1Tim 4:8 - Hdi

⁸ Skwi ɗina zavzava ŋa hwaya us ma vgha, ama sira a katu mida wa. Ndiʼatá vgha nda Lazglafta katək na vərɗa skwi ta kata mndu ma inda skwi, kabga da tsatsi na tata imi ta sləməŋ ta ghəŋ nzaku ya ndanana, nda nzaku ya ta kəma.

1Tim 4:8 Iomraidhean Croise

Mata 12:32

Ka vzaf vza mndu ta rutsak ta *Zwaŋa mndu katsi, dzaʼa plinis pla lu ta dmakwa ni. Ama mndu ta vzaftá rutsak ta Sulkum nda ghuɓa ná, haɗ lu dzaʼa walaŋtá plinistá dmakwa ni, dər ta na zamana na, dər ta zamana dzaʼa sagha wa. »

Mata 19:29

Dər wati ma mndu ta zlanavatá həga ni, ka zwana ma ni a tsi, ka kwaghama ni a tsi, ka da ni a tsi, ka ma ni a tsi, ka zwana ni a tsi, ka vwaha ni a tsi, ta ghəŋa gwaɗa ta iʼi ná, dzaʼa mutsay həŋ ta dərməkata ni, ka malaghuta a tsi, ŋa mutsay taŋ ta hafu ŋa kɗekedzeŋ guli ta ghəŋa ni.

Mata 6:33

Zbawa zba ta ga mghama Lazglafta nda maga skwi tɗukwa ta wa ira ni karaku, dzaʼa vlaghuna vla lu ta inda tsa skwiha ya ta ghəŋa ni.

Markus 10:30

dzaʼa kwal kul mutsafta fərta ta sgavaghatani daga ta na zamana mida mu na wa. Dzaʼa mutsay ta həgaha, nda zwana ma, nda kwaghama, nda mamaha, nda zwani, nda haɗikha tani, ama dzaʼa ghuyay ta ɗaŋwa guli. Ma zamana ta sagha guli, ŋa mutsayni ta hafu ŋa kɗekedzeŋ da Lazglafta.

Lukwa 5:38

Ma zliba huta ta ka lfiɗ ta pghamta lu ta ima inabi ta ka nunu.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

1Kwa 3:22

Dər Pwal, dər Apwalus, dər Kefas, dər ghəŋa haɗik, dər hafu, dər mtaku, dər skwiha ndanana, dər skwiha dzaʼa sagha nda sa, ka ŋa ghuni nzakwa ni.

1Kwa 8:8

Skwa zay a dzaʼa kladamaghata da Lazglafta wa. Dər má ta zay mu, dər má za a mu wu, haɗ skwi tsamagha tsi wu, haɗ skwi htamaghu tsi guli wa.

1Tim 4:7

Zluŋ zla ta gwaɗa prukutunzumha ta gwaɗ halata miʼaha. Ŋava ŋa kagha, ka nza ka ta nzaku ma ndiʼatá vgha gha nda Lazglafta.

1Tim 6:3

Ka lagha mndu ka tagha sana skwi tskəm, ka zluŋtá vərɗaka gwaɗa Mghama mu *Yesu *Kristi, nda skwi ya ta tagh mu ta raŋtá zlghay nda ŋuɗufa amu katsi,

1Tim 6:5

nda zlərɗutawi kul kɗavakta mataba gwal kul haɗ ghunislak ma ghəŋa taŋ. Snəgla a həŋ ta kahwathwata wa. Dina ná, skwi ŋa mutsa gadghəl ya ka hahəŋ ta ndanay.

1Tim 6:6

Manda va tsaya nzakwa ni, dina ná, mghama gadghəl ya, ka ta rfu mndu nda kuraghuta skwi ya da tsi.

2Tim 3:5

Manda va gwal ta tsəlɓu ŋa Lazglafta ka həŋ ta nghə lu, ama va a həŋ ta snaŋtá mbrakwa Lazglafta wa. Ma guy ka ta vgha nda mndərga tsa mnduha ya guli.

Titus 3:8

Vərɗa skwi na gwaɗa ta mnə yu na. Ka gɗata ka ta mna tsa gwaɗa ya ka ŋɗaŋɗa ŋa mnduha, kada maga gwal zlghay nda ŋuɗuf ta ŋərma skwiha inda fitik. Tsaya vərɗa skwi ta kata mnduha.

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.

1 Yuhwana 2:25

Ka Kristi tamaftá imi ta sləməŋ ná, dzaʼa vlaghuna vla yu ta hafu ŋa kɗekedzeŋ, kaʼa.

Suna Yuhwana 3:12

« Dzaʼa nanaf na yu ta mndu ta zata ghwa ka guguɗi ma həga Lazglafta ɗa. Haɗ dzaʼa walaŋta sabi mida wa. Dzaʼa vindaf vinda yu ta hga Da ɗa nda hga luwa Da ɗa tani tida. Tsa luwa ya ná, lfiɗa Ursalima ya dzaʼa saha ta luwa, ghunaf Lazglafta. Dzaʼa vindaf vinda yu guli tida ta lfiɗa hgu ya mutsaf yu.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.

1Sam 15:22

Ka Samuyel mantsa: « Mal zɗəganata pla ghəŋ ŋa dray tsuh tsuh, nda sanlaha ma skwa pla ghəŋ ta Yawe, ka snatá gwaɗa ni ra? Mantsa a wa! Mal snatá gwaɗa, ka pla ghəŋha. Malaghu mala fatá sləməŋ ɗina, ka ghwaviɗa maŋazak.