1Tes 1:6 - Hdi

⁶ Kaghuni, ksaf ksa kaghuni ta saɗa ŋni, nda ŋa Mgham Yesu. Dər má ta ghuya ɗaŋwa kuni katakata, tsuʼaf tsuʼa kuni ta gwaɗa ni nda rfu ma mbrakwa Sulkum nda ghuɓa.

1Tes 1:6 Iomraidhean Croise

Mata 16:24

Ka *Yesu nda duhwalha ni tama mantsa: « Ka ta kumay mndu ta dzaʼa mista ɗa ná, vziŋtani ta ghəŋa ni ka klay ni ta udza zləŋay ni, ka dzaʼa ni mista ɗa.

Yuhwana 8:12

Ka *Yesu nda həŋ guli mantsa: « Iʼi tsuwaɗaka ghəŋa haɗik, mndu ta dzaʼa mista ɗa ná, haɗ dzaʼa mbaɗa ma grusl wu, dzaʼa mutsay ta tsuwaɗaka hafu, » kaʼa.

Slna gwal ghunay 13:52

Ta ndaghutá ŋuɗufa gwal zlghay nda ŋuɗuf ma luwa Aŋtakiya da rfu, nda ya nda Sulkum nda ghuɓata ni.

Slna gwal ghunay 5:41

Ka sliʼaftá tsaha ya ka laghu nda rfu, nda mnay kazlay: Nda ra kuni ka ghuya ɗaŋwa ta ghəŋa Yesu, ka Lazglafta nda aŋni, ka həŋ.

Slna gwal ghunay 9:31

Ma tsa fitik ya, lefɗekw nzata nzakwa guyatá ghəŋa gwal zlghay nda ŋuɗuf ta haɗika Zudiya, nda ya ta haɗika Galili, nda ya ta haɗika Samari. Ta mbray həŋ ta vgha ka nzaku nda hanatá ghəŋ mista Mgham Yesu. Ta sgaku nda sga həŋ nda zɗakatahuɗa Sulkum nda ghuɓa.

La Ruma 15:13

Lazglafta ná, Lazglafta ta vla faftá ghəŋ ya. Ka vlaghuna vla tsi ta rfu nda zɗaku ma zlghay ghuni nda ŋuɗuf, kada nzata kuni nda fata ghəŋ nda ma mbrakwa Sulkum nda ghuɓa.

1Kwa 11:1

Ksawaksa ta saɗa ɗa, manda ya ta ksə iʼi ta saɗa *Kristi ya.

1Kwa 11:2

Ta rfay yu ta kaghuni nda havapta ta havapta kuni ka iʼi ma inda skwi, nda ya ka kuni ta ŋanatá skwiha ta taghaghunafta yu ya.

1Kwa 4:16

Kdəkwa kdək! Ksawaksa ta ghəzama ɗa.

2Kwa 6:10

Ma skwi má ŋa ɓasay ŋni ta ŋuɗuf ya ná, rfu ŋa aŋni ta rfay. Ka pɗu həŋ, ka lu nda aŋni, tsaw nda ndəgha mnduha ta nanaftá aŋni ka gadghəl. Mamu skwa taŋ ra, ka lu nda aŋni, tsaw ŋa ŋni inda skwi demdem.

2Kwa 8:5

Tsa skwi vla həŋ ya ná, vla vla həŋ ka malaghutá skwi ya má si ta ndanu aŋni. Tiŋəl ghəŋa taŋ vlaŋ həŋ ta Mgham *Yesu karaku, tahula tsa guli ka tsuʼaftá həŋ ta maga skwi ya ta mnanata ŋni ta həŋ, manda ya ta kum Lazglafta.

Galat 5:22

Ama, wya skwiha ta yaganapta Sulkum nda ghuɓa: Ɗvutá mndu, nzata nda rfu, nzata nda zɗaku, nzata nda ksa ŋuɗuf, nzaku ka ŋərma mndu, maga skwi ɗina, nzaku tɗukwa,

Afisus 5:1

Ndana tama, zwana Lazglafta ya ɗvu tsi katakata kuni, ksawaksa ta saɗa ni.

Filip 3:17

Kaghuni demdem zwana ma ɗa, ksawaksa ta saɗa ɗa, fafwa ira ghuni ta gwal ɗina mbaɗa taŋ manda ya ta nghə kuni ta mbaɗa aŋni ya.

2Tes 1:4

Tsaya ta kəl ŋni ka ghubakwa ŋni ta ghəŋa kaghuni da sanlaha ma Igliza Lazglafta. Kaghuni ná, ŋana ŋa kuni ta zlghay nda ŋuɗuf, ka suʼa ghuya ɗaŋwa nda giri ta gə lu ŋa ghuni.

2Tes 3:7

Kaghuni, nda sna kaghuni ta skwi ŋa magay, ŋa ksay ghuni ta saɗa ŋni. Ma nzakwa ŋni da kaghuni ná, nza a ŋni ka gwal ta yaɗi wa.

2Tes 3:9

Nza a vəl magay ŋni mantsa ya kazlay, ra a ka mutsay ŋni ta skwi da kaghuni wu kəʼa wa. Nda nza tsa slna mag ŋni ya ŋa tagha skwi ŋa ghuni.

2Tim 4:2

mna ta gwaɗa Lazglafta, ka gɗata ka ta vrafta tida, dər ma fitika ni tsi, dər ma fitika ni a tsi wu. Zlaha ta gwal ta maga ghwaɗaka skwi, dva ta həŋ, vla ta mbraku ŋa taŋ, hbatá ŋuɗuf ka tagha ka ta skwi ŋa taŋ,

Hebru 10:34

Ksu ksa ka hiɗahiɗa ta kaghuni, na gwal ya hlaf lu ka pghamta ma gamak ta gwaɗa ta Yesu. Hlugudughunusha lu ta huzla ghuni, ta rfu nda rfa kuni, ndanaŋ a kuni wu, kabga nda sna kuni mamu skwi da kaghuni ta malaghutá inda skwi kəʼa. Tsa skwi ya guli ná, ŋa kɗekedzeŋ nzakwa ni.

1 Piyer 1:6

Tsaya tama kəl kuni ka nzata nda rfu. Aŋ mndani, ndanana nda ŋəra ŋuɗufa ghuni ŋa fitik kwitikw da skwiha kavghakavgha ta dzəghaghunata.

1 Piyer 1:8

Aŋ mndani, ta ngha a kuni ta Yesu nda ira ghuni wa, ama ɗvu ɗva kuni, zlghaf zlgha kuni guli dər ta ngha a kuni. Tsaya ta kəl kuni ka rfu katakata kul mnavata nda wi,

1 Piyer 3:13

Ka ŋava ŋa kuni ka maga skwi ɗina ná, wati ma mndu ya dzaʼa maga ghwaɗaka skwi ŋa ghuni na?

3 Yuhwana 1:11

Gra ɗa ya ta ɗvu yu, ma ksə ka ta saɗa mnduha ta maga ghwaɗaka skwi, ksata saɗa gwal ta maga skwi ɗina. Mndu ta maga skwi ɗina ná, nda na tsatsi ka Zwaŋa Lazglafta. Mndu ta maga ghwaɗaka skwi ya guli ná, ta sna a tsatsi ta Lazglafta wa.