1Tes 4:3 - Hdi

³ Skwi ya kum Lazglafta ná, nzata ghuni hezleʼ a ta kəma ni kul haɗ hliri.

1Tes 4:3 Iomraidhean Croise

La Levi 15:18

Ka hana hana mndu nda marakw, dzaʼa mbazaghu mbaza həŋ ta mbaza. Dzaʼa nza nza həŋ ka gwal ta tsaɗ lu ha ga hawu. »

Mata 12:50

Dər wati ma mndu ta maga skwi ya kumaŋ Da ɗa ta nzakway ta luwa ná, tsa mndu ya ta nzakway ka zwaŋama ɗa, nda makuma ɗa, nda ma ɗa, » kaʼa.

Mata 15:19

Tazlay ná, ma ŋuɗufa mndu ta sliʼagapta ghwaɗaka ndanuha manda: Psla mndu, hliri, sliʼiŋsliʼiŋ, ghali, tsanavata gwaɗa ta mndu, vza rutsak ta mndu.

Mata 5:32

Ama ka iʼi ta mnaghunata na: Ka ghəzliŋ ghəzla mndu ta markwa taŋ, ka ta ghəŋa hliri a tsi wu katsi, fam fa ta tsa marakw ya da hliri. Ka klaf kla mndu ta marakw ghəzliŋ lu guli, hliri ta hlə tsa mndu ya, » kaʼa.

Mata 7:21

« Inda gwal ta mnay kazlay: Mghama ɗa, Mghama ɗa! kəʼa a dzaʼa lami da ga mghama ɗa wa. Ba mndu ya ta maga skwi ta kum Da ɗa ta nzakway ta luwa kweŋkweŋ dzaʼa lami.

Markus 3:35

kabga inda mndu ta maga skwi manda ya ta kum Lazglafta, tsaya zwaŋama ɗa, tsaya makuma ɗa, tsaya ma ɗa, » kaʼa.

Yuhwana 4:34

Ka Yesu nda həŋ mantsa: « Maga skwi ta zɗəganatá mndu ya ta ghunigihata ka kɗinistá slna ni, skwa zaya ɗa.

Yuhwana 7:17

Ka fa fa mndu ta ghəŋa ni ka maga skwi ta kum Lazglafta, dzaʼa nda sna ka ta sagha da Lazglafta na skwi ta tagh yu na tsi, ka ta klaʼata ma ghəŋa ɗa a yu.

Slna gwal ghunay 15:20

Skwi ŋa vindanaftá həŋ na: Zlaŋta taŋ ta wuya skwi, nda hliri, nda za skwi ɓərtá lu nda ɓərta, nda za us, kabga

Slna gwal ghunay 15:29

Yaha kuni za sluʼa skwa wuyay, yaha kuni za us, yaha kuni da za sluʼa skwi ɓərta lu nda ɓərta, yaha kuni hliri. Ka zlaŋ zla kuni ta maga tsa skwiha ya katsi ná, maga maga kuni ta skwi ɗina. Ləŋləŋ ka kuni nzata, » ka həŋ.

Slna gwal ghunay 20:32

« Ndana tama, ma dzva Lazglafta nda gwaɗa ta zɗakatahuɗa ni tani ta famta yu ta kaghuni. Tsa gwaɗa ya dzaʼa ŋla kaghuni, ŋa zay ghuni ta həga kawadaga nda inda gwal nda ghuɓa.

Slna gwal ghunay 26:18

Ŋa gwananata gha ta iri ta həŋ, Ŋa sliʼagapta taŋ ma grusl ka lam da tsuwaɗak, ŋa kwala halaway ka gəgəlta mgham ta ghəŋa taŋ. Lazglafta ta dzaʼa ga mgham ta ghəŋa taŋ. Mantsa ya dzaʼa kəl həŋ ka mutsafta planata dmakwa taŋ, ŋa mutsafta taŋ ta vla nzaku kawadaga nda gwal ta zlghaftá Lazglafta,” » kaʼa.

La Ruma 1:29

Ndəghundəgha ghwaɗaka skwiha kavghakavgha ta mag həŋ: Ta ŋaslu həŋ, ta tsagana həŋ, ta sidi həŋ, ta draku həŋ, ta psla mndu həŋ, ta zlərɗa wi həŋ, ta tsaghutá mndu həŋ, ka matsaŋwaslay həŋ, ta tsa mndəra mndu həŋ,

La Ruma 12:2

Ma ksə kuni ta saɗa mnduha ma na ghəŋa haɗik na, zlaŋwa Lazglafta ka mbəɗaghunafta tsi ta ndana ghuni ka lfiɗ, kada laviŋta kuni ta tsatsaftá skwi ta kum Lazglafta, skwi ya ta ɗinuta, ta zɗəganata, ta payuta.

La Ruma 6:22

Ndana tama guli ná, pligighunispla lu ma dmaku ka nutá kuni ka kwalva Lazglafta ka mutsaftá kuni ta nzata nda ghuɓa ma nzakwa ghuni, ŋa mutsay ghuni ta hafu ŋa kɗekedzeŋ ma kɗavakta ni.

1Kwa 1:30

Lazglafta ta ndiʼaghunaftá nda Yesu Kristi, ka famatá tsi ta Yesu Kristi ka mnda vlamatá ɗifil. Nda ma Yesu namafta Lazglafta ka mndu tɗukwa ta wa ira ni, ka fatá amu ka mnduha ni, ka varagaptá tsi ta amu ma dmaku.

1Kwa 7:2

Tsaw tama ná, ŋa wara hliri ná, ɗina ka klafta mndu ta marakw, ta dzaʼa marakw guli da zəʼal.

2Kwa 12:21

Sana skwi ta zləŋ yu ma tsa lab dzaʼa lab yu da kaghuni ya guli ná, duŋwa yu da nzata ma hula ta kaghuni, ta kəma Lazglafta ɗa ná, ka yu. Zləŋa ɗa ná, da slanaghatá yu ta gwal ta maga dmaku manda va ya snu həŋ ta kwalaghutá paya tva taŋ ta ghəŋa hliri ta hlə həŋ, nda maga sliʼiŋsliʼiŋ ta mag həŋ, nda sanlaha ma mndərga tsa ghwaɗaka skwiha ya.

Galat 5:19

Ma ɗifa a skwiha zɗəgana magay ta sluʼuvgha wu, wya həŋ: Maga sliʼiŋsliʼiŋ, hliri, maga skwa hula,

Afisus 5:17

Tsaya tama ná, ma nza kuni manda la rgha, ŋavawa ŋa ka sna skwi ta mnaghunata Mgham ŋa magay ghuni.

Afisus 6:6

Ta wa ira taŋ kweŋkweŋ yeya a dzaʼa maga kuni manda gwal ta zba rfanaghata mnduha ta həŋ wa. Magawa maga ta inda slna ghuni nda ŋuɗuf turtuk manda ya ta kum Lazglafta, kabga kwalva Kristi kaghuni.

Kwalus 1:9

Tsaya tama, manda kɗakwa ŋni ta snaŋtá gwaɗa ta kaghuni, zlana a ŋni ta maga duʼa ta ghəŋa kaghuni, ŋa ndəghaghunaftani nda hiɗaku, nda ɗifil ya ta vlə Sulkum wa. Tsaya dzaʼa kəl kuni ka snaŋta ta skwi ya ta kum tsatsi,

Kwalus 3:5

Zaɗanawa zaɗa ta ŋa ghəŋa haɗik ma kaghuni ta nzakway ka: Sliʼiŋ sliʼiŋ, ghurduɓaku, hliri, haraʼutiri, tsagana, ka guram tsa tsagana ya nda wya skwi.

Kwalus 4:12

Ta ga zgu Ipafras ta nzakway ka mnda ghuni ya, ŋa ghuni guli. Kwalva Yesu Kristi ya. Haɗ ta zlaŋtá maga duʼa da Lazglafta ta ghəŋa kaghuni wa. Ta magay ta duʼa ŋa dihavata ghuni, ŋa sifaghunafta ta tva Lazglafta.

1Tes 4:2

Nda sna kuni ta nzaku ya taghaghunaf ŋni nda ma mbrakwa Mghama mu Yesu.

1Tes 4:4

Snaŋta dər wa ta nzaku nda markwa taŋ, ka vlaŋtá glaku manda ya ta kum Lazglafta,

1Tes 5:18

Rfanaghawa Lazglafta dər ta ghəŋa wati ma skwi tsi, kabga tsaya skwi ŋa magay ghuni ta zɗəganatá Lazglafta, na tsa kaghuni gwal nda ndiʼa nda *Yesu *Kristi ya.

1Tes 5:23

Ka ghuɓaghunaghuɓa Lazglafta ya ta vlatá zɗaku ka ghəŋa ni, ka naghunaftá tsi ka ŋa ni dardar. Ka ngha tsatsi ta kaghuni tsuh tsuh, nda sulkuma ghuni tani, nda hafa ghuni tani, nda sluʼuvgha ghuni tani. Tsaya dzaʼa kwal rutsak kul nzafta ta kaghuni ma fitika sagha Mghama mu Yesu Kristi.

2Tes 2:13

Aŋni, nda ra ka rfay ŋni ta Lazglafta ta ghəŋa kaghuni zwana ma. Ɗvu ɗva Mgham *Yesu ta kaghuni kabga Lazglafta ta zbaptá kaghuni daga ta taŋtaŋ, ŋa mbaghunafta nda ma slna Sulkum, ka faghutá kaghuni nda ghuɓa, ma zlghafta ghuni nda ŋuɗufa ghuni ta tsa kahwathwata ya.

Titus 2:14

ta vlatá ghəŋa ni ka mtuta ma vla mu ŋa varagamapta ma dmakwa mu, ŋa nzakwa mu ka gwal nda ghuɓa ta kəma ni, kada nuta mu ka mnduha ni ta mama maga ŋərma slnaha inda fitik.

Hebru 10:36

Skwi ya ta raghunata ná, nzata ghuni nda suʼay, ka maga skwi ya ta zɗəganatá Lazglafta, ŋa vlaghunata ni ta skwi ya taghunaf tsi ta imi ta sləməŋ.

Hebru 12:16

Ɗasuwa ka kuni, yaha gwal ta hliri nzakway mataba ghuni. Yaha mndu dər turtuk mataba ghuni da vziŋtá skwi ta nzakway ka ŋa Lazglafta, manda Ghesav ta skwaptá mamali mala ni nda skwa zay kweŋkweŋ ya.

Hebru 13:21

Ka vlaghuna vla Lazglafta ta mbrakwa maga inda skwi ɗina, ŋa magay ghuni ta skwi ya ta kum tsi. Ka maga tsi ma amu ta skwi ya ta zɗəganata nda ma Yesu *Kristi ta nzakway ŋa ni glaku ŋa kɗekedzeŋ ya. *Amin!

Hebru 13:4

Inda kaghuni demdem, vlaŋwa vla ta sgit ta kluvtá vgha, yaha marakw dər zəʼal da hliri, kabga dzaʼa tsay Lazglafta ta guma ta ghəŋa gwal ta maga sliʼiŋsliʼiŋ, nda gwal ta hliri tani.

1 Piyer 1:2

Lazglafta ta nzakway ka Da ta zabaptá kaghuni manda va ya ghada tsi ta payafta. Ka faghutá tsi ta kaghuni ka ŋa ni nda ma Sulkuma ni nda ghuɓa, ŋa nzakwa ghuni ka gwal ta snanatá gwaɗa Yesu Kristi, ŋa wutsikaghunaftá usa ni ka ghuɓighunista nda tsi. Ka vlaghuna vla Lazglafta ta zɗakatahuɗa ni nda zɗakwa ni tani katakata.

1 Piyer 4:2

Ma na pɗakwa fitik ŋa zay ghuni nda hafu ta na ghəŋa haɗik na ná, nzawa nza ta nzaku manda ya ta zɗəganatá Lazglafta, manda ya ta haraʼu sluʼuvgha ya a wa.

1 Yuhwana 2:17

Ɗina ka snaŋta kaghuni kazlay: Ta kɗakukɗaku nana ghəŋa haɗik na kəʼa. Inda na skwiha ta mamə mnduha na guli ná, dzaʼa kɗu kɗa. Mndu ta maga skwi ta kum Lazglafta ya ná, tsaya mndu dzaʼa nzata nda hafu ŋa kɗekedzeŋ.

Suna Yuhwana 21:8

Ama gwal ta yaɗi, nda gwal ta mbrəs, nda gwal ta maga manzakɗaway skwiha, nda gwal ta pslatá mndu, nda gwal ta maga sliʼiŋsliʼiŋ, nda gwal ta mbaɗaku, nda gwal ta wuya skwi, nda inda gwal ta tsakalawi ya, da duda vu ghandand dzaʼa pghaghata lu ta həŋ. Tsaya ta nzakway ka mahisa mtaku, » kaʼa.

Suna Yuhwana 22:15

Ama gwal ta nzakway ta magaku manda kriha, nda gwal ta mbəɗaku, nda gwal ta maga sliʼiŋsliʼiŋ, nda gwal ta pslatá mndu, nda gwal wya skwi, nda inda gwal zɗəgana tsakalawi, ta tsakalay həŋ guli ya, mabli dzaʼa zlanata lu ta tsaha ya.