1Tim 1:14 - Hdi

¹⁴ Ka zɗəɗiŋtá Mghama mu ta huɗi katakata, ka vlihatá zlghay nda ŋuɗuf, nda ɗvu ya ta mutsu lu ma guyatá vgha nda Yesu Kristi.

1Tim 1:14 Iomraidhean Croise

Sabi 34:6

Ka lab Yawe ta kəma Musa. Kaʼa nda lwi dagala dagala mantsa: « Iʼi Yawe! Iʼi Yawe! Lazglafta ta tawa hiɗahiɗa, ta zɗakatahuɗi, haɗ ta ɓasa ŋuɗufa misimmisim wu, dagala zɗaku da tsi, ŋərma ya katakata.

Mata 20:9

Ka lagha tsa gwal ta zlraftá ksa slna beeghwa fitik ya. Ka vlaŋtá lu ta tseda vagha mndu turtuk turtuk ta həŋ.

Slna gwal ghunay 15:11

Nda ma zɗakatahuɗa Mghama mu Yesu *Kristi fatá ghəŋa amu ta mbaku manda va hahəŋ guli, » kaʼa.

La Ruma 16:20

Lazglafta ná, tsatsi ta vla zɗaku, dzaʼa gi huʼanap huʼa ta halaway, ŋa vlaghunata ni ta mbraku ta ghəŋa ni. Ka nza zɗakatahuɗa Mghama mu *Yesu kawadaga nda kaghuni.

1Kwa 15:10

Nda zɗakatahuɗa Lazglafta ná, nda nza yu manda va na nzakwa ɗa na. Nza a tsa zɗakatahuɗa ni ŋa ɗa ya ka skwi bətbət wa. Katək ná, mal iʼi ta magatá slna ka hahəŋ demdem. Nziya nza tsi, iʼi a ta magata wu, tsa zɗakatahuɗa Lazglafta ma iʼi ya ta magata.

1Kwa 3:10

Zɗəɗiŋ zɗa Lazglafta ta huɗi ka thatá yu ta tughwa ni manda vərɗa mnda ba həga, ka lagha sani bay ta ghəŋa ni. Ɗaswa ka mndu dzaʼa bay ta ghəŋa ni tama.

2Kwa 4:15

Inda tsa skwiha ta magaku ya ná, ŋa kata kaghuni nzakwa ni, ŋa sga sliʼadamta mnduha mutsaftá zɗakatahuɗa Lazglafta. Mantsa tama, dzaʼa nda ndəgha mnduha ŋa rfa Lazglafta nda ya ŋa zləzlvay guli.

2Kwa 8:9

Nda sna kaghuni ta zɗakatahuɗa Mgham Yesu *Kristi. Tsatsi ná, galipi ya, ka niŋtá tsi ta ghəŋa ni ka pɗu ŋa naghunaftá kaghuni ka gadghəl nda ma tsa pɗa ni ya.

Galat 1:13

Nda sna kaghuni ta nzakwa ɗa ghalya ma nzakwa ɗa ma dina la *Yahuda. Ma tsa fitik ya ná, si ta gay yu ta iri ŋa Igliza Lazglafta, si ta kumay yu ta zaɗanatá həŋ.

1Tes 1:3

Ta gɗa gɗa ŋni guli ta havakta ta kəma Lazglafta Da ŋni ta slna zlghay nda ŋuɗufa ghuni, nda yifatá slna ta mag kuni, kabga ɗvafta ya ɗvaf kuni nda dihata fatá ghəŋa ghuni ta Mgham *Yesu *Kristi.

1Tes 5:8

Amu ya, gifitik ta mbaɗa amu ta mbaɗa. Zlaha ma vgha mu. Klafma zlghay nda ŋuɗuf nda ɗvu ka nzakwa həŋ manda suɗatá lguta kfur ŋa wara nda tsi. Fafma ghəŋa mu ta mbaku manda fatá takazak ma ghəŋ.

1Tim 2:15

Dər má mantsa tsi, dzaʼa mbanaf mba Lazglafta ta marakw nda ma yay ni ta zwani, ka gɗava gɗa tsi ta ŋavata ma zlghay nda ŋuɗufa ni, nda ɗvutá mndu, nda nzaku nda ghuɓa.

1Tim 4:12

Yaha mndu da hərtətatá nzakwa gha ta ka zwaŋ. Katək ná, nza nza ka ŋa gwal zlghay nda ŋuɗuf, ka mndu ŋa kla saɗa ni ma tva gwaɗa, ma tva nzaku, nda ya ma tva nzaku nda ghuɓa.

1Tim 6:11

Ama kagha mnda Lazglafta, wara ta tsa skwiha ya. Ka zba ka ta tva nzaku tɗukwa, nda tva ndiʼanavatá vgha ta Lazglafta, nda tva zlghay nda ŋuɗuf, nda tva ɗvutá mndu, nda tva ksa ŋuɗuf, nda tva nzaku leɓtekwa guli.

2Tim 1:13

Ka nza kahwathwata gwaɗa ya snaŋ ka da iʼi ka skwi ŋa klay gha ta saɗa ni. Ka nzamta ka ma zlghay nda ŋuɗuf, nda ya ma ɗvu ya vlama Yesu Kristi.

2Tim 2:22

Tsaghu tsa ta vgha nda ghwaɗaka ndanu ya ta kum duhwal ta magay. Zba ta tva maga skwi tɗukwa, nda tva zlghay nda ŋuɗuf, nda tva ɗvu, nda tva zɗaku kawadaga nda gwal nda ghuɓa ŋuɗufa taŋ, ta hga hga Mgham Lazglafta.

Titus 2:2

Ka mna ka ŋa la galata mndu, ka nzata həŋ nda hanatá ghəŋ ka gwal nda ra vla glaku ŋa taŋ, ka gwal nda vərɗa ghunislak da həŋ, nda zlghay nda ŋuɗuf tɗukwa, nda vərɗa ɗvu, ka nzata həŋ ka gwal ksa ŋuɗuf guli.

1 Piyer 1:3

Zləzlvama Lazglafta ta nzakway ka Da ni ma Mghama mu *Yesu *Kristi. Ma glakwa Zɗakwa ni, ka yəglatá tsi ta amu ka vlamata hafu ka lfiɗ ma sliʼaganaptani ta Yesu Kristi mataba gwal nda rwa. Mantsa ya tama, mamu mu nda fata ghəŋ ta nzaku nda hafu ka lfiɗ,

1 Yuhwana 4:10

Tiŋəl Lazglafta ta ɗvutá amu ka ghunagatá tsi ta Zwaŋa ni ka saha da mtuta ŋa pla ghəŋ ŋa plamata Lazglafta ta dmakwa mu. Tsaya na vərɗa ɗvutá mndu, da thə amu kazlay: Tiŋəl amu ta ɗvutá Lazglafta kəʼa.

Suna Yuhwana 22:21

Ka nza zɗakatahuɗa Mgham *Yesu nda kaghuni demdem.