həŋ vlaŋtá Pilat ta nzakway ka ŋumna.

Yuhwana 14:6

Ka Yesu nda tsi mantsa: « Iʼi tvi, iʼi kahwathwata, iʼi hafu. Haɗ mndu dzaʼa laviŋtá lami da həga ga Da, ka nza a tsi nda təv iʼi wa.

Yuhwana 19:11

« Haɗ sana skwi laviŋ ka ta ghəŋa iʼi, ka ya vlagha Lazglafta a tsi wa. Tsaya kəl dmakwa tsa mndu ta vlatá iʼi ma dzva gha ya, ka malaghutá ŋa gha dmaku, » ka Yesu nda tsi.

Yuhwana 5:21

Manda ya ta sliʼaganapta Da ta gwal nda rwa nda hafu ya, mantsa ya ta vlaŋta zwaŋ ta hafu ŋa mndu ta kum tsi.

Yuhwana 5:26

Manda ɗaslakwa hafu ta nzaku ma Da ya, manda tsaya vlaŋta tsi ta zwaŋ ŋa mutsakwa hafu ma tsatsi guli.

Slna gwal ghunay 17:25

Psaŋ a ta katu da mnda səla ŋa vlaŋtá skwi wa. Haɗ skwi pɗa tsatsi guli wa. Tsatsi ta famta hafu ma inda mndu ta kəl mndu ka hafu. Tsatsi guli ta vlata inda hamata skwi.

2Kwa 9:13

Tsa slna dzaʼa kuni magata ya dzaʼa maraŋtá nzakwa ghuni, ŋa zləzlvay taŋ ta Lazglafta ta ghəŋa snata ghuni ta *Lfiɗa Gwaɗa *Kristi. Dzaʼa zləzlvay həŋ guli kabga vəl dgay ghuni ta skwa ghuni nda həŋ, ta vlay kuni guli ŋa sanlaha.

Galat 3:26

Kaghuni demdem, nda nza kuni ka zwana Lazglafta ma zlghafta ghuni ta Yesu Kristi.

Vrafta ta zlahu 32:39

Nghawa ɓa, iʼi ná, iʼi ya, haɗ sana Lazglafta ta ghəŋa iʼi wa. Iʼi ta dzata, iʼi ta zlaŋta nda hafu guli. Iʼi ta balanata, iʼi ta mbanafta. Haɗ mndu dzaʼa zluʼapta ma dzva ɗa wa.

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

1Tim 1:15

Wya tsa vərɗa gwaɗa nda ra ka tsuʼafta inda mndu ya: Sasa Yesu Kristi ta ghəŋa haɗik ŋa mbanaftá gwal dmaku. Iʼi mali mataba taŋ.

1Tim 2:5

Na nzakwa ni ná, turtuktuk Lazglafta. Turtuktuk mndu ta guyanaftá mndu nda Lazglafta guli. Tsa mndu ya ná, *Yesu *Kristi ya

1Tim 5:21

Ta ndəɓa dzvu yu ŋa gha ta kəma Lazglafta, nda *Yesu *Kristi, nda ya ta kəma duhwalha ni zabap Lazglafta. Sna sna ta tsa gwaɗa ya, yaha ka da laghu da ɗva ghəŋ. Yaha ka da gala mndu nda gala.

1Tim 6:12

Lma ta vərɗa lma zlghay nda ŋuɗuf. Zak za ta hafu ŋa kɗekedzeŋ, kabga hgaf hga Lazglafta ta kagha ta ghəŋa ni ma mnaŋta gha ta ŋərmata zlghay nda ŋuɗufa gha ta kəma ndəghata masləmtsəkha.

Suna Yuhwana 1:5

Ka vlaghuna vla *Yesu *Kristi ta nzakway ka vərɗa masləmtsək ya guli, ta zɗakatahuɗi nda zɗaku. Tsatsi na taŋtaŋa mndu ta sliʼagapta ma mtaku nda hafu. Tsatsi ta ga mgham ta ghəŋa inda mghamha ta ga mgham ta ghəŋa haɗik. Ɗvu ɗva tsa Yesu Kristi ya ta amu. Ka pghiŋtá tsi ta usa ni ŋa varagamapta ma dmaku.

Suna Yuhwana 21:6

Kaʼa nda iʼi guli mantsa: « Nda kɗa tama! Iʼi zlrafta ni nda kɗavakta ni, iʼi nahani nda kwanaha ni. Mndu ya kuzlaŋta ndala, dzaʼa vlaŋ vla yu ta dzuɓaya imi ta vla hafu ka mbalay.

Suna Yuhwana 22:1

Tahula tsa, ka marihatá tsa duhwala Lazglafta ya ta ghwa ima ta vla hafu, ta wuɗaku manda dalagar, ta mbəzagapta ma dughurukwa i Lazglafta nda Zwaŋa Tuwak,

Suna Yuhwana 3:14

« Vinda ŋa duhwala Lazglafta ta nzakway ka ŋa *Igliz ma luwa Lawdikiya. « Wya gwaɗa ta mnə mndu ta hgə lu ka Amin. Mndu ya ta nzakway ka vərɗa tughwa ni nda kahwathwata ni. Nda ma tsatsi magafta Lazglafta ta inda skwi demdem.

1Sam 2:6

Yawe ta klaptá hafu ma mndu, tsatsi ta famtá hafu. Tsatsi ta kladata da haɗik, tsatsi ta vraganafta.