1Tim 2:3 - Hdi

³ Tsaya skwi ɗina ta zɗəganatá Lazglafta mnda mba amu.

1Tim 2:3 Iomraidhean Croise

Lukwa 1:47

Ta taku ŋuɗufa ɗa da rfu ta ghəŋa tsatsi mnda mba iʼi,

La Ruma 14:18

Ka mantsa ya ka mndu maga slna Yesu Kristi katsi ná, dzaʼa zɗəgana zɗa ta Lazglafta, dzaʼa rfay mnduha guli.

Filip 1:11

Ŋa nzakwa ghuni ka gwal maga skwi tɗukwa nda mbrakwa Yesu Kristi. Na nghaŋta mnduha ta tsa ŋərma skwi ta mag kuni ya, ŋa zləzlvay taŋ ta Lazglafta, ŋa vlay taŋ ta glaku ŋa ni guli.

Filip 4:18

Zlghaf zlgha yu ta tsa zɗakatahuɗa ghuni tsghaf kuni ta Yufratis ya. Haɗ skwi ta pəɗəgəlta yu wu, hwaslu hwasla katakata. Tsa skwi vla kuni ya ná, manda skwi dranaf lu ta Lazglafta ta zɗəganata katakata ya nzakwa ni.

Kwalus 1:10

ŋa nzay ghuni ta nzaku manda ya ta kum Mgham Yesu, ka maga skwi ya ta zɗəganata, ŋa gɗata ghuni ta maga skwi ɗina ɗina, ŋa sgakwa snaŋta ghuni ta Lazglafta.

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.

1Tim 1:1

Iʼi Pwal, ghunatá mnda *Yesu *Kristi, manda ya mnaf Lazglafta mnda mba amu nda Yesu Kristi ya faf mu ta ghəŋ tida ta vinda na ɗelewer na.

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

1Tim 5:4

Ka si mamu zwana tsa wadgu ya, ka zighiha ni a tsi katsi, tiŋəl hahəŋ dzaʼa zlrafta kataŋtá gwal ga taŋ, ŋa planamtá dzva taŋ. Tsaya skwi ta zɗəganatá Lazglafta.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

Hebru 13:16

Yaha kuni zlanatá maga zɗaku, nda kataŋtá mndu, kabga mndərga tsa skwiha ta vlata həŋ ya ta zɗəganatá Lazglafta.

1 Piyer 2:20

Ka lagha ghuni ka gatá gwaɗa, ka ghuy lu ta ɗaŋwa ŋa ghuni ta ghəŋa ni, ka suʼaftá kuni katsi, mamu mndu dzaʼa ghuba kaghuni ra? Ama ka lagha ghuni ka magatá skwi ɗina, ka ghuy lu ta ɗaŋwa ŋa ghuni ta ghəŋa ni, ka suʼaftá kuni katsi, skwi ɗina tsaya da Lazglafta.

1 Piyer 2:5

Kaghuni guli, nzawa nza ka pala nda hafu mida, ya ta kəl lu ka ba həga mndərga ŋa Sulkum, ŋa nzakwa ghuni ka guyata ghəŋa gwal nda ghuɓa ta vla skwi manda ya ta kum Sulkum. Tsaya skwi ta zɗəganatá Lazglafta nda ma Yesu Kristi.