1Tim 1:4 - Hdi

⁴ Ka mnanata ka ta həŋ, yaha həŋ da laghu da hamtá ghəŋ ma gwaɗa ta prukutunzum, nda mbəɗa mndəra mndu kul haɗ lu dzaʼa kɗanakta. Ta klaktá hwazlaɓaku, ka zlaŋtá ŋlaku ta kəma ta kəma ma slna Lazglafta ma zlghay nda ŋuɗuf tsaha ya.

1Tim 1:4 Iomraidhean Croise

2Kwa 1:12

Skwi ya ta vlaŋnatá tsafara vgha ná, nzuvusnza ŋni ta nzaku ɗina nda inda mnduha ka ŋni ta ɗaslay ma ghəŋa ŋni. Katkata ni mataba nzaku ya nzuvus mu nda kaghuni. Nzunza ŋni ta tsa nzaku ya ndəʼets nda hanatá ghəŋ manda ya vlaŋna Lazglafta. Manda ya ta kum ɗifila sluʼuvgha a nza ŋni ta tsa nzaku ya wu, ama Lazglafta ta kataŋnata nda zɗakatahuɗa ni.

Afisus 3:2

Nda sna kuni kahwathwata kazlay: Zɗa zɗa Lazglafta ta huɗi ka vlihatá slna ŋa magay ɗa ŋa ghuni kəʼa.

1Tim 3:16

Manda va tsaya ná, dagala nzakwa skwi ya nda ɗifa payaf Lazglafta, ta nzakway ka Kristi ya zlghaf mu. Marigiŋ mara Lazglafta ka mnda səla. Tɗukwa nzakwa ni, ka Sulkum nda ghuɓa maraŋta. Nda ngha duhwalha Lazglafta, ka mnə lu ta gwaɗa tida, ŋa inda gwal kul nzakway ka la Yahuda. Ka zlghaftá mnduha ma inda vli ta ghəŋa haɗik. Ka klaghatá Lazglafta ta luwa da vla glakwa ni.

1Tim 4:7

Zluŋ zla ta gwaɗa prukutunzumha ta gwaɗ halata miʼaha. Ŋava ŋa kagha, ka nza ka ta nzaku ma ndiʼatá vgha gha nda Lazglafta.

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

2Tim 2:14

Havanakhava ta tsa skwiha ta mnaghata yu ya ta sanlaha. Mnana mna ta həŋ ta kəma Lazglafta, ka zlaŋta həŋ ta zlərɗa wi ta ghəŋa gwaɗaha. Haɗ sana skwi ta kataŋta tsa zlərɗa wi ya ta mndu wu, ta ghəŋa zaɗiŋtá gwal ta snay yeya katək ta zaɗiŋta tsi.

2Tim 2:22

Tsaghu tsa ta vgha nda ghwaɗaka ndanu ya ta kum duhwal ta magay. Zba ta tva maga skwi tɗukwa, nda tva zlghay nda ŋuɗuf, nda tva ɗvu, nda tva zɗaku kawadaga nda gwal nda ghuɓa ŋuɗufa taŋ, ta hga hga Mgham Lazglafta.

2Tim 2:23

Ma fam kagha ta wa gha da zlərɗutawiha ka bətbət, kul haɗ ghəzliwa ni, kabga ta sab sa zlərɗa wi mida.

2Tim 4:4

Dzaʼa nuʼaf nuʼa həŋ ta sləməŋa taŋ yaha həŋ snaŋtá kahwathwata, ka mbəɗaghutá vgha da sna tsakalawi.

Titus 1:1

Iʼi Pwal ta nzakway ka kwalva Lazglafta, ghunatá mnda *Yesu *Kristi, ŋa kataŋtá mnduha ɗagap Lazglafta ŋa nzakway ka ŋa ni, ŋa snanamtá həŋ ta vərɗaka tagha skwi ta maramatá tva nzaku ta zɗəganatá Lazglafta ya.

Titus 1:14

Dəvanagha dva ta həŋ ka zlaŋta həŋ ta sna tsa garaku ta garə la *Yahuda, nda tsa zlahuha mnduha ta mbəɗanatá hul ta kahwathwata ya.

Titus 3:9

Tsaghu tsa ta vgha nda zlərɗutawi ka bətbət ta ghəŋa gwaɗa ta mbəɗa mndəra mndu nda ya nda gwaɗa ta ghəŋa zlaha Musa. Haɗ ghəzliwa tsa skwiha ya wu, kata a ta mndu wa.

Hebru 13:9

Ɗasuwa ka kuni, yaha sana ghwaɗaka tagha skwiha kavghakavgha da sagha da ghəŋa ghuni. Zɗakatahuɗa Lazglafta na skwi ta mbranaftá ŋuɗufa mndu. Tagha skwi kavghakavgha ta ghəŋa za skwa zay a wa. Gwal ta ksa tva mndərga tsa tagha skwi ya ná, haɗ ta kata həŋ wa.

2 Piyer 1:16

Ma fitika mnaghunata ŋni ta saha dzaʼa saha *Yesu *Kristi ma mbrakwa ni ná, prukutunzum ya gi ta tsaʼata mnduha ma ghəŋa taŋ a mnaghuna ŋni wu, ama skwi ghada aŋni ta nghaŋtá mbrakwa ni nda ira ŋni ya mnaghuna ŋni.