1Tes 2:12 - Hdi

¹² ka vla hiɗaku nda mbraku ŋa ghuni. Vlaghuna vla ŋni ta hiɗaku, ŋa nzay ghuni ta nzaku manda ya ta kum Lazglafta ya ta hgaftá kaghuni ŋa lama ghuni da ga Mghama ni nda glakwa ni ya.

1Tes 2:12 Iomraidhean Croise

Zlrafta 5:22

Tahula yatá Mətuselah, ka zatá Hanuk ta vaku hkən dərmək ta nzaku ma zɗaku nda Lazglafta, ka yayəglatá tsi ta zwana zgwana nda kuʼaha.

2Rus 17:4

ama da Lazglafta dzidzíha ni ta zba tsi, ka snatá tsi ta zlahuha ni, ksaf a ta saɗa la Israʼila wa.

La Ruma 8:28

Nda sna amu guli kazlay: Ŋa ɗinakwa taŋ mida ta maga Lazglafta ta inda skwi ŋa gwal ta ɗvuta, tsa gwal ghadu tsi ta zabuta daga taŋtaŋ ya.

La Ruma 8:30

Tsa gwal ghadu tsi ta zabuta ya, tsa hahəŋ ya hagaf tsi guli. Tsa gwal hagaf tsi ya guli, hahəŋ nanaf tsi ka gwal tɗukwa ta wa ira ni. Tsa hahəŋ nanaf tsi ka gwal tɗukwa ta wa ira ni ya, tsa hahəŋ ya vlaŋ tsi ta glaku ta həŋ.

1Kwa 1:9

Tsa Lazglafta ta hagaftá kaghuni ka guyaghunafta nda Yesu Kristi ta nzakway ka Mghama mu ya ná, haɗ ta tsakalawi wa.

2Kwa 4:6

Ka Lazglafta mnata ma fitika zlaganapta ni ta ghəŋa haɗik na: « Ka tsuwaɗaka tsuwaɗak ta vli ma grusl, » kaʼa. Va tsa Lazglafta ya ta tsuwaɗakanaftá vli ma ŋuɗufa ŋni ŋa tsuwaɗaka mnduha, ŋa snaŋta taŋ ta glakwa Lazglafta nda ma kuma Yesu Kristi.

Galat 5:16

Skwi ta mnaghunata yu ná, nzawa nza ta nzaku manda ya ta kum Sulkum. Ka mantsa ka kuni nzaku, haɗ kuni dzaʼa walglaŋta laghu maga skwi ta kum sluʼuvgha wu,

Afisus 4:1

Ta ghəŋa tsaya tama ta kəl iʼi tsam lu ma gamak ta ghəŋa vəl maganata ɗa ta slna ta Mgham *Yesu *Kristi, ka ndəɓa dzvu da kaghuni kazlay: Nzawa nza ta nzaku tɗukwa manda ya ta raŋtá mnduha Lazglafta, kabga hgaghuna hga Lazglafta ŋa nzaku ka ŋa ni kəʼa ya.

Afisus 5:2

Ma slnaha ghuni ta mag kuni inda fitik, maraŋwa mara ta ɗvu ŋa sanlaha. Mantsa ya ɗvuta *Kristi ta amu ma mtuta ni ŋa mbamafta. Tsa skwi maga tsi ya ná, zɗəgana zɗa ta Lazglafta manda skwa pla ghəŋ ta vlaŋta lu.

Afisus 5:8

Si ma grusl nzatá nzakwa ghuni ghalya. Ndana tama, nda ndiʼa kuni nda Mgham *Yesu, ma tsuwaɗak nzatá nzakwa ghuni, nzawa nza tama ta nzakwa ghuni manda gwal ta nzaku ma tsuwaɗak.

Filip 1:27

Skwi ná, nzawa nza ta nzaku ya ta raku ŋa nghaŋta mnduha kazlay: Gwal ta maga skwi manda ya ta mnə gwaɗa *Kristi kuni kəʼa. Skwi ta kum yu ta snaŋta ná, ta nzaku ka kuni manda ya ta raku. Dər má lab la yu da kaghuni, dər má lab a yu da kaghuni wu, nda guya ka ghəŋa ghuni. Ta ŋava ŋa ka kuni nda ŋuɗuf turtuk ka dzaʼa ta kəma ta kəma nda mna gwaɗa Lazglafta.

Kwalus 1:10

ŋa nzay ghuni ta nzaku manda ya ta kum Mgham Yesu, ka maga skwi ya ta zɗəganata, ŋa gɗata ghuni ta maga skwi ɗina ɗina, ŋa sgakwa snaŋta ghuni ta Lazglafta.

Kwalus 2:6

Zlghaf zlgha kuni ta *Yesu *Kristi ka nzaku tsi ka Mghama ghuni. Ndiʼanavawandiʼa ta vata ni ndiʼets.

1Tes 4:1

Zwana ma ɗa, nu skwi ta pɗaku ŋa mnay, ya nda ghada taghaghunafta ŋni ka kuni da magay ŋa zɗəganatá Lazglafta. Ya manda va tsaya ta nzakwa kuni ta tsa nzaku na. Ta ndəɓa ghuna ndəɓa ŋni ta dzvu katakata, ta vlaghuna vla ŋni ta hiɗaku manda va tsaya. Ma hga Mghama mu *Yesu *Kristi, ka kɗaŋta kuni ta dzaʼa ta kəma ta kəma.

1Tes 4:12

Ka mantsa ka kuni magay katsi, dzaʼa vlay gwal ta kul zlghafta ta glaku ŋa ghuni, haɗ kuni dzaʼa slaslamaku guli wa.

1Tes 5:24

Dzaʼa magay tsa Lazglafta ta hgaftá kaghuni ya, kabga ta magay ta inda skwi ya mna tsi.

2Tes 1:10

Ma saha ni dzaʼa magakwa tsaya, ŋa zləzlvay inda gwal ta zlghafta, ŋa ndərmimay inda taŋ nda ndərmima. Tekw kaghuni mataba taŋ, kabga zlghaf zlgha kaghuni guli ta gwaɗa ya mnaghuna ŋni.

2Tim 1:9

Tsatsi ta mbamafta. Ka hgaftá tsi ta amu ŋa nzakwa mu ka mnduha ni. Nza a kabga vəl magata mu ta skwi ɗina wu, ama mantsa ya kurata tsi nda zɗakatahuɗa ni. Tsa zɗakatahuɗa ni ya, vlama vla lu nda ma Yesu Kristi ma kɗaku lu ka fatá ghəŋa haɗik.

1 Piyer 2:9

Ama kaghuni ya, nda nza kaghuni ka mndəra mndu zabap Lazglafta, ka guyata ghəŋa gwal ta vla skwi ŋa Lazglafta, ka gwal faghu Lazglafta ka ŋa ni. Tsatsi ta hagaftá kaghuni ka hlagaghunapta ma grusl, ka pghaghunamta ma tsuwaɗak ta ndərmim lu nda ndərmima, ŋa mna skwi maga tsi ta malaghutá mbraku.

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.

1 Piyer 5:10

Tahula ghuyta ghuni ta ɗaŋwa ma fitik kwitikw ya, dzaʼa vlaghuna vla Lazglafta ya ta gɗata ta vla zɗakatahuɗi, ta hgaftá kaghuni ma *Yesu Kristi, ŋa lami da glakwa ni ya ŋa kɗekedzeŋ, ŋa payafta tsatsi ka ghəŋa ni ta kaghuni, ŋa dihaghunatani, ŋa mbraghunaftani, ŋa kwala skwi kul gigɗaŋtá kaghuni.

2 Piyer 1:3

*Yesu *Kristi ta snamamtá Lazglafta ya ta hgaftá amu ŋa dguvusta mu ta glakwa ni nda zɗakwa ni. Mantsa tama, ka vlamatá tsi nda ma mbrakwa ni ta inda skwi ya ta ramata, ŋa nzay mu ta nzaku manda ya ta zɗəganatá Lazglafta.

1 Yuhwana 2:6

Ka nda ndiʼa nzakwa ɗa kawadaga nda Lazglafta, ka mndu katsi ná, ka maga tsi ta skwi manda ŋa *Yesu *Kristi.

3 Yuhwana 1:6

Tsa mnduha kataŋ ka ya ná, ta ghubay həŋ ta kagha da gwal zlghay nda ŋuɗuf hadna. Ndaɗaʼa ɗvafta tsi ta aŋni wu, ka həŋ ta mnay. Wya dzvu, ka kɗaŋta ka ta katu mndərga tsa mnduha ya, kada kɗiŋta həŋ ta wawakwa taŋ manda ya ta kum Lazglafta.