1Tim 1:16 - Hdi

¹⁶ Tsaya kəl Lazglafta ka tawatá hiɗahiɗa ta iʼi. Kumaŋ kuma Yesu Kristi ta maravata ma iʼi ta nzakway ka mali mataba gwal dmaku ya, ta glakwa ksa ŋuɗufa ni. Nda nza ka gray ŋa gwal dzaʼa zlghaftá tsatsi, ŋa nzakwa taŋ nda rfu ŋa kɗekedzeŋ.

1Tim 1:16 Iomraidhean Croise

2Rus 33:19

Ndəɓa dzva ni, nda ya ká Lazglafta tsuʼanaftá tawa ni, inda dmakuha ni nda ghwaɗaka skwiha maga tsi, nda vliha ya babaf tsi ta vliha tskal tskala, nda dzagwatá skwa wuyayha Asera, nda tsatsatá skwa wuyayha makəɗ tsi ka hanaganatá ghəŋ ná, nda vivinda ma ɗelewera Huzay.

Sabi 34:8

Gi ka zləmbata Musa zlumbruh ta haɗik, ka tsəlɓata.

Mbsak 23:3

Ka Bilgham nda Balak mantsa: « Slada slada ta vata na pla ghəŋa gha ŋa dray tsuh tsuh na, ta diʼiŋaghutá iʼi, kawayaka skwi dzaʼa sagha sa Yawe da guyaku nda iʼi. Gwaɗa ya dzaʼa sniɗimta tsi dər kinawu nzakwa ni, dzaʼa mna gha mna yu, » kaʼa. Ka laghu tsi ta sana kuɗuŋur dɗay.

Lukwa 15:10

Ka yu ta mnaghunata ná, dzaʼa malaghu mala rfu da duhwalha Lazglafta ta ghəŋa mnda dmaku turtuk ta mbəɗanaftá nzakwa ni, » kaʼa.

Lukwa 23:43

Ka Yesu mantsa: « Kahwathwata ka yu ta mnaghata na, gita u na dzaʼa kawadaga ka nda iʼi ma luwa ɗa, » kaʼa.

Lukwa 7:47

Ka yu ta mnaghata na: Nda pla inda dmakwa na marakw na. Tsaya kəl tsi ka maraŋta ɗvuta ni ta iʼi dagala. Ka kiʼa planata lu ta dmakwa mndu ya, kiʼa ɗvu maraŋ tsa mndu ya guli. »

Yuhwana 20:31

Nana vinda a lu na ná, vinda a vinda lu ŋa zlghafta ghuni kazlay: Yesu ná, *Kristi ya, Zwaŋa Lazglafta ya guli kəʼa. Ka zlghaf zlgha kuni ta tsatsi, dzaʼa mutsay kuni ta hafu nda ma tsatsi.

Yuhwana 3:36

Mndu ta zlghaftá tsa Zwaŋ ya mutsaf mutsa ta hafu. Mndu ta kwalaghutá zlghaftá tsa zwaŋ ya mutsafta a ta tsa hafu ya wa. Ta ghəŋa ɓasa ŋuɗufa Lazglafta yeya ta nzaku ta ghəŋa ni, » kaʼa.

Yuhwana 5:24

« Kahwathwata ka yu ta mnaghunata, mndu ta sna gwaɗa ɗa, ka zlghaftá tsi ta mndu ta ghunigihata, mamu hafu ŋa kɗekedzeŋ ma tsa mndu ya. Haɗ lu dzaʼa tsanaghatá guma ta tsa mndu ya wa. Nda ghada *Pak tsa mndu ya ta mtaku ka laghu da hafu.

Yuhwana 6:37

Inda gwal vliha Da, dzaʼa sagha sa həŋ da iʼi. Haɗ iʼi guli dzaʼa zlaŋtá mndu ya ta sagha da iʼi mabli wa.

Yuhwana 6:40

Wya skwi ta kum Da ɗa, dər wati ma mndu ta nghaŋtá zwaŋ ka zlghaftá tsi, nda mutsa hafa ni ŋa kɗekedzeŋ. Dzaʼa sliʼaganapsliʼa yu baɗu kɗakwa ghəŋa haɗik, » kaʼa.

Yuhwana 6:54

Mndu ta za sluʼuvgha ɗa, ta sa usa ɗa, mamu hafu ŋa kɗekedzeŋ ma tsa mndu ya. Dzaʼa sliʼaganapsliʼa yu ta tsa mndu ya baɗu kɗakwa ghəŋa haɗik.

Slna gwal ghunay 13:39

Ama inda mndu ta zlghaftá Yesu ná, flaʼu vgha ni.

La Ruma 15:4

Tsaw inda skwi ya vindaf lu ma deftera Lazglafta manda ghalya ná, vindaf vinda lu ŋa gunamatá sləməŋ, kada nzakwa mu nda fata ghəŋ ta Lazglafta, ma lɓa ŋuɗuf nda ksa ŋuɗuf ya ta mnamata gwaɗa Lazglafta.

La Ruma 6:23

Manda va tsaya ná, ka ta ga dmaku mndu, nisəla ni ná mtaku ya. Ama skwi ka mbalay ta mutsu lu da Lazglafta ná, hafu ŋa kɗekedzeŋ ya ma ndiʼatá vgha mu nda *Yesu *Kristi Mghama mu.

1Kwa 7:25

Ta ghəŋa gwal kul kluvtá vgha taŋ ya, skwi ta ndanu yu dzaʼa yu mnay, ya snaŋ yu da Mgham *Yesu a wa. Dzaʼa snay kuni ta gwaɗa ɗa kabga mndu ta fə lu ta ghəŋ tida yu.

2Kwa 4:1

Lazglafta ta faŋnamtá tsa slna ya ma zɗakwa ni, tsaya ta kwal ŋni kul rwa malandugu.

Afisus 1:12

kada zləzlva mnduha ta glakwa ni ma aŋni ta faftá ghəŋa ŋni ta Yesu Kristi daga taŋtaŋ ya.

Afisus 1:6

Manda tsaya magata tsi ŋa zləzlvay mu ta glakwa zɗakatahuɗa ni. Katakata vlamata tsi ta zɗakatahuɗa ni ya nda ma slna Zwaŋa ni ɗvu tsi.

Afisus 2:7

Mantsa ya maramaŋta tsi ta zɗakatahuɗa ni nda ma Yesu Kristi, ŋa nghaŋta mnduha dzaʼa yay lu ta kəma ta nzakwa glakwa tsa zɗakatahuɗa ni ta malaghutá inda skwi ya.

2Tes 1:10

Ma saha ni dzaʼa magakwa tsaya, ŋa zləzlvay inda gwal ta zlghafta, ŋa ndərmimay inda taŋ nda ndərmima. Tekw kaghuni mataba taŋ, kabga zlghaf zlgha kaghuni guli ta gwaɗa ya mnaghuna ŋni.

1Tim 1:13

Aŋ mndani, nda nza yu ka mndu si ta pgha rutsak tida ghalya, ka mnda giri ŋa ni, ta balanata, ama ka tawatá Lazglafta ta hiɗahiɗa ta iʼi, kabga ma kwala ɗa kul snaŋta si ta maga yu ta tsa skwiha ya. Si haɗ zlghay nda ŋuɗuf da iʼi wa.

Hebru 7:25

Tsaya guli kəl tsi ka slaghuta ka mnda mbanafta ŋa kɗekedzeŋ ta inda gwal dzaʼa ɓhaku da Lazglafta nda ma tsatsi. Yesu ná, ŋa kɗekedzeŋ nzatá nzakwa ni ka maga duʼa da Lazglafta ta ghəŋa taŋ.

1 Piyer 3:20

Tsa sulkumha ya ná, hahəŋ gwal ta kwalaghutá snanatá gwaɗa Lazglafta ghalya. Aŋ mndani, nzɗavanzɗa Lazglafta ka ksanatá ŋuɗufa ni ma fitika tsay Nuhu ta kwambalu. Ka mbaʼatá mbsaka mnduha hutsekw ma tsa imi ya nda ma tsa kwambalu ya. Tghas yeya həŋ kweŋkweŋ.

2 Piyer 3:15

Havakwahava kazlay: Skwi ya kəl Mgham Yesu ka gərɗaku ná, kabga ŋa mutsafta mnduha ta mbəɗanaftá nzakwa taŋ, ŋa mbanafta ni ta həŋ ya kəʼa. Manda va tsaya vindaghunafta zwaŋama mu Pwal ya ta ɗvu mu guli nda ɗifil ya vlaŋ Lazglafta.

2 Piyer 3:9

Gərɗa a Lazglafta ka maga skwi ya tamaf tsi ta imi ta sləməŋ manda ya ta ndanu sanlaha ya wa. Ama kaghuni nza tsi katək ka kəzlay, kabga va a ta zaɗavaghuta dər wati ma mndu wa. Ta kumay katək ta mutsafta inda mndu ta mbəɗanaftá nzakwa ni.