1Sam 2:8 - Hdi

⁸ Tsatsi ta sliʼanaftá pɗu ta kurvusaku ma rgitik, ta tsukwaptá sləpɗu ta maghdzək, ŋa nzanata kawadaga nda gwal dagaladagala, ta vlaŋ vla ta həŋ ka ŋa taŋ ta dughurukwa glaku. Guguɗiha haɗik ná, ŋa Yawe ya, ta həŋ fafta tsi ta ghəŋa haɗik.

1Sam 2:8 Iomraidhean Croise

Zlrafta 41:14

Ka ghunaftá Firʼawna ta mndu ŋa hgakta Yusufu. Ka kligiŋtá lu misimmisim ma gamak. Ka htsinistá lu ta swidi, mbəɗanapha lu ta lgut, ka lagha tsi ta kəma mgham.

Zlrafta 41:40

Kagha dzaʼa faghamta yu ta həga ɗa ma dzva gha. Da kagha dzaʼa sna inda mnduha ma dzva ɗa ta gwaɗa. Ba nda dughurukwa ga mghama ɗa kweŋkweŋ dzaʼa malaghuta yu ta kagha.

2Sam 7:8

Ndanana tama, mnana mna ta kwalva ɗa Dawuda: Wya ka Yawe mghama gwal vulu mnata: Iʼi ta klagaghutá kagha ta ngha rini ma mtak, mista tuwakha, ŋa nzakwa gha ka mali ta ghəŋa mnduha ɗa, la Israʼila.

1Mgh 16:2

« Tsagap ma gəninika haɗik yu ta kagha, ka faghatá yu ka mali ta ghəŋa mnduha ɗa la Israʼila. Ama kabga ksafta gha ta saɗa Yaruvgham, ka hlamtá ka ta mnduha ɗa la Israʼila da dmaku, ka ŋəriɗiftá ŋuɗuf nda dmakuha taŋ ya,

2Mgh 9:6

Ka sliʼaftá Yehu ka lam da həga. Ka pghəganatá tsa duhwal ka anabi ya ta rɗi ma ghəŋ, kaʼa mantsa: « Wya ka Yawe, Lazglafta la Israʼila mnata: “Nda ma pghaghaghatá rɗi, fa fa yu ta kagha ka mghama mnduha ɗa la Israʼila.

Danyel 2:48

Tahula tsa, ka ŋlanaftá mgham ta Danyel. Ka mbəhatá tsi nda skwiha dagala dagala, ta ɗinuta katakata. Ka fatá tsi ka guvna ta ghəŋa inda haɗika Babila. Faha ka mali ta ghəŋa inda gwal nda ɗifil ma ghəŋa taŋ ma Babila guli.

Danyel 4:17

Nda ngha kagha ta tsa fu ta glafta dagala, nda mbra ta zaghu za da ghuvaŋataluwa luwa ya, nda ngha inda mnduha ta ghəŋa haɗik tender guli.

Danyel 6:3

Ta ghəŋa taŋ, ka pghatá tsi ta maliha hkən, tekw Danyel mataba taŋ. Tsa guvnaha dzaʼa kla lwa skwi dzaʼa dzrafta ŋa tsa maliha ya, kada kwala ghwaɗaka skwi ta slanaghatá mgham.

Hebru 1:3

Tsa Zwaŋ ya ta mara glakwa Lazglafta. Manda va nzakwa Lazglafta ya ná, manda va tsaya nzakwa tsatsi guli. Nda ma mbrakwa gwaɗa ni ŋanata tsi ta inda skwi ta ghəŋa haɗik. Tahula kɗiŋta ni ta magatá slna ghuɓiŋtá dmakwa mnduha, ka nzatá tsi ta luwa nda ga zeghwa Lazglafta ya ta ga mgham ta ghəŋa inda skwi.

Yakubu 2:5

Zwana ma ɗa gwal ɗvu yu, fawa fa ta sləməŋ. Lazglafta a ta zabaptá gwal ka pɗu ta wa ira gwal ma ghəŋa haɗik, ŋa nzaku ka Gadghəl ma zlghay nda ŋuɗuf, ŋa mutsay taŋ ta ga mgham ya tanaf tsi ta imi ta sləməŋ, ta gwal ta ɗvuta ra?

Suna Yuhwana 1:6

Tsatsi ta namafta ka gwal ta ga mgham, ka gwal ta vla skwi ŋa Lazglafta ta nzakway ka Da ni. Ŋa ni glaku nda mbraku ŋa kɗekedzeŋ. *Amin!

Suna Yuhwana 22:5

Haɗ ta a rviɗik ɗekɗek wa. Zbəgəlta a həŋ dər pitirla, dər tsuwaɗaka fitik wu, kabga Mgham Lazglafta dzaʼa tsuwaɗaka həŋ ŋa gay taŋ ta mgham ha ŋa kɗekedzeŋ.

Suna Yuhwana 3:21

« Mndu ya dzaʼa zata ghwa, dzaʼa nzanafnza yu kawadaga nda iʼi ta dughurukwa ɗa, manda va ya za iʼi ta ghwa ka nzaftá yu kawadaga nda Da ɗa ta dughurukwa ni ya.

Suna Yuhwana 5:10

Nanaf na ka ta həŋ ka mnduha Lazglafta, kagha ta nzakway ka Mgham. Nanaf na ka ta həŋ ka gwal ksanatá slna ta Lazglafta, ŋa gay taŋ ta mgham ta ghəŋa mnduha ma ghəŋa haɗik. »

1Sam 15:17

Ka Samuyel mantsa: « Aŋ mndani, haɗ hayhaya ɗa wu ka kagha si ta ngha ghəŋa gha, nza a ka ka mali ta ghəŋa mndəra la Israʼila wu ra? Zbap a Yawe ta kagha nda ma pghaghatá rɗi ŋa nzakwa gha ka mgham ta ghəŋa la Israʼila wu ra?