1Tim 6:11 - Hdi

¹¹ Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

1Tim 6:11 Iomraidhean Croise

1Mgh 13:1

Ta sladu Yaruvgham ta vata gwir ta dzaʼa dra urdi ŋa dray nda dra, ka lagha sana mnda Lazglafta ma Yuda da Betel, manda ya mnanaf Yawe.

1Mgh 13:26

Snaŋta tsa anabi ta vranaktá mnda Lazglafta ta tvi ya ta mnay, kaʼa ma ghəŋa ni mantsa: « Tsa mnda Lazglafta ta ganavatá sidi ta skwi mnaf Yawe ya ya! Yawe ta vlata ŋa rveri ta ɓalanapta ka dzata, taɓta gwaɗa ya mnana Yawe, » kaʼa.

1Mgh 17:18

Ka tsa marakw ya nda Iliya mantsa: « Nya mataba u ní, a mnda Lazglafta? Ŋa havaktá krughuva ɗa, nda ya ŋa dzatá zwaŋa ɗa sagha ka da ini ra? » kaʼa.

1Mgh 17:24

Ka tsa marakw ya nda Iliya mantsa: « Ndana tama, nda sna yu kazlay na, mnda Lazglafta ka kəʼa. Gwaɗa Yawe ta mnagapta ka ma wa gha guli ná, kahwathwata nzakwa ni, » kaʼa.

1Mgh 20:28

Ka lagha mnda Lazglafta ta vata mghama la Israʼila, kaʼa nda tsi mantsa: « Wya skwi mna Yawe: “Ka la Aram mnata na: Yawe ná, lazglafta ghwáha ya, lazglafta daɓiha a wu, ka həŋ. Dzaʼa vla vla yu ta inda na ndəghata sludziha na ma dzva gha, dzaʼa nda sna kuni kazlay na: Iʼi Yawe, kəʼa,” » kaʼa.

2Mgh 1:13

Ka ghunəglaftá mgham ta mahkəna mala sludziha hutaf mbsak, nda mnduha ni hutaf mbsak kay guli. Ka laf tsa mahkəna mali ya, ka tsəlɓatá tsi ta kəma Iliya, ka ɗawaŋtá zɗakatahuɗi da tsi, kaʼa mantsa: « Mnda Lazglafta, wya dzvu, zɗaŋnaŋ zɗa ta huɗi ka nzata ŋni nda hafu, iʼi nda na mnduha hutaf mbsak, ka kwalvaha gha na!

2Mgh 1:9

Ka ghunaftá mgham da Iliya ta mali ta ghəŋa sludziha hutaf mbsak, nda mnduha ni hutaf mbsak. Ka laf tsa mala sludziha ya da Iliya ta nzaku ta wa lilwa ta ghwá. Kaʼa nda tsi mantsa: « Mnda Lazglafta, “Sa sa!” ka mgham nda kagha, » kaʼa.

2Mgh 23:17

Tahula tsa, kaʼa mantsa: « Nahgani ya ŋira pala ta nghə yu ya na? » kaʼa. Ka mnduha ma tsa luwa ya zlghanaftá wi mantsa: « Kula mnda lazglafta ta sabi ma Yuda ya, tsatsi ta mnutá inda tsa skwi magana ka ta gwir ma Betel ya, » ka həŋ.

2Mgh 5:20

ka Gehazi, duhwala Ilisa, mnda Lazglafta ma ghəŋa ni mantsa: « Wana zliŋta daŋahəga ɗa ta Naghamaŋ, tsa mnda la Aram mantsa ya, ka kwalaghuta tsuʼaftá tsa skwi hlak tsi ya. Ta waɗa waɗa yu nda hga Yawe nda hafu mida, dzaʼa hwayiŋtá yu, ka tsuʼata yu ta tsa skwi da tsi ya, » kaʼa.

1Rus 23:14

Ama Musa, mnda Lazglafta ya ná, mbəɗam mbəɗa lu ta zwana ni mataba mndəra la Levi.

2Rus 8:14

Manda tva skwi ŋa magay ya mna da ni Dawuda, ka paghamtá tsi ta bakuha gwal dra skwi ŋa Lazglafta ma slna taŋ, nda la Levi ma slna taŋ ŋa fa laha zləzləvu ta kataŋtá gwal dra skwi ŋa Lazglafta taɓta ya mnaf lu ŋa magay nda fitika ni nda fitik ni, mantsa ya gwal ngha wa tgha dagap lu ta həŋ ta wa tgha nda bakwa taŋ nda bakwa taŋ, kabga mantsa ya mnafta Dawuda, mnda Lazglafta.

Nəhemiya 12:24

Ta slada slada maliha mataba la Levi i Hasavya nda Sereviya, nda Yəhusuwa zwaŋa Kadmiyel nda mnduha taŋ, ta kəma sanlaha ma la Levi ka fa laha zləzləva Lazglafta ka rfay baɗ fitika ŋa taŋ ksa slna. Skwi ta mag həŋ ná, saɗa skwi taghanaf Dawuda mnda Lazglafta ta həŋ ya.

Nəhemiya 12:36

nda mnduha taŋ, i Səmaghya, nda Azarʼel, nda Milalay, nda Gilalay, nda Maʼay, nda Netaŋʼel, nda Yahuda, nda Hanani mista taŋ nda klatá huzla skala Dawuda mnda Lazglafta, Izra mnda tagha zlahu ta kəma.

La Ruma 14:19

Mantsa ya tama ná, ŋavama ŋa ka zba skwi ya dzaʼa klaktá zɗaku nda ya ŋa ŋla guyatá ghəŋa mu.

1Kwa 10:14

Zwana ma ɗa gwal ta ɗvu yu, ka si mantsa tsi, dgaghwa vgha nda skwa wuyay.

1Kwa 14:1

Ŋavawa ŋa ka zba ɗvutá mndu, mamawa mbraku ya ta vlə Sulkum guli. Katkata ni ta ghəŋa kla lwa Lazglafta.

1Kwa 6:18

Tsaya tama, zlaŋwa sliʼiŋsliʼiŋ. Hamata dmakuha ta mag lu ná, ta ɓla vgha ta magaʼata lu. Mndu ta fatá sliʼiŋsliʼiŋ ka slna ni, ŋa vərɗa sluʼuvgha ni ta ga tsi ta dmaku.

Vrafta ta zlahu 16:20

Nzakw tɗukwa kweŋkweŋ psa kuni, kada slravaghata hafa ghuni, ŋa nzakwa tsa haɗik dzaʼa vlaghunata Yawe, Lazglafta ghuni ya ŋa ŋa ghuni. »

Vrafta ta zlahu 33:1

Wya tfa wi ya tfanagha Musa, mnda Lazglafta ta la Israʼila makəɗ tsi ka mtuta.

1Tim 1:14

Ka zɗəɗiŋtá Mghama mu ta huɗi katakata, ka vlihatá zlghay nda ŋuɗuf, nda ɗvu ya ta mutsu lu ma guyatá vgha nda Yesu Kristi.

1Tim 4:12

Yaha mndu da hərtətatá nzakwa gha ta ka zwaŋ. Katək ná, nza nza ka ŋa gwal zlghay nda ŋuɗuf, ka mndu ŋa kla saɗa ni ma tva gwaɗa, ma tva nzaku, nda ya ma tva nzaku nda ghuɓa.

1Tim 5:10

Ta ghubay ka lu ma ŋərma slnaha ni ta mag tsi. Va galanaf gala katsi ɗina ta zwani, ta tsuʼay katsi ta mayəm ga taŋ, ta mbazay katsi ta səla gwal zlghay nda ŋuɗuf, ta katay katsi ta gwal ta sa duni, fa fa katsi ta ghəŋa ni ka maga inda ŋərma slna.

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

2Tim 2:21

Ka Zlaŋ zla mndu ta maga tsa ghwaɗaka skwiha mnə yu ya katsi, dzaʼa nzakway tsa mndu ya ka guram nda huzla ta kəl lu ka ksa slna nda tsi baɗu gwaɗa dagala, ya faghu lu nda paya ŋa maga inda slna ɗina ɗina.

2Tim 2:22

Tsaghu tsa ta vgha nda ghwaɗaka ndanu ya ta kum duhwal ta magay. Zba ta tva maga skwi tɗukwa, nda tva zlghay nda ŋuɗuf, nda tva ɗvu, nda tva zɗaku kawadaga nda gwal nda ghuɓa ŋuɗufa taŋ, ta hga hga Mgham Lazglafta.

2Tim 3:10

Ama kagha, ksaf ksa kagha ta skwi ta tagh yu, nda tva nzakwa ɗa, nda klatá ghəŋa slna ta mag yu, nda tva zlghay nda ŋuɗufa ɗa, nda ksa ŋuɗuf ta ksə yu, nda ya ka yu ta ɗvutá mnduha, nda ya ka yu ta gɗavata. Nda sna kagha guli

2Tim 3:17

kada nzakwa mnda Lazglafta nda payatá vgha prək ŋa maga inda skwi ŋa maga skwi ɗina.

Hebru 12:14

Zbawa zba ta nzata nda zɗaku nda inda mndu. Ka nzata kuni nda ghuɓa ta wa ira Lazglafta. Ka haɗ tsi mantsa wu ná, haɗ ya dər turtuk ma kaghuni dzaʼa nghaŋtá kuma Lazglafta wa.

1 Piyer 3:11

Zlaŋta ni ta maga ghwaɗaka skwi, ka maga skwi ɗina. Zbay ni ta zɗaku ka ŋavata mista ni.

1Sam 2:27

Ka lagha sana mnda Lazglafta da Iliya. Kaʼa nda tsi mantsa: « Wya ka Yawe: “Marava a yu da dzidzíha gha, ma fitika nzakwa taŋ ma Masar, ka vuʼa Firʼawna wu ra?

1Sam 9:6

Ka tsa kwalva ya nda tsi mantsa: « Mamu sana mnda Lazglafta ma na luwa na! Mndu kulaŋ lu ya. Skwi ta mnata tsi ná, haɗ ta dɗaku ta haɗik wa. Mbaɗa da tsi, ka waya kəʼa dzaʼa mnuʼuwa mna ta tvi ŋa ksay u, » kaʼa.