1Tes 1:8 - Hdi

⁸ Əŋkaʼ a ka kaghuni kəl ndəghatá mnduha ka snaŋtá gwaɗa Mgham Yesu ma inda vli. Ta haɗika Mekaduniya nda Akaya yeya a kuraghuta tsi wu, snanagha sna ta mnduha dər ndigandiga ká kuni zlghaftá Lazglafta. Haɗ gwaɗa ŋa mnəgəlta ŋni ŋa taŋ ta ghəŋa ghuni wa.

1Tes 1:8 Iomraidhean Croise

Sabi 18:9

Na snaŋta Yitru ta tsa gwaɗaha ya, ka rfu tsi ta rfu ta ghəŋa inda zɗaku ya magana Yawe ta la Israʼila, ma zluʼagapta ya zluʼagap tsi ta həŋ ma dzva la Masar.

Slna gwal ghunay 18:12

Ma fitika nzakwa Galiyuna ka ŋumna ta haɗika Akaya tama, ka gwaftá la Yahuda ta wi ka gruŋtá Pwal. Ka kladaptá həŋ da vla tsa guma.

La Ruma 1:8

Karaku ná, ta rfanagha rfa yu ta Lazglafta ɗa nda ma *Yesu *Kristi ta ghəŋa kaghuni demdem, kabga ta kulay lu ta zlghay nda ŋuɗufa ghuni ma inda vli ta ghəŋa haɗik.

La Ruma 15:26

kabga gwal zlghay nda ŋuɗuf ta haɗika Mekaduniya nda ya ta haɗika Akaya ná, kura kura hahəŋ ka ghəŋa taŋ ta tskaftá skwi ŋa kataŋtá gwal ka pɗu mataba mnduha Lazglafta ma luwa Ursalima.

La Ruma 16:19

Kaghuni ná, nda sna inda gwal zlghay nda ŋuɗuf ya ka kuni snatá gwaɗa Mghama mu. Ta rfu yu katakata ta ghəŋa kaghuni nda tsaya. Ta kumay yu ta nzakwa ghuni nda ɗifila maga skwi ɗina. Ka nzata kuni suɗek kul maga ghwaɗaka skwi.

1Kwa 14:36

Da kaghuni saba gwaɗa Lazglafta re, ari ŋa ghuni nda ghəŋa ghuni a vlaghunata lu katək na?

2Kwa 2:14

Rfu da Lazglafta! Tsatsi ta vlaŋnatá za ghwa inda fitik ma *Kristi. Klaf kla ta aŋni ŋa mnaŋtá Kristi ma inda vli. Nda nza aŋni manda urdi zɗa vərtiktika ta pusata lu.

2Kwa 3:4

Kəl ŋni ka mnay kazlay: Vindata ɗelewera Kristi kuni kəʼa ná, kabga *Yesu Kristi ta gramafta mantsa ya nzakwa ni kəʼa ta kəma Lazglafta.

Kwalus 3:16

Ka nzam nza gwaɗa Kristi mataba ghuni gerger. Mnuvuswa mna ta gwaɗa mataba ghuni, vluvuswavla ta hiɗaku sani ŋa sani nda kɗavakta hiɗaku. Fawa laha ŋa Lazglafta ma hya hya ŋuɗufa ghuni nda rfu, ka zləzlva kuni, ka ghuba kuni nda inda laha ta vlaghunata Sulkum.

2Tes 1:4

Tsaya ta kəl ŋni ka ghubakwa ŋni ta ghəŋa kaghuni da sanlaha ma Igliza Lazglafta. Kaghuni ná, ŋana ŋa kuni ta zlghay nda ŋuɗuf, ka suʼa ghuya ɗaŋwa nda giri ta gə lu ŋa ghuni.

2Tes 3:1

Skwi ya ta pɗaku tama zwana ma ɗa, magawa duʼa ta ghəŋa aŋni, kada dzaʼa gwaɗa Mgham *Yesu ta kəma ta kəma misimmisim, nda ya ŋa ghubaray mnduha manda ya ta magaku da kaghuni ya.

1Tim 2:8

Ta kumay yu tama ta magay zgwana ma inda vli ta duʼa nda kapatá dzvu ya nda ghuɓa hezleʼ nda ta luwa, nda gatá sidi a wu, nda zlərɗa wi a guli wa.

2Tim 2:9

Ta ghəŋa tsa Lfiɗa Gwaɗa ya ta ghuya yu ta ɗaŋwaha ka tsamtá iʼi ma gamak manda mndu ta magatá ghwaɗaka skwi. Ama dər má mantsa tsi, hbam a lu ta gwaɗa Lazglafta wa.

3 Yuhwana 1:12

Ya wya Dematriyus ya ní, ndaɗaʼa ta ghuba mnduha wa. Ma nzakwa ni ná, ta nghaku ŋərma slna ta mag tsi. Aŋni guli ná, ŋərma mndu ya ta mna aŋni. Nda sna kagha guli kazlay: Kahwathwata ta mnə ŋni kəʼa.

Suna Yuhwana 14:6

Ka nghaŋtá yu ta sana duhwala Lazglafta ta ndru ma ghuvaŋata luwa. Mamu *Lfiɗa Gwaɗa ŋa kɗekedzeŋ da tsi ŋa mnay ŋa mnduha ta ghəŋa haɗik, ŋa inda haɗikha, ŋa inda mndəra mndu, ŋa inda mndəra gwaɗa ta gwaɗ lu, ŋa inda zivira mnduha.

Suna Yuhwana 22:17

Ka i Sulkum nda makwamidzi mantsa: « Sagha sa, » ka həŋ. Ka inda mndu ya ta snay guli mantsa: « Sagha sa, » kaʼa. Mndu ya ta kuzlaŋta ndala, ka sawi tsi da sa ima hafu, dzaʼa vlaŋ vla lu ka mbalay.