1Tim 2:1 - Hdi

¹ Skwi ya vli yu ta mbraku taŋtaŋ ta ghəŋa ni karaku ná, tsaya ɗawa skwiha da Lazglafta nda maga duʼa, nda taw ma ghuva ni, nda rfanaghata ta ghəŋa inda mnduha.

1Tim 2:1 Iomraidhean Croise

Izra 6:10

Mantsa tama, ŋa laviŋta taŋ ta dra skwa pla ghəŋ həlhəla ŋa Lazglafta ta luwa, ŋa ɗawa pla dmaku. Ŋa magay taŋ ta duʼa ta ghəŋa nzakwa i mgham nda zwana ni tani.

Slna gwal ghunay 17:30

Ŋaw lu ɓa, ka Lazglafta nda mnduha daga manda ghalya, kabga kwala taŋ kul snaŋta. Ndanana tama, ta hga mnduha Lazglafta ma inda vli ka mbəɗanafta həŋ ta nzakwa taŋ,

La Ruma 1:8

Karaku ná, ta rfanagha rfa yu ta Lazglafta ɗa nda ma *Yesu *Kristi ta ghəŋa kaghuni demdem, kabga ta kulay lu ta zlghay nda ŋuɗufa ghuni ma inda vli ta ghəŋa haɗik.

La Ruma 6:17

Rfama ta Lazglafta! Ghalya si nda nza kuni ka vuʼa dmaku. Ndanana, sna sna kuni nda inda ŋuɗufa ghuni ta dughwaŋa skwi ya ta taghu lu ŋa inda mnduha demdem, ka taghaftá kuni.

1Kwa 15:3

Tsa ŋərma skwi tiŋlaghu yu ta taghaghunafta ya, tsaya zlghaf iʼi kazlay: Mtu mta *Kristi ta ghəŋa dmakwa mu kəʼa, manda ya mnə deftera Lazglafta.

2Kwa 8:6

Tsaya kəl ŋni ka ndəɓanatá dzvu ta Titus ŋa lab da kɗiŋtá tska tsa skwi ya da kaghuni kabga tsatsi ta zlrafta.

Afisus 3:13

Tsaya tama ta kəl yu ka ndəɓa dzvu ŋa ghuni, ma rwaghuna tsi ta vgha, kabga snaŋta ghuni ta ghuya ɗaŋwa ɗa ta ghəŋa vəl mnaghunata ɗa ta Lfiɗa Gwaɗa. Ka ufa tsa ghuya ɗaŋwa ɗa ta ghəŋa ghuni ya, ta vgha ŋa ghuni.

Afisus 5:20

Rfawa rfa ta Lazglafta ta nzakway ka Da inda fitik ta ghəŋa inda skwi ta magaghunata tsi nda ma Yesu Kristi.

Afisus 6:18

Ma inda tsa skwiha ta mag kuni ya, magawa maga ta duʼa da Lazglafta, ɗawawa ɗawa ta kataghunatani inda fitik manda ya dzaʼa pghə Sulkum nda ghuɓa ta kaghuni. Nzawa nza ndiri, yaha kuni walaŋta zlaŋtá maga duʼa. Magawa duʼa inda fitik ta ghəŋa mnduha Lazglafta.

Filip 1:3

Inda fitika ndanaŋta ɗa ta kaghuni ya ná, ta rfanagha rfa yu ta Da ɗa Lazglafta.

Filip 4:6

Yaha kuni ndana sana skwi. Ka mamu skwi ta ndanə kuni ya, ɗawawa ɗawa da Lazglafta nda maga duʼa, nda rfanaghata guli.

1Tes 3:12

Kaghuni ya guli, má ka sgaghunagha sga Mgham Yesu ta tsa ɗvu mataba ghuni ya, nda ya ta mag kuni ŋa inda sanlaha ma mnduha ya guli, ka nzakwa tsi manda va ya ta ɗvu aŋni ta kaghuni ya.

2Tes 1:3

Zwana ma ɗa, haɗ ŋni ta zlaŋta rfanaghatá Lazglafta ta ghəŋa kaghuni wa. Nda nza tsaya tɗukwa, kabga ta dzaʼa ta kəma ta kəma zlghay nda ŋuɗufa ghuni, nda ɗvu ta dzaʼa ta kəma ta kəma ta mag inda kaghuni ŋa sanlaha ya.

1Tim 2:4

Ta kumay tsatsi ta mbafta inda mndu, ka mutsafta taŋ ta snaŋtá kahwathwata.

1Tim 5:5

Tsa vərɗa wadgu ta nzakway ka matuŋulum kul haɗ mndu ŋa kataŋta ya ná, ta Lazglafta fafta tsatsi ta ghəŋa ni. Haɗ ta zlaŋtá maga duʼa, ka tawa ghəŋ da Lazglafta nda fitik tani, nda rviɗik tani, ŋa ɗawa katu da tsi wa.

2Tim 2:24

Va ni ná, haɗ mndu ta ksa slna Mgham Lazglafta ta zlərɗa wi wa. Katək ná, ta mamay ká inda mnduha ta tsa mndu ya, laviŋ lava katsi ta taghanaftá skwi ta mnduha. Ta ksay katsi ta ŋuɗuf ma skwi ta mnə mnduha tida.

Titus 2:11

Ɗina ka magay mnduha Lazglafta ta tsa skwiha mnə yu ya, kabga maraŋ mara Lazglafta ta zɗakatahuɗa ni ta nzakway ka dzuɓaya mbaku ŋa inda mnduha demdem, ŋa mutsay taŋ ta mbaku.

Titus 3:2

Mnana mna ta həŋ, yaha həŋ da mna ghwaɗaka skwi ta mndu, nda zɗaku ka həŋ nzaku nda mndu. Ka gwal dzra nzaku ka həŋ, leɓtekwa ka həŋ nzata nda inda mndu,

Hebru 6:11

Ndanana ná, ta kumay ŋni ta ŋavata inda kaghuni nda fata ghəŋ ta skwi ya faf kuni ta ghəŋ tida ha ka kɗavakta ni.

Yakubu 5:16

Mantsa ya tama, mnuvuswa dmakwa ghuni mataba ghuni, ka maga kuni ta duʼa da Lazglafta ta ghəŋa sani nda sani, kada mbaghunafta Lazglafta ma inda ɗaŋwaha ghuni. Maga duʼa mndu tɗukwa ná, ta ksay ta slna nda mbraku kahwathwata.