1Tim 3:1 - Hdi

¹ Nana gwaɗa dzaʼa yu mnay na ná, gwaɗa ŋa faftá ghəŋ tida ya. Ka ɗvaf ɗva mndu ta slna nzaku ka mali ta ghəŋa *Igliz katsi ná, ŋərma skwi ya ɗvaŋ tsi.

1Tim 3:1 Iomraidhean Croise

Lukwa 15:10

Ka yu ta mnaghunata ná, dzaʼa malaghu mala rfu da duhwalha Lazglafta ta ghəŋa mnda dmaku turtuk ta mbəɗanaftá nzakwa ni, » kaʼa.

Slna gwal ghunay 1:20

Wya skwi ta dzaŋə lu ma deftera Zabura: “Dzaʼa nuna həga ni ka kufik, haɗ mndu dzaʼa nzamta mida wa.” Kaʼa guli na: “Sana mndu dzaʼa klafta slna ni kəʼa,” na skwi nda vinda ma defteri.

Slna gwal ghunay 20:28

Nghawa ngha ta ghəŋa ghuni, nghawa ta inda bra ya vlaghuna Sulkum nda ghuɓa ŋa nghay guli. Nghawa ngha ta Igliza Lazglafta ya mutsanak tsi ta ghəŋa ni nda usa zwaŋa ni.

La Ruma 11:13

Ndanana, nda kaghuni gwal kul nzakway ka la *Yahuda ta gwaɗa yu. Lazglafta ta ghunaftá iʼi da kaghuni gwal kul nzakway ka la Yahuda. Ta ghərɓaku yu ta tsa slna ɗa ya,

Afisus 4:12

Manda tsaya kəʼa daganata ŋa katay taŋ ta mnduha Lazglafta ŋa maganatá slna ni, kada mutsafta mnduha Lazglafta ta nzakway ka sluʼuvgha Kristi ta ŋlaku ta kəma ta kəma.

Filip 1:1

Iʼi Pwal kawadaga nda Timute, kwalva *Yesu *Kristi ŋni. Ta ga zgu ŋni ŋa ghuni inda mnduha Lazglafta ma Yesu Kristi, ma luwa Filipiya. Nda gwal ta ngha kaghuni, nda gwal ta ksaghunatá slna tani.

1Tes 5:14

Zwana ma ɗa, ta ndəɓa dzvu yu da kaghuni, dvawadva ta gwal ta yaɗi, tsafarawa gwal huleɓhuleɓa, vlawa mbraku ŋa gwal htu mbrakwa taŋ, ka ksa kuni ta ŋuɗuf nda inda mndu.

1Tim 1:15

Wya tsa vərɗa gwaɗa nda ra ka tsuʼafta inda mndu ya: Sasa Yesu Kristi ta ghəŋa haɗik ŋa mbanaftá gwal dmaku. Iʼi mali mataba taŋ.

1Tim 4:9

Nana gwaɗa na ná, vərɗa gwaɗa ya, nda ra ka tsuʼafta inda mndu kul haɗ sana dzudzukway.

2Tim 2:11

Nana gwaɗa dzaʼa yu mnay na ná, gwaɗa nda ra ya. Ka mtu mta mu kawadaga nda tsi, dzaʼa nzakway mu nda hafu kawadaga nda tsi guli.

Titus 1:7

Mndu kul haɗ gwaɗa ta ghəŋa ni katsi, kabga slna Lazglafta ta mag tsi. Má ma nza tsi ka mndu tsuʼaslaŋslaŋa, ka mndu ta gufwaku ŋuɗufa ni, ka mndu ta ghuyaku, ka mnda ghazeŋzeŋ, ma nza tsi ka mndu ta nənɓaptá mndu ma tsedi.

Titus 3:8

Vərɗa skwi na gwaɗa ta mnə yu na. Ka gɗata ka ta mna tsa gwaɗa ya ka ŋɗaŋɗa ŋa mnduha, kada maga gwal zlghay nda ŋuɗuf ta ŋərma skwiha inda fitik. Tsaya vərɗa skwi ta kata mnduha.

Hebru 12:15

Ɗasuwa ka kuni yaha mndu dər turtuk da mbəɗanatá hul ta zɗakatahuɗa Lazglafta. Yaha ya dər ka turtuk da nzakway manda slrəŋ ɗahɗaha da ɗyamta ka ɓadza ndəghata mnduha.

1 Piyer 2:25

Ghalya si nda nza kuni manda tuwakha nda zaɗa, ama ndanana tama, vrak vra kuni da mnda ngha tuwak ta nghapta ka hafa ghuni guli.

1 Piyer 4:15

Ka ta ghuyay sani mataba ghuni ta ɗaŋwa katsi, ma nza tsi, kabga vəl dzata ni ta mndu, kabga ghalatani ta ghali, kabga vəl magata ni ta ghwaɗaka skwi, kabga vəl valamtani da skwi kul nghanata.

1 Piyer 5:2

Wyawa dzvu, ka ngha kuni ta bra ya faghunam Lazglafta ma dzvu. Nghawa ngha nda ŋuɗuf turtuk manda ya ta kum Lazglafta. Ma nza tsi ka mbla kaghuni nda mbla. Ma mag kuni kabga ŋa mutsa tsedi, ama magawa maga kabga ɗvu.