1Tim 1:17 - Hdi

¹⁷ Ka nza sgit nda glaku ŋa ɗekɗek ŋa Mgham kul haɗ ta mtavata, kul haɗ ta nghavata, tsatsi turtuktuk Lazglafta ŋa kɗekedzeŋ. *Amin!

1Tim 1:17 Iomraidhean Croise

1Rus 29:11

Yawe, ŋa kagha glaku, nda mbraku, nda wuɗaku, nda ghubu, nda tsuwaɗak, kabga ŋa gha inda skwiha ta luwa nda ya ta haɗik. Yawe, gá mgham ná, ŋa gha ya, hem kagha ta ghəŋa inda skwiha.

Nəhemiya 9:5

Ka la Levi i Yəhusuwa, nda Kadmiyel, nda Bani, nda Hasabniya, nda Sereviya, nda Hudiya, nda Səbaniya, nda Pətahya mantsa: « Sliʼafwa sliʼa, zləzləvawa Yawe, Lazglafta ghuni dər yawu tsi ŋa ɗekɗek. Ka zləzləva inda mndu ta glakwa hga gha ta malaptá inda zləzləvu nda inda ghubu, » ka həŋ.

Danyel 2:44

Ma tsa fitik dzaʼa gə tsa mghamha ya ta mghama taŋ ya, dzaʼa fafta Lazglafta ta luwa ta ga mgham ya dzaʼa kwal kul zaɗavata ɗekɗek. Haɗ tsa ga mgham ya dzaʼa walaŋta laghu nzakway mista sana mndəra mndu wa. Dzaʼa huʼanap huʼa ta inda tsa ga mghamha ya, ŋa zaɗanata ni ta həŋ. Ama tsatsi, dzaʼa gɗava gɗa ŋa kɗekedzeŋ.

Danyel 4:34

Ndana tama, iʼi Nevuhadnetsar ná, ta fa laha yu ka zləzləva mgham dagala ta luwa. Inda skwi ta mag tsi ná, kahwathwata ni nzakwa ni. Tɗukwa tɗukwa inda slna ta mag tsi guli. Mamu nda mbrakwa vraganatá gwal ta gla ghəŋ, » kaʼa.

Danyel 7:14

Ka vlaŋtá lu ta mbraku, nda sgit, nda ga mgham. Ka lagha inda mnduha ma mndəra mnduha, ta inda haɗikha ta gwaɗa inda gwaɗaha kavghakavgha, da tsəlɓanatá tsəlɓu. Tsa ga mghama ni ya ná, ga mgham ya ta gɗavata ŋa ɗekɗek ya, haɗ ta a kɗavakta ni guli wa, haɗ lu dzaʼa walaŋta zaɗanatá ga mghama ni wa. »

Mata 25:34

Ka mgham dzaʼazlay nda tsaha nda ga zeghwa ni ya mantsa: “Saghawa sa, kaghuni gwal tfanagha Da ɗa ta wi ya. Tsuʼawa tsuʼa, ta za mgham ya payaghunaf Lazglafta daga ma zlrafta ghəŋa haɗik ya.

Mata 28:20

Ka taghanafta kuni ta həŋ ta snatá inda skwiha ya mnaghunaf yu. Ya wana yu kawadaga nda kaghuni ha kɗavakta ghəŋa haɗik, » kaʼa.

Mata 6:13

Ma zlaŋna ka tawa skwi dzaʼa dzəghaŋnata. Klap kla ta aŋni ma dzva halaway, [kabga ŋa gha ga mgham, nda mbraku, nda glaku, ŋa kɗekedzeŋ. Amin!]

Yuhwana 1:18

Haɗ mndu ta kəɗ walaŋtá nghaŋtá Lazglafta wa. Tsa zwaŋ turtuktuk ya ta nzakway ka Lazglafta, ta nzaku ma ghuva Da ya, tsatsi ta mnaŋtá nzakwa Lazglafta.

Yuhwana 5:44

Kaghuni gwal ta ɗva glaku da sani nda sani, ka kwalaghutá zba glaku daga da Lazglafta turtukwa ni, waká kuni má dzaʼa zlghafta na?

La Ruma 1:20

Nzakwa Lazglafta ka ghəŋa ni nda mbrakwa ni ya ŋa kɗekedzeŋ ná, skwi ya kul laviŋtá lu ta nghaŋta ya. Ama daga ka yawu zlrafta ghəŋa haɗik, laviŋ lava lu ta nghaŋta nda ta tva skwiha ya maga tsi. Ta haɗ mndu nda pslaftawi da tsi wa.

La Ruma 1:23

Má ŋa tsəlɓay taŋ ta tsəlɓu ka vla glaku ŋa Lazglafta ya ta nzaku nda hafu ŋa kɗekedzeŋ ya ná, ka laghu həŋ da tsəlɓu ŋa skwa wuyay tsaf lu manda mndu kul haɗ hafu mida. Sanlaha ma tsa skwa wuyay ya ná, manda tsatá zarak həŋ, manda nimtak fwaɗ səla mista taŋ tsatá sanlaha, manda tsatá nahaɗik sanlaha.

La Ruma 11:36

Sagha da tsatsi inda skwi, nda ma tsatsi nzata inda skwi, ka ŋa ni inda skwi. Ŋa Lazglafta glaku ŋa kɗekedzeŋ. *Amin!

La Ruma 16:27

Ŋa Lazglafta glaku! Da tsatsi turtukwa ni ɗifil nda ma Yesu Kristi, ŋa kɗekedzeŋ! *Amin.

La Ruma 2:10

Ama ŋa gwal ta maga skwiha ɗina ɗina ya, dzaʼa vlaŋ vla Lazglafta ta glaku nda sgit nda zɗaku ta həŋ. Ŋa zlrafta ta la Yahuda karaku, kada sagha ta la Grek guli.

La Ruma 2:7

Ŋa gwal ta gɗata ta maga skwiha ɗina ɗina ŋa mutsa glaku nda sgit, nda hafu ŋa kɗekedzeŋ ya, dzaʼa vlaŋ vla Lazglafta ta nzaku nda hafu ŋa kɗekedzeŋ ta həŋ.

Kwalus 1:15

Tsa Kristi ta maramaŋtá Lazglafta kul nghaŋtá lu ya, tsatsi taŋtaŋa yaku ta ghəŋa inda skwi zlaganap lu.

Hebru 11:27

Nda ma zlghay nda ŋuɗuf sliʼafta Musa ka zlanatá haɗika Masar, kul zləŋaŋta gatá sida mgham. Ka dihavatá tsi manda skwi nda ngha ta Lazglafta ya kul laviŋtá lu ta nghaŋta nda iri ya.

Hebru 2:7

Aŋ mndani, vraganavgha ka gudzekw ŋa fitik kwitikw mista duhwalha Lazglafta. Tahula tsa, ka fanaghatá ka ta glaku nda sgit.

1 Piyer 5:11

Ŋa ni mbraku ŋa kɗekedzeŋ. *Amin!

2 Piyer 3:18

Ama gɗavawagɗa ta dzaʼa ta kəma ta kəma ma snaŋtá Mghama mu Yesu Kristi mnda mba amu, ŋa vlaghunata ni ta zɗakatahuɗa ni. Ŋa ni glaku, daga ndanana nda ya ŋa kɗekedzeŋ. *Amin!

1 Yuhwana 4:12

Haɗ mndu ta kəɗ nghaŋtá Lazglafta nda ira ni wa. Tsa ɗvutá vgha mu ta ɗvuta mu sani nda sani ya ná, nzakwa Lazglafta ta gɗavata kawadaga nda amu tsa. Ta ɗvu ɗva mu ta Lazglafta dar manda ya kumaŋ tsi kəʼa guli.

Yuda 1:25

Ŋa Lazglafta turtukwa ni ya ta mbamafta nda ma *Yesu *Kristi Mghama mu ga mgham, nda mbraku, nda glaku, daga manda ghalya nda ya ndanana ha ŋa kɗekedzeŋ. *Amin.

Suna Yuhwana 15:3

Fa laha ya si ta fə Musa ta nzakway ka kwalva Lazglafta nda laha ya si ta fə Zwaŋa Tuwak, ta fə həŋ. Ka həŋ mantsa: « Mgham Lazglafta ta mbruta, dagala slna gha ya ta mag ka, ka skwa ndərmimay nzakwa ni. Kagha Mgham ta ghəŋa inda haɗikha. Inda skwi ta mag ka ná, tɗukwa tɗukwa nzakwa ni, kahwathwata nzakwa ni guli.

Suna Yuhwana 17:14

Dzaʼa vulay həŋ ta vulu nda Zwaŋa Tuwak, ŋa ŋrapta Zwaŋa Tuwak kawadaga nda mnduha ni gwal hagaf tsi, gwal zabap tsi, gwal ka ŋərma ni ya, ta həŋ. Zwaŋa tuwak mgham ta ghəŋa mghamha, tsatsi mali ta ghəŋa maliha guli, » kaʼa.

Suna Yuhwana 19:1

Tahula tsa, ka snaŋtá yu ta lwi dagala ta ŋzlata ta luwa manda lwa tskata mnduha. Kaʼa mantsa: « Zləzlvawa Lazglafta, tsatsi ta mba mnduha. Ŋa Lazglafta mu glaku nda mbraku tani.

Suna Yuhwana 19:16

« Rveri ta ghəŋa rveriha, Mgham ta ghəŋa mghamha, » ká lu vindaftá hgu ta lguta ni nda ya ta rkufa ni.

Suna Yuhwana 19:6

Ka gi snaŋtá yu ta sana lwi manda lwa tskata mnduha, ta ghudzagata manda zala dagala ma ghwa, ta ŋəzlu manda ŋəzla luwa ta ghudzagata nda mbraku. Kaʼa mantsa: « Zləzlvawa Lazglafta! Mghama mu Lazglafta ta mbruta, tsatsi ta ga Mgham.

Suna Yuhwana 7:12

Ka həŋ mantsa: « Mantsa nzakwa ni! Nda ra Lazglafta mu ka zləzlvay, ka ghubay, nda ɗifil ma ghəŋa ni, nda ra ka rfay, ka vla glaku ŋa ni, da tsatsi mbraku, mbru mbra, ŋa kɗekedzeŋ tsatsi. *Amin! »