1Tim 1:9 - Hdi

⁹ Nda sna amu guli kazlay: Fa a lu ta zlahu ka ŋa gwal tɗukwa wu kəʼa, ama fa fa lu ta zlahu ŋa gwal kul sna gwaɗa da mndu, nda gwal ta maga mbrəs, nda gwal ta sidi, nda gwal dmaku, nda gwal kul zləŋa Lazglafta, nda gwal kul snaŋtá dzahayʼ, nda gwal ta pslatá dadaha taŋ, nda gwal ta pslatá mndu,

1Tim 1:9 Iomraidhean Croise

2Sam 16:11

Ka Dawuda nda Avisay nda ya nda inda kwalvaha ni mantsa: « Vərɗa zwaŋa ɗa, ya yaga iʼi ta zba hafa ɗa ná, nana mnda la Biŋyamiŋ na yeya katək rke! Zlaŋwa zla ka ksiʼa tsi ta iʼi, ka si Yawe ta mnanatá magay.

2Mgh 19:37

Ma sana fitik, ta tsəlɓu tsi ta tsəlɓu ma həga Nisruk lazglafta ni, ka lagha zwana ni i Adramelek nda Sarʼetser da dzata nda kafay. Ka hwayaghatá həŋ ta haɗika Ararat. Ka lam zwaŋa ni Isarʼhaduŋ da gá mgham ma vla ni.

2Rus 32:21

Mantsa tama, ka ghunagatá Yawe ta duhwala ni. Ka zaɗanatá tsi ta inda gwal viɗviɗ ma vulu ma ghuɓa mghama la Asur, gwal dagaladagala, nda maliha ta ghəŋa gwal vula taŋ. Tahula tsa, ka vraghutá mgham ta haɗika ni nda hbatá hula ta ghəŋ. Ka lam tsi da həga lazglafta ni, ka dzatá vərɗa zwana ni nda kafay.

Sabi 20:13

Ma dza ka ta mnda səla.

Sabi 21:14

Ama kawayaka skwi, hiɗaku magaf tsa mndu ya ka dzatá mndu ka palama, dər ta vata gwir ɗa tsa mndu ya, dzaʼa ksaf ksa lu ŋa dzata.

La Levi 20:9

Dər wati ma mndu ta razatá da ni ka ma ni a tsi, dzaʼa dza dza lu. Dguv ta ghəŋa ni usa ni, kabga raza raza ta da ni ka ma ni a tsi.

Mata 10:21

« Zwaŋama ni dzaʼa vlatá zwaŋama ni ŋa dzata. Da ni dzaʼa vlatá zwaŋa ni ŋa dzata. Dzaʼa ndəranava ndəra zwana taŋ ta dadaha taŋ, ŋa vlatá həŋ ŋa pslata.

La Ruma 1:30

ta vza rutsak həŋ ta mndu, ghuma Lazglafta həŋ, ta ghazeŋzeŋ həŋ, ta gla ghəŋ həŋ, ta ghərɓaku həŋ. Meʼ ka həŋ ta dzatá vgha ŋa maga ghwaɗaka skwi. Sna a həŋ ta gwaɗa da dadaha taŋ wa.

La Ruma 4:13

Tanafta Lazglafta ta imi ta sləməŋ ta Abraham nda zivira ni tani kazlay: Dzaʼa vlagha vla yu ta ghəŋa haɗik kəʼa. Tanaf a Lazglafta ta imi ta sləməŋ kabga vəl magay ni ta skwi ta kum zlahu wu, ama kabga vəl klafta Lazglafta ka mndu tɗukwa ma zlghafta ni.

La Ruma 5:20

Ma sagha zlaha Musa, ka sgavaghata saba dmaku ta daɓi. Ma vli sgavagha dmaku ya ná, malaghu mala sgəglavaghata zɗakatahuɗa Lazglafta guli.

La Ruma 6:14

Mantsa tama, ta haɗ dmaku nda ga mgham ta ghəŋa kaghuni wu, kabga ta mista zlahu a kuni wu, mista zɗakatahuɗa Lazglafta kuni.

Galat 3:19

Ka si mantsa tsi tama, kabgawu kəl Lazglafta ka vlatá zlahu? Vlaŋna vla, kabga ŋa snaŋta ŋni ta skwiha ya kul zɗəganata. Ŋa fitik kwitikw vlaŋnata tsi ha ka sagha tsa fitik dzaʼa kəl tsa zivir dzaʼa sabi ma Abraham, tanaf tsi ta imi ta sləməŋ ya ka sagha. *Duhwalha Lazglafta ta klaktá tsa zlahuha ya nda ma sana mndu ta nzakway mataba mnduha nda Lazglafta.

Galat 5:18

Ka Sulkum ta pgha kaghuni katsi, ta haɗ kuni mista zlaha Musa wa.

Galat 5:21

haraʼutiri, ghuyaku, nda hambala vgha ŋa ghuyaku ka maga sliʼiŋsliʼiŋ, nda pɗakwa sanlaha ma skwiha manda tsaha ya. Ka yu ta mnəglaghunata manda va ya ghada yu ta mnuta ná, haɗ mndərga gwal ta maga tsa skwiha ya dzaʼa lami da ga mghama Lazglafta wa.

Galat 5:23

nzaku leɓtekwa, wara ghəŋ. Haɗ zlahu nda gwaɗa ta ghəŋa tsaha ya wa.

Vrafta ta zlahu 27:16

“Nda ksiʼa mndu ta hərtəta da ni ka ma ni a tsi.” “Ka nza tsi mantsa!” ka inda mnduha dzaʼa zlghaftá wa ni.

2Tes 2:8

Dzaʼa sab sa ta daɓi. Ma sagha dzaʼa sagha Mghama mu Yesu ma glakwa ni, ŋa zaɗanata ni nda hafu dzaʼa vuslagapta tsi ma wa ni.

1Tim 4:7

Zluŋ zla ta gwaɗa prukutunzumha ta gwaɗ halata miʼaha. Ŋava ŋa kagha, ka nza ka ta nzaku ma ndiʼatá vgha gha nda Lazglafta.

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

2Tim 2:16

Ma fə ka ta wa gha da gwaɗaha ka bətbət kul ksa vgha nda zlghay nda ŋuɗuf, kabga gwal ta famtá ghəŋa taŋ da mndərga tsa gwaɗaha ya ná, ta sgaku nda sga diʼiŋaghuta taŋ nda Lazglafta.

2Tim 3:2

kabga dzaʼa nzakway mnduha ka gwal ta ɗvutá ghəŋa taŋ, ka gwal ta ɗvutá tsedi, ka gwal ta ghərɓaku, ta gla ghəŋ, ka gwal ta kwara kwara ta ghəŋa Lazglafta, ka gwal kul haɗ nziʼiŋa taŋ ta dadaha taŋ, ka gwal kul haɗ ta rfa mndu, ka gwal kul haɗ ta zləŋa Lazglafta.

Titus 1:10

Kəl yu ka mna tsaya ná, kabga nda ndəgha gwal kul haɗ ta sna gwaɗa da mndu, ta tsaɓaku, ta babara mnduha. Wya mal mataba gwal nda tsatsa fafaɗa taŋ na tsa gwal ta maga tsa skwiha ya.

Titus 1:16

Nda sna ŋni ta Lazglafta ka həŋ ta mnay, nda ta tva skwi ta mag həŋ ya ná, sna a həŋ ta Lazglafta wu, nda nza həŋ ka skwa mbiɗay ka gwal mbrəs, laviŋ a həŋ ta magatá skwi ɗina dər ka kiʼa wa.

Titus 1:6

Tsa gwal dzaʼa zabapta ka ya ná, gwal kul haɗ gwaɗa ta ghəŋa taŋ katsi, gwal turtuk turtuk markwa taŋ, zlghaf zlgha ka zwana taŋ ta *Yesu, ksu a sliʼiŋ ta həŋ wu, haɗ həŋ ta mbrəs wu, katsi.

Titus 3:3

kabga si ka rgha dər amu ghalya, haɗ mu si ta sna gwaɗa da mndu wa. Si nda zaɗa mu, ka nzaku mu ka vuʼa maga ghwaɗaka skwi nda haraʼu ta iri. Ta nzaku nda sidi kawadaga nda ghudzaku mu ta nzaku, prək má ka mbiɗa amu. Ta husaŋ husa amu ta mnduha, ta husamahusa mnduha guli.

Hebru 11:31

Nda ma zlghay nda ŋuɗuf tsuʼafta Rahab, sana marakw ta hla iri ta mnduha la Israʼila ta lab da vitsa luwa taŋ. Ma lagha la Israʼila da rwanatá gwal pgha ghəŋ nda Lazglafta, ka zlanatá həŋ ta tsatsi nda hafu.

Hebru 12:16

Ɗasuwa ka kuni, yaha gwal ta hliri nzakway mataba ghuni. Yaha mndu dər turtuk mataba ghuni da vziŋtá skwi ta nzakway ka ŋa Lazglafta, manda Ghesav ta skwaptá mamali mala ni nda skwa zay kweŋkweŋ ya.

1 Piyer 2:7

Ka ŋa kaghuni gwal ta zlghafta ya ná, dagala sgita ni, ama mantsa ya a da gwal kul zlghafta wa. Ka lu vindafta ma deftera Lazglafta na: « Va tsa pala wuɗidiŋ gwal ba həga ya, ta nuta ka vərɗaka pala tughwa həga. »

1 Piyer 3:20

Tsa sulkumha ya ná, hahəŋ gwal ta kwalaghutá snanatá gwaɗa Lazglafta ghalya. Aŋ mndani, nzɗavanzɗa Lazglafta ka ksanatá ŋuɗufa ni ma fitika tsay Nuhu ta kwambalu. Ka mbaʼatá mbsaka mnduha hutsekw ma tsa imi ya nda ma tsa kwambalu ya. Tghas yeya həŋ kweŋkweŋ.

1 Piyer 4:18

Ka lu vindafta ma deftera Lazglafta na: « Ka nda ɗaŋwa mbafta mndu tɗukwa katsi, kinawu dzaʼa kɗavakta ŋa ghwaɗaka mnduha, nda gwal ta ga dmaku na? » kaʼa.

Yuda 1:15

ŋa tsa guma ta ghəŋa inda mndu ta ghəŋa haɗik, ŋa tsanaghatani ta guma ta inda gwal kul sna gwaɗa da tsi. Ta ghəŋa vəl maganata taŋ ta ghwaɗaka skwi, nda ya ta ghəŋa ŋaslu bədzakana həŋ guli, » kaʼa.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.