1Tes 2:4 - Hdi

⁴ Katək ná, manda va ya klaf Lazglafta ta aŋni kazlay: Nda ra kuni ka mna Lfiɗa Gwaɗa kəʼa ka vlaŋnata ya, manda va tsaya ta mna aŋni. Mna a aŋni ŋa zɗanaftá ŋuɗuf ta mnduha wu, ŋa zɗanaftá ŋuɗuf ta Lazglafta ta mna aŋni. Nda sna tsatsi ta skwi ma ŋuɗufa mu.

1Tes 2:4 Iomraidhean Croise

1Mgh 8:39

snaga sna daga ta luwa nda gaftək, daga ma vla nzakwa gha, ka planata ka ta dmakuha taŋ. Maga, ka vlaŋta ka ta dər wati ma mndu taɓta mbaɗa ni, ya nda sna kagha ta ŋuɗufa inda mndu ya. Mantsa nzakwa ni, kagha turtukwa gha nda sna ta ŋuɗufa mnda səla demdem,

2Mgh 16:16

Ka magatá Uriya, mnda dra skwi ŋa Lazglafta ta inda tsa skwiha mnanaf mgham Ahaz ya.

1Rus 29:17

Nda sna yu, Lazglafta ɗa kazlay na ta nghadam ngha kagha ta ŋuɗufa mndu, zɗəgagha zɗa mndu ta nzakw tɗukwa kəʼa. Guli ná, magaghaf maga yu ta na mbəhu nda ɗvay na, nda ŋuɗuf tɗukwa. Ta nghay yu ndanana nda rfu ta mnduha gha hadna ta vla mbəhu ŋa gha nda ɗvay taŋ.

Mbsak 27:16

« Ka zɗəgana zɗa tsi ta Yawe, Lazglafta ta ŋanatá hafa inda skwi ta hafu, zbaf zba ta mndu ka ghəŋ ta ghəŋa guyatá ghəŋ,

Lukwa 12:42

« Wa na mndu tɗukwa nda mahizl ma ghəŋa ni na na? Tsaya a mndu dzaʼa daŋahəga ni həga ni mnay ŋa ni: “Ta vlagha vla yu ta slna, ka vla ka ta skwa zay ŋa gwal ta magihatá slna nda fitika ni,” kaʼa ya ra.

Lukwa 16:11

Ka laviŋ a kuni ta ŋanatá ghwaɗaka skwa gadghəla na ghəŋa haɗik na wu katsi, wa dzaʼa mnay kazlay: Zlgha ta vərɗa skwa gadghəl kəʼa?

Yuhwana 21:17

« Simuŋ zwaŋa Yuhwana! Ta ɗvay ka ta iʼi? » kaʼa nda tsi ka mahkən. Ka kuzlanaftá tsi ta Piyer ta ŋuɗuf na tsa ɗaway Yesu ka mahkən kazlay: Ta ɗvay ka ta iʼi ra kəʼa ya. « Mghama ɗa, nda sna kagha ta inda skwi, nda sna kagha guli kazlay: Ta ɗvay yu ta kagha kəʼa, » kaʼa nda tsi. « Ka ngha ka ta tuwakha ɗa, » ka Yesu nda tsi.

La Ruma 8:27

Lazglafta ná, nda sna tsatsi ta kɗavakta skwi ma ŋuɗufa mndu. Nda sna ta skwi ta kum Sulkum ta ɗaway, kabga manda ya ta kum Lazglafta ta ɗawa Sulkum da tsi ta skwi ŋa gwal ta nzakway ka ŋa ni.

1Kwa 7:25

Ta ghəŋa gwal kul kluvtá vgha taŋ ya, skwi ta ndanu yu dzaʼa yu mnay, ya snaŋ yu da Mgham *Yesu a wa. Dzaʼa snay kuni ta gwaɗa ɗa kabga mndu ta fə lu ta ghəŋ tida yu.

1Kwa 9:17

Ka má iʼi ta kuratá magay katsi ná, ma dzaʼa play lu ŋa ɗa. Tsaw iʼi a ta kurata wu, ta magay yu kabga tkweʼ faɗighata lu ta magay.

2Kwa 2:17

Aŋni ná, nza a aŋni manda hamata sanlaha ta za huɗa taŋ ta gwaɗa Lazglafta wa. Lazglafta ta ghunaftá aŋni, kahwathwata ta mnə aŋni ma Kristi ta kəma Lazglafta.

2Kwa 4:2

Haɗ ta ŋana vgha nda ghwaɗaka skwiha ta mag lu ma ɗifa ma ɗifa, ta pgha hula ŋa mndu wa. Nana a aŋni ta mndu wu, haɗ aŋni ta mbaɗanaftá gwaɗa Lazglafta wa. Katək ná, kahwathwata ni ŋa aŋni ta mnigiŋta baŋluwa. Mantsa ya dzaʼa kəl inda mndu ka ɗasla kahwathwata ŋni ma ŋuɗufa ni ta kəma Lazglafta.

2Kwa 5:11

Ya wya nda sna amu ta skwi ta hgə lu ka zləŋa Mgham *Yesu ya, tsaya ta kəl aŋni ka ŋavata ka kasaktá ghəŋa mnduha. Nda sna Lazglafta ta aŋni dar, ta grafta aŋni guli ná, nda sna kaghuni ma ŋuɗufa ghuni ta aŋni.

2Kwa 5:16

Ndanana tama ná, nghəgla a amu ta mndu manda hamata mnda səla wa. Dər má manda hamata mnda səla si ta ngha mu ta Kristi mndani ná, ndanana tama, nghəgla a amu manda tsaya wa.

Galat 1:10

Va ni tama ná, ka zɗəganata yu ta mnduha ka yu ta kəl yu ka mnay manda nana re, ari ka zɗəganata yu ta Lazglafta a na? Zɗəganata ɗa ta mnduha ta psə yu ra? Ka zɗəganata ɗa ta mnduha ta psə yu katsi ná, nza a yu ka mnda ksanatá slna ta Kristi nda tsa wa.

Galat 2:7

Nziya nza tsi ná, graf gra hahəŋ kazlay: Vliha vla Lazglafta ta slna dzaʼa mna Lfiɗa Gwaɗa ŋa gwal kul nzakway ka la Yahuda, manda va ya mnana tsi ta *Piyer ŋa dzaʼa da mnay ŋa la Yahuda ya kəʼa.

Afisus 3:8

Mal iʼi htata ni mataba mnduha Lazglafta mndani, kulam nda va tsa, ka zɗaŋtá tsi ta huɗi ka vlihatá tsa slna mnanaŋtá gwal kul nzakway ka la Yahuda ya, ta tsa zɗaku ta mutsu lu da Kristi ya. Tsa zɗaku ya ná, dagala katakata, laviŋ a mnduha ta kɗanaktá snaŋta wa.

Afisus 6:6

Ta wa ira taŋ kweŋkweŋ yeya a dzaʼa maga kuni manda gwal ta zba rfanaghata mnduha ta həŋ wa. Magawa maga ta inda slna ghuni nda ŋuɗuf turtuk manda ya ta kum Lazglafta, kabga kwalva Kristi kaghuni.

Kwalus 3:22

Kwalvaha, snawa gwaɗa ma inda skwi da daŋahəga ni həga ghuni ta na ghəŋa haɗik na. Ta wa ira taŋ yeya a dzaʼa maga kuni ta skwi ɗina manda skwi ŋa zɗəganata ghuni ta həŋ wa. Magawa maga ŋa taŋ nda vərɗa ŋuɗufa ghuni, kabga zləŋafta ghuni ta Mgham Yesu.

1Tim 6:20

Timute ɗa, ɗasuwa ka ka ŋanatá skwi ya fagham Lazglafta ma dzvu. Ma fam ka ta wa gha da gwaɗaha ka bətbət kul gra vgha nda zlghay nda ŋuɗuf, nda tagha skwi ya ta mnə lu kazlay: Snaŋtá skwi kəʼa ya, tsaw tsakalawi ya.

2Tim 1:14

Ŋana ŋa ta ŋərma tagha skwi ya fagham lu ma dzvu, nda mbrakwa Sulkum nda ghuɓa, ya ta nzaku ma amu ya.

2Tim 2:2

Skwi ya snaŋ ka da iʼi ta kəma ndəghata masləmtsəkha ya, taghanaf tagha ta ŋərma mnduha ta laviŋtá taghanaftá sanlaha guli.

Titus 1:3

Ka kligiŋtá Lazglafta ta gwaɗa ni ŋa mnduha ma fitik ya kumaŋ tsi nda ma mna gwaɗa ni. Tsatsi Lazglafta mnda mba mndu ta ghunaftá iʼi ŋa magay.

Hebru 4:13

Haɗ sana skwi ta ɗifaghuta ta wa ira Lazglafta wa. Nziɗiɗ həŋ demdem ta wa ira ni. Nda ngha ira ni ta inda skwi demdem. Dzaʼa mnay mu ta inda skwi ta kəma ni.

1 Piyer 4:11

Ka vlaŋ vla Lazglafta ta mbrakwa gwaɗa ta mndu katsi, ka mna tsi ta skwi mnana Lazglafta. Mndu ya vlaŋ Lazglafta ta mbrakwa maganatá slna ta mndu guli, ka maga tsi nda mbraku ya vlaŋ Lazglafta. Magawa maga mantsa ya ŋa zləzlvay mnduha ta Lazglafta ma inda skwi, kabga Yesu Kristi. Ŋa ni glaku, nda mbraku, ŋa kɗekedzeŋ. Amin!

Suna Yuhwana 2:23

Ta ghəŋa tsaya guli, dzaʼa rwana rwa yu ta zwana ni. Tsaya dzaʼa kəl Igliz ka snaŋta kazlay: Iʼi mnda tsatsafta skwi ma ndana mndu, nda skwi ma ŋuɗufa mndu tani kəʼa. Taɓ ta slna ya maga mndu dzaʼa planamta yu ta mndu guli.