1Sam 4:4 - Hdi

⁴ Ka ghunaftá mnduha ta gwal ghunay da Silu, ka klagaghatá həŋ ta akwata dzratá wa Yawe mghama gwal vulu ta nzamta mataba kerubaha. Hada tsa zwana Iliya his, i Hufni nda Pinhas ya kawadaga nda akwata dzratá wa Lazglafta.

1Sam 4:4 Iomraidhean Croise

2Sam 15:24

Hada i Tsaduk nda Aviyatar gwal dra skwi ŋa Lazglafta guli, kawadaga nda inda la Levi gwal ta kla akwata dzratá wa Lazglafta. Ka fatá həŋ ta tsa akwata dzratá wa Lazglafta ya ta haɗik, ha ka kɗivista mnduha ta saghwi ma luwa.

2Sam 6:2

Ka sliʼaftá Dawuda kawadaga nda inda bakwa gwal vulu mista ni, ka laghwi da Baghaleyuda ŋa klagaftá akwata Lazglafta. Ta tsa akwati ya ta hga lu ta hga Yawe mghama gwal vulu, ta nzanaghata ta ghəŋa kerubaha ya.

2Mgh 19:15

Ka mag Hizkiya ta duʼa ta kəma Yawe, kaʼa mantsa: « Ar Yawe, Lazglafta la Israʼila, kagha ta nzamta mataba kerubaha, kagha turtuktuk Lazglafta inda gá mghamha ta ghəŋa haɗik, kagha ta magaftá luwa nda haɗik.

Mbsak 4:15

Ma fitika sliʼanaftá ghuɓu, ŋa kɗiŋta i Haruna nda zwana ni ta bukwamta skwiha nda ghuɓa nda inda huzlaha ni tani. Tahula tsa, ŋa sagha zwana Kehat da hlay. Ama yaha həŋ da ksaŋtá skwiha nda ghuɓa, dá rwutá həŋ. Tsaha ya skwiha ma tumpula guyaku ŋa hlay zwana Kehat.

Mbsak 4:5

Ma sliʼanaftá ghuɓu, ŋa lagha i Haruna nda zwana ni da tsahatá zlala ka bukwamtá akwata dzratá wi nda tsi,

Mbsak 7:89

Ta lam Musa da tumpula guyaku ŋa gwaɗa nda Yawe, ta snay tsi ta lwi ta gwaɗagapta ka tsatsi nda ta ghəŋa paɗuwa vla pla dmaku ta akwata dzratá wi, ma takataka kerubaha his. Mantsa ya ta gwaɗa tsi ta gwaɗa nda tsi.

1Sam 1:24

Manda tsiŋta ni ta zwaŋ ta uʼa, ka kladanaftá tsi mista ni da Silu. Ka klaftá tsi ta lghəŋ hkən viŋa ni, nda tsəɗatá hpu ka kiluʼ hisambsak, nda hulama ima inabi. Ka kladaghatá tsi ta tsa zwaŋ ya da həga Yawe ma Silu dər ma ta kiʼa tsi.

1Sam 14:3

Hada Ahiya zwaŋa Ahituv zwaŋama ni ma Ikavut zwaŋa Pinhas, zigha Iliya mnda dra skwi ŋa Yawe ma Silu. Tsatsi ta kla ifut ma tsa fitik ya. Sna a mnduha kazlay na laghu la Yunataŋ kəʼa wa.

1Sam 2:22

Tsa Iliya ya ná, haluhala katakata. Ka snaŋtá tsi kinawu ká zwana ni ta magaku nda inda la Israʼila, nda ya ká həŋ guli ta hahanaku nda miʼaha ta tskavata ta wa tgha tumpula guyaku.