1Tes 5:3 - Hdi

³ Ma fitika mnay mnduha kazlay: Zɗa nzaku, ta haɗ hwazlaɓaku wu kəʼa ya, gi ma tsaya dzaʼa slakwa ɓadzaku, manda va ya ta sagha fitika dgakwa marakw nda huɗi dluk ya. Haɗ həŋ dzaʼa ndapta mida wa.

1Tes 5:3 Iomraidhean Croise

Mata 23:33

Nahaɗikha! Mndəra la mupuha! Haɗ wa ghuni ŋa ndapta ma tsa guma nda vu ya wa.

Yuhwana 16:21

Ka sagha sa fitika dgakwa marakw ná, ta ghuyay ta ɗaŋwa ta ɓasay. Na gi yata ni ta tsa zwaŋ ya, gi zanapta ni ta tsa ghuya ɗaŋwa ni ya. Ta rfay ta rfu katakata, kabga nghaŋta ni ta mnda səla ta saha ta ghəŋa haɗik.

Slna gwal ghunay 13:41

“Kaghuni gwal ta mna mbrəs nda Lazglafta, nghawa ngha, ndərmima wa ndərmima, ka zwaɗutá kuni, kabga dzaʼa magay yu ta fitika ghuni ta mandərmimi, ya dər ma kinawu rusaghunafta lu ná, grafta a kuni ɗekɗek wu kəʼa ya”. »

Vrafta ta zlahu 29:19

Tsuʼafta a Yawe ta plinistá dmakwa ni wa. Katək ná, dzaʼa gufaf gufa ŋuɗufa Yawe nda draku ta ghəŋa tsa mndu ya, ŋa ndiʼafta ksiʼi nda vinda ma na defteri na tida, ŋa hərɗiŋta Yawe ta hga ni ta ghəŋa haɗik.

2Tes 1:9

Tsa ghuzla iri dzaʼa ghuzlanapta lu ta həŋ ya ná, tsaya zaɗanatá həŋ dzaʼa zaɗanata lu diʼiŋ nda wa ira Mgham Yesu, nda glakwa mbrakwa ni tani.

Hebru 12:23

Gavadagha ta vata guyatá vgha mnduha Lazglafta ta nzakway ka zumaliha vindam lu ta hga taŋ ma defteri ta luwa kuni. Gavadagha ta vata mnda tsa guma ta ghəŋa inda mnduha demdem ta nzakway ka Lazglafta kuni, nda ya ta vata sulkuma mnduha tɗukwa, gwal ta kɗanakta ya kuni.

Hebru 2:3

Ka si mantsa ya tsi, waká amu dzaʼa ndapta ma tsa guma ya, ka si kwalaghu kwala mu ta tsa glakwa glakwa mbaku ya tama? Wya tiŋəl Mgham *Yesu ta mna tsa gwaɗa ta mbaku ya tama, ka sgamaghatá gwal ta snaŋtá tsa gwaɗa ya guli kazlay: Kahwathwata tsa gwaɗa ya kəʼa.

2 Piyer 2:4

Dər tsa duhwalha Lazglafta ta ga ta dmaku ghalya ya ná, zlana a Lazglafta ta həŋ mantsa wa. Ama ka pghaghatá tsi ta həŋ da duda vu, ka tsamtá həŋ nda ziɗa ma grum, ka kəzla fitika guma.

Gwal tsa guma 8:11

Ka laf Gidghuŋ nda ta tva gwal ngha rini nda təv safa fitik ma Nuva nda Yugbuha, ka pslatá tsi ta gwal vula la Midyaŋ, kabga si nda ɗifa ɗifa ŋni ka tsaha ya sizlay.