1Tes 5:6 - Hdi

⁶ Ka si mantsa tsi katsi, ma ksu hani ta amu manda ŋa sanlaha ya. Katək ná, nzama nza hzleŋa ndiri ka zlaha vgha mu.

1Tes 5:6 Iomraidhean Croise

Yunusa 1:6

Ka lagha mala tsa gwal ta maga slna ya slanaghata, kaʼa nda tsi mantsa: « Nu ta mag ka hadna na? Ta hana gha kagha ɓa? Sliʼaf sliʼa, waha ta wahu da lazglafta gha, kawayaka skwi dzaʼa havap hava ka amu, ŋa kwala mu rwuta, » kaʼa.

Mata 13:25

Girviɗik, sliʼaghuslia lamndu da vlə hani, ka lagha ghuma ni da sləginistá rira distani ka laghwa ni.

Mata 24:42

Ka si mantsa tsi, nzawa nza hzleŋa, kabga sna a kuni ta tsa fitik dzaʼa kəl mghama ghuni ka sagha ya wa.

Mata 25:13

Ka *Yesu sganaghata mantsa: « Nzawa nza hzleŋa, kabga sna a kuni ta tsa fitik ya, ka ta wati luwa tsi wu, » kaʼa.

Mata 25:5

Ka gərɗatá zwaŋamidzi ka sagha misimmisim. Ka zuŋur hani ta həŋ, ka pslatá hani ta həŋ demdem.

Mata 26:38

Kaʼa nda həŋ tama mantsa: « Tɗatɗa ŋuɗufa ɗa manda skwi dzaʼa dzihata. Nzawa nza hadna, ka nzata kuni ndiri kawadaga nda iʼi, » kaʼa.

Markus 13:37

Manda va na ta mnə yu ŋa ghuni na ná, mantsa ya ta mna yu ŋa inda mnduha kazlay: Hzleŋa ka kuni fata ghəŋ, » kaʼa.

Lukwa 12:37

Rfu da tsa kwalvaha dzaʼa sagha daŋahəga ni həga taŋ slanaghatá həŋ ndiri ya! Kahwathwata ka yu ta mnaghunata, dzaʼa habaf haba ta vgha, ŋa nzanatani ta həŋ ma vla za skwi, ŋa sagha ni vlaŋtá skwa zay ta həŋ.

Lukwa 12:39

« Fawa fa ta sləməŋ ɗina. Ka má nda sna zəʼala həga ta fitik dzaʼa lagha ghali da taŋ katsi, má dzaʼa nza nza ndiri má zlaŋta a ka zlratani ta hga ni wa.

Lukwa 21:36

Hzleŋa ka kuni nzata, ka va maga kuni ta duʼa dər ta wati luwa tsi, kada mutsafta kuni ta ndapta ma inda tsa skwiha dzaʼa magaku ya, ŋa sladata ghuni ta kəma Zwaŋa mndu, » kaʼa.

Lukwa 22:46

« Kabgawu ta kəl kuni ka hani na? Sliʼafwa sliʼa, magawa maga ta duʼa kada kwala kuni ta zləmbuta dzəghaghunar skwi, » kaʼa nda həŋ.

Slna gwal ghunay 20:31

Ka nzata kuni hzleŋa. Havapwa hava kazlay: Hkən vakwa ɗa ta ŋavata nda ima taw ta iri, nda rviɗik tani, nda fitik tani, ta vla hiɗaku ŋa inda kaghuni kəʼa.

1Kwa 15:34

Vraganaghawa vra ta ghəŋa ghuni manda ya ta raku. Ma walaŋ kuni ta maga dmaku, ya sna a sanlaha mataba ghuni ta Lazglafta wa. Aya hula ka iʼi taɗa!

1Kwa 16:13

Nzawa nza hzleŋa, ka dihavata kuni ma zlghay nda ŋuɗuf, yaha kuni da zləŋ, ka mbra kuni ta vgha.

Afisus 2:3

Amu demdem guli, manda tsa nzakwa hahəŋ ya si amu ghalya. Ghwaɗaka skwiha ta kum ŋuɗufa mu, nda ghwaɗaka ndanuha ta ndanu mu, si ta mag mu. Ma tsa nzatá nzakwa mu manda tsaya ná, ma dzaʼa dəɗamdəɗa amu guli da ɓasa ŋuɗufa Lazglafta, ka guram nda va ŋa tsa mnduha ta maga ghwaɗaka skwiha ya.

Afisus 5:14

Ka nda ghada saba skwi ta daɓi katsi ná, gi tsuwaɗak nzakwa ni. Tsaya ta kəl lu ka mnay kazlay: « Kagha mndu ta hani, sliʼaf sliʼa ta hani. Sliʼaf sliʼa mataba gwal nda rwa, ka tsuwaɗakaghafta Kristi » kəʼa ya.

Afisus 6:18

Ma inda tsa skwiha ta mag kuni ya, magawa maga ta duʼa da Lazglafta, ɗawawa ɗawa ta kataghunatani inda fitik manda ya dzaʼa pghə Sulkum nda ghuɓa ta kaghuni. Nzawa nza ndiri, yaha kuni walaŋta zlaŋtá maga duʼa. Magawa duʼa inda fitik ta ghəŋa mnduha Lazglafta.

Filip 4:5

Nda zɗaku ka kuni nzata nda inda mnda səla, ndusa Mgham Yesu ka saha.

Kwalus 4:2

Gɗawa gɗa ta maga duʼa, mantsa ya dzaʼa kəl kuni ka nzata hzleŋa nda rfanaghatá Lazglafta.

1Tes 4:13

Zwana ma ɗa, ta kumay yu ta snaŋta ghuni ta skwi ta ghəŋa gwal nda rwa, da nzatá kuni sasuʼanaka manda gwal ta kul faftá ghəŋa taŋ ta *Yesu.

1Tes 5:10

Ta ghəŋa amu mtuta Yesu, ŋa nzakwa mu kawadaga nda tsi. Dər má ta nda iri mu, dər má nda rwa mu, kawadaga nzatá nzakwa mu nda tsi.

1Tes 5:8

Amu ya, gifitik ta mbaɗa amu ta mbaɗa. Zlaha ma vgha mu. Klafma zlghay nda ŋuɗuf nda ɗvu ka nzakwa həŋ manda suɗatá lguta kfur ŋa wara nda tsi. Fafma ghəŋa mu ta mbaku manda fatá takazak ma ghəŋ.

1Tim 2:15

Dər má mantsa tsi, dzaʼa mbanaf mba Lazglafta ta marakw nda ma yay ni ta zwani, ka gɗava gɗa tsi ta ŋavata ma zlghay nda ŋuɗufa ni, nda ɗvutá mndu, nda nzaku nda ghuɓa.

1Tim 2:9

Ŋa miʼaha ya guli ná, ka nzakwa hahəŋ nda hba vgha manda ya ta raku. Ma laghu həŋ da rka nda ɗatá ghəŋ ya nda bla. Ma laghu həŋ da rka nda dasu, dər nda miziɗikw, dər nda lgut ya nda bla dzva ni a tsi.

1Tim 3:11

Mantsa ya miʼaha ta ksa slna ma səla mnduha guli. Ɗina ka nzakwa taŋ. Haɗ wu ka həŋ ta kuslemberaku, zlahafzlaha ka həŋ ta ghəŋa taŋ, ka ŋərma ni ka həŋ nzakway ma inda skwi.

1Tim 3:2

Ɗina ka nzakwa mali ta ghəŋa Igliz, ka mndu kul haɗ rutsak tida, turtuk ka markwa ni, zlahafzlaha katsi ta ghəŋa ni, ta ndanay katsi ta ndanu tɗukwa, ɗina ka nzakwa ni, ta tsuʼay katsi ta mayəm ga taŋ, nda sna katsi ta taghanaftá skwi ta mndu,

2Tim 4:5

Ama kagha ya, gɗava gɗa gha ma ghunislaka gha, suʼa ta ghuya ɗaŋwa, magatá kahwathwata slna mndu ta mna *Lfiɗa Gwaɗa. Kɗanafkɗa ta slna nzakwa gha ka mnda maganatá slna ta Lazglafta.

Titus 2:12

Tsa zɗakatahuɗi vlama Lazglafta ya, ta taghamatá kwal kul mbəɗglanatá hul, ŋa kwal kul maməgəltá skwa ghəŋa haɗik, ŋa nzay mu ta nzakwa mu ma na ghəŋa haɗik na nda hanatá ghəŋ, nda maga skwi tɗukwa, nda sna gwaɗa Lazglafta,

Titus 2:6

Ka mnanata ka ta zwana duhwalha guli, ka hananata həŋ ta həŋ

1 Piyer 1:13

Tsaya tama, payavawa paya ŋa ksa slna, nzawa nza nda fata ghəŋ hzleŋa. Fafwa fa ta ndana ghuni ta zɗakatahuɗi ya dzaʼa vlaghunata lu baɗu zlagapta *Yesu *Kristi.

1 Piyer 4:7

Ndusak ndusa kɗavakta fitika inda skwi. Nzawa nza hzleŋa nda ɗifil ma ghəŋ, ŋa ŋavata ghuni ma maga duʼa.

1 Piyer 5:8

Nzawa nza hzleŋa nda ɗifil, kabga ta pgha buɗukwa ghuma ghuni halaway manda rveri ta hurgu ta zba skwi ŋa dughwaɗuta ni.

Suna Yuhwana 16:15

« Wya yu ta lagha manda ghali. Rfu da mndu ya ta nzata hzleŋa, ta ngha lguta ni da mbaɗ tsi ta mbaɗa ka fərdiʼu, da ksutá tsi ka hula da mnduha, » ka Mgham.

Suna Yuhwana 3:2

Sliʼavaksliʼa, mbra ta gwal ta nda hafu ma həŋ sləʼef sləʼefa makəɗ həŋ da kɗivta. Ta nghə yu ta slna gha ta kəma Lazglafta ɗa ná, kɗanak a ka wa.