1Tes 4:16 - Hdi

¹⁶ Baɗu tsaya, dzaʼa ghudzaga ghudzaga lwa Lazglafta, ŋa kapaŋta mali ta ghəŋa duhwalha ni ta lwi, ka vyatá dula Lazglafta, ŋa saha Mghama mu Yesu ka ghəŋa ni ta luwa, ŋa sliʼagapta gwal nda rwa ma *Kristi karaku taŋtaŋ,

1Tes 4:16 Iomraidhean Croise

Sabi 19:16

Ga sərɗək baɗ mahkəna fitik, ta tsa ghwá ya ná, ka ŋəzlatá luwa, nda wuɗa luwa, nda kusay tɗik katakata, nda lwa duli nda mbraku katakata. Ka ghudzaku inda gwal ma ghuɓu ta ghudzaku da zləŋ.

Sabi 20:18

Ta snay inda la Israʼila ta tsa ŋəzla luwa, nda ghudzaga duli ya. Ta nghay həŋ ta wuɗa luwa guli, nda kuɗumbulatá tsa ghwá ya ka ɗiŋ. Na nghay taŋ ta tsa skwiha ya, ka ghudzaku həŋ ta ghudzaku da zləŋ, ka nzaktá həŋ kətsaʼu diʼiŋ.

Mbsak 23:21

Nghaŋta a lu ta zləmnda da la Yakubu wu, nghaŋta a lu ta ghuya ɗaŋwa da la Israʼila wa. Kawadaga Yawe, Lazglafta taŋ nda həŋ. Ga taŋ ta ghudzaga ndəɓa dzva ga mgham.

Mata 16:27

Wya dzaʼa sasa *Zwaŋa mndu kawadaga nda duhwalha ni ma glakwa Da ni, ŋa dganafta ni ta nisəla inda mndu taɓta magatá slna ni ma mndu.

Mata 16:28

Kahwathwata ka yu ta mnaghunata ná, haɗ sanlaha mataba na gwal hadna na dzaʼa rwuta kul nghaŋtá həŋ ta sagha Zwaŋa mndu ma ga mghama ni wa. »

Mata 25:31

« Baɗu sagha dzaʼa sagha *Zwaŋa mndu ma glakwa ni kawadaga nda inda duhwalha Lazglafta ná, dzaʼa nzaf nza ta dughurukwa glakwa ni.

Mata 26:64

Ka Yesu nda tsi mantsa: « Manda va ya mna kagha nda wa gha. Ka yu ta sgaghunaghata ta ghəŋa ni ná, daga ndanana, dzaʼa nda ngha kuni ta *Zwaŋa mndu ta nzaku nda ga zeghwa Lazglafta ta mbruta, dzaʼa nda ngha kuni ta saha ni ma kusay ta luwa guli, » kaʼa.

Slna gwal ghunay 1:11

Ka həŋ nda həŋ mantsa: « Mnduha la Galili, kabgawu ta kəl kuni ka pgha iri ta luwa na? Tsa Yesu klap lu mataba ghuni, ka klaghata ta luwa ya ná, dzaʼa vraga vra manda va tsa nghay nghə kuni ta sliʼa ni ta luwa ya, » ka həŋ.

1Kwa 15:18

Ka mantsa ya tsi guli, gwal ta rwuta ma Kristi ná, nda zaɗa həŋ.

1Kwa 15:20

Na ŋa kahwathwata ná, sliʼagap sliʼa Kristi mataba gwal nda rwa, tsatsi taŋtaŋa mndu ta sliʼagapta. Tsaya ta maraŋta kazlay: Dzaʼa sliʼagap sliʼa gwal nda rwa guli kəʼa.

1Kwa 15:23

Nda fitika ni nda fitika ni ta magakwa tsa fitika sliʼagapta ya. Kristi taŋtaŋa ni, ŋa sagha fitika ŋa gwal ta nzakway ka ŋa Kristi baɗu sagha dzaʼa sagha tsi.

1Tes 1:10

ŋa kəzla zwaŋa ni Yesu, ta saha ta luwa. Tsa zwaŋa ni sliʼaganap Lazglafta ma mtaku, ta klaptá amu ma guma Lazglafta ta sagha ya.

1Tes 3:11

Má ka ɓhadaŋnaghaɓha Lazglafta tsatsi ka ghəŋa ni ta nzakway ka Da mu, nda Mghama mu Yesu, da kaghuni.

2Tes 1:7

Ma zlagapta dzaʼa zlagapta Mgham *Yesu *Kristi ná, dzaʼa vlaghuna vla ta mbiʼa vgha ta kaghuni ta ghuytá ɗaŋwa ya, nda aŋni tani. Ta luwa dzaʼa saha tsi kawadaga nda duhwalha Lazglafta gwal nda mbra ya.

2Tes 2:1

Zwana ma ɗa, ta kumay ŋni ta mnaghunatá gwaɗa ta fitika sagha dzaʼa sagha Mghama mu Yesu Kristi, nda gwaɗa ta fitika tskavata dzaʼa tskavata mu ta kəma ni ya. Wya skwi ta ndəɓu ŋni ta dzvu da kaghuni:

2 Piyer 3:10

Nduk nda tsaya tani ná, dzaʼa sagha manda ghali tsa fitika Mgham Yesu ya. Ma tsa fitik ya dzaʼa nda sna lu ta ghudzagata skwi nda mbraku, ŋa zwaɗuta luwa gi rək. Ŋa driŋta vu ta inda skwi ta luwa, ŋa zwaɗuta ghəŋa haɗik nda inda skwi mida tani.

Yuda 1:9

Dər *Misel mali mataba duhwalha Lazglafta má, walaŋ a ta razanaftá halaway baɗu zlərɗay taŋ ta wi ta ghəŋa mbla Musa wa. Skwi mnana tsi kweŋkweŋ ná, « Ka dvagha dva Lazglafta, » kaʼa,

Suna Yuhwana 1:10

Ma sana fitik baɗu Dəmas, ka ksuta Sulkum nda ghuɓa ta iʼi. Ka snaŋta yu ta lwi ta gwaɗata nda lwi dagala manda ghudzaga duli nda ga mahulhula ɗa.

Suna Yuhwana 1:7

Wya tsi dzaʼa sagha ma ghwayak. Dzaʼa nda ngha inda mnduha nda ira taŋ, nduk nda tsa gwal ta dzata ya tani. Dzaʼa taway inda mndəra mndu ta taw ta ghəŋa ni. Manda va tsaya dzaʼa nzakwa tsi. Amin!

Suna Yuhwana 14:13

Ka snaŋtá yu ta sana lwi ta gwaɗagata ta luwa. Kaʼa mantsa: « Vinda! Daga ndana ná, “Rfu da gwal ta rwuta ma slna Lazglafta,” kaʼa. “Mantsa nzakwa ni, kada mbiʼa həŋ ta vgha ma slnaha taŋ, kabga ta dzaʼa mista taŋ slnaha taŋ,” » ka Sulkum.

Suna Yuhwana 8:13

Tata nghay nghay yu, ka snə yu ta dzala ta zaghuta da ghuvaŋata luwa, kaʼa mantsa: « Ɗaŋwa! Ɗaŋwa! Ɗaŋwa ŋa mnduha ta ghəŋa haɗik ghudzagar vyata duhwalha Lazglafta hkən ta dula taŋ, dzaʼa vyata həŋ ya, » kaʼa.

Suna Yuhwana 8:2

Ka nghə yu ta duhwalha Lazglafta ndəfáŋ ta sladu ta kəma ni. Ka vlaŋta lu ta duliha ndəfáŋ guli ta həŋ.