1Tim 1:18 - Hdi

¹⁸ Timute zwaŋa ɗa, na gwaɗa ta mnaghata yu ná, manda va ya mna la anabi ta gwaɗa ta ghəŋa gha ghalya ya, ŋa nzakwa na gwaɗa na ŋa vlaghatá mbraku, kada laviŋta ka ta vulaftá vərɗaka vulu.

1Tim 1:18 Iomraidhean Croise

Slna gwal ghunay 16:1

Ka ɓhadaghatá Pwal da luwa Derba, nda ya da luwa Listra guli. Mamu sana mnda Zlghay nda ŋuɗuf hada, Timute hga ni. Makwa la *Yahuda ta nuta ka mnda zlghay nda ŋuɗuf ta yata. Mndəra la *Grek da ni.

1Kwa 4:17

Tsaya tama, ghunaf ghuna yu ta Timute ta nzakway ka zwaŋa ɗa ya ɗvu yu. Ŋərma mndu ya ta tva Mgham Yesu. Ta tvi səla ni ŋa lagha havglaghunaktá tva nzakwa ɗa ma Yesu Kristi, nda ya ka yu ta taghay ŋa Iglizha ma inda vli.

1Kwa 9:7

Ta kəɗ snaŋta kaghuni ta sludzi ta maga slna, tsatsi guli ta zuŋtá ghəŋa ni ra? Mamu mndu ta ŋəɓata fu ná, kul za yakwa ni ra? Ari mamu a mndu ta ngha rini ná, kul sa uʼa tsa rini ya na?

Filip 2:22

Kaghuni, nda sna kuni kazlay: Ŋərma mndu Timute kəʼa, ksagapksa ŋni ta slna mna gwaɗa Lazglafta kawadaga nda tsi. Katiha kata ma slna manda zwaŋ ta kata da ni ma slna.

1Tim 1:2

Ŋa kagha Timute, vərɗa zwaŋa ɗa ma zlghay nda ŋuɗuf ta vinda yu. Ka vlagha vla Lazglafta ta nzakway ka Da, nda Mghama mu Yesu Kristi ta zɗakatahuɗa ni, nda tawa hiɗahiɗa ni, nda zɗakwa ni.

1Tim 1:5

Klatá ghəŋa tsa gwaɗa ta mnaghata yu ya ná, tsaya sliʼanaftá ɗvu ya ta sabi ma ŋuɗuf ya nda ghuɓa, nda vərɗa ndanu kul haɗ sana dga ghəŋ, nda vərɗa zlghay nda ŋuɗuf.

1Tim 4:14

Yaha ka da ganavatá masfa ta skwi ya vlagha Sulkum ma kagha, ya vlagha lu ma fitika mnata la anabi, ka faghaghatá la galata mndu ta dzvu ya.

1Tim 4:4

Manda va tsaya, inda skwi zlagigiŋ Lazglafta ná, ɗina nzakwa ni. Ka ta rfanagha rfa lu ta Lazglafta ta ghəŋa skwi ta zə lu, haɗ sana skwi ŋa wuɗanaghuta wu,

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

2Tim 1:2

Ŋa kagha Timute zwaŋa ɗa, ya ta ɗvu yu ta vindaghafta yu. Ka vlagha vla Da mu Lazglafta nda Yesu Kristi Mghama mu ta zɗakatahuɗa ni, nda tawa hiɗahiɗa ni, nda zɗakwa ni tani.

2Tim 4:7

Vula vula yu ta vərɗaka vulu, kɗanakkɗa yu ta vərɗaka hwaya ɗa, ŋana ŋa yu ta zlghay nda ŋuɗufa ɗa.

Titus 1:4

Ŋa kagha Titus, vərɗa zwaŋa ɗa ma zlghay nda ŋuɗuf ta vinda yu. Ka nza zɗakatahuɗi nda zɗakwa Da mu Lazglafta nda Yesu Kristi mnda mba amu kawadaga nda kagha.

Filimuŋ 1:10

Ta ndəɓa dzvu yu da kagha ta ghəŋa zwaŋa ɗa Unesima ya mutsaf yu ma Kristi, ma na nzakwa ɗa ma gamak na.