1Kwa 4:6 - Hdi

⁶ Zwana ma ɗa, tsa skwiha garaghunaf yu ta ghəŋa aŋni nda Apwalus ya ná, ka tagha kuni ta skwi mida nzakwa ni: « Da zwaɗutá kuni ma tvi ka zluŋtá skwi nda vinda. » Da laghu kuni da ghərɓaku kazlay: Mal tsa ŋa ɗa mndu ya ka ŋa sani kəʼa.

1Kwa 4:6 Iomraidhean Croise

Slna gwal ghunay 18:24

Mamu sana mnda la *Yahuda, Apwalus hga ni, ma luwa Alegzandri yata lu. Ka lagha tsi da luwa Afisus. Mnda gwaɗa ya, nda sna ta vindata skwiha ma defteri.

Slna gwal ghunay 19:1

Ma fitika nzakwa Apwalus ma luwa Kwareŋt, ka ranaftá Pwal ta vli ta ghwáha ta haɗika Asiya, ka ɓhadaghatá tsi da luwa Afisus ka slaftá tsi ta sanlaha ma gwal zlghay nda ŋuɗuf hada.

La Ruma 12:3

Nda ma tsa zɗakatahuɗi zɗəɗiŋ Lazglafta ka fimta ma slna ni ya, ka yu ta mnay ŋa inda kaghuni ná, ma klaf dər wa ta ghəŋa ni ka sana skwi. Manda ya ta raku, ka dər wa ka klaf kla tsi ta ghəŋa ni, ka gray nda slna zlghay nda ŋuɗuf ya vlaŋ Lazglafta.

1Kwa 1:12

Dagavapdaga kuni mataba ghuni. Wya tsa skwi ta mnə kuni ya: « Ŋa Pwal aŋni » ka sanlaha, « ŋa Apwalus aŋni » ka sanlaha, « ŋa Kefas aŋni » ka sanlaha, « ŋa Kristi aŋni, » ka sanlaha guli, na skwi ta mnə kuni.

1Kwa 1:19

Wya skwi nda vinda ma deftera Lazglafta: « Dzaʼa zaɗana zaɗa yu ta ɗifila ghəŋa mnda səla, dzaʼa hərɗiŋ hərɗa yu ta mahizla ghəŋa mnda səla, » kaʼa.

1Kwa 1:31

Tsaya tama, « ka ta kumay mndu ta ghərɓaku katsi, ka ghərɓa tsi ta ghəŋa skwi kɗiŋ Mgham ta magata, » manda ya nda vinda ma defteri.

1Kwa 13:4

Mamu ksa ŋuɗuf da mndu ta ɗvutá mndu, dagala zɗaku da tsi. Haɗ mndu ta ɗvutá mndu ta draku wu, haɗ mndu ta ɗvutá mndu ta ghərɓaku wu, haɗ ta gla ghəŋ wa.

1Kwa 3:19

Kəl yu ka mna tsaya ná, na ɗifila mnduha ma ghəŋa haɗik na ná, ga rgha ya ta kəma Lazglafta. Nda vinda ma deftera Lazglafta kazlay: Nda tsa ŋa taŋ ma hiɗaku ya ta ksa Lazglafta ta həŋ,

1Kwa 3:21

Mantsa ya, ma ghubu kuni ta mnduha. Inda ni demdem ka ŋa ghuni nzakwa ni.

1Kwa 5:2

Ma ŋa dzata ghuni ta ghəŋ ka taw, ka ghəzliŋtá tsa mndu ya mataba ghuni ná, ghərɓaku ŋa ghuni ta ghərɓay ta ghəŋa tsa.

1Kwa 5:6

Ngha a iʼi ta skwi ŋa ghərɓay kaghuni ta ghərɓaku wa. Sna a kuni kazlay: Kuseta ta is ná, ta ŋlanaf ŋla ta inda hwaɗatá hpwa buradi kəʼa ra?

1Kwa 8:1

Skwi ya dzaʼa yu gwaɗay ndana, dzaʼa gwaɗay yu ta ghəŋa sluʼa skwa wuyay. Manda va ya mnə kuni kazlay: Nda sna mu ta inda skwi kəʼa ya ná, manda va tsaya nzakwa ni. Ama tsa snaŋta skwa mu ya ná, ta vlamata gla ghəŋ. Ɗvuvusta vgha skwi dzaʼa kla amu ta kəma ta kəma.

1Kwa 9:23

Kada dzaʼa Lfiɗa Gwaɗa ta kəma ta kəma, nda ya ŋa nzakwa iʼi tekw mida guli, ka yu ta kəl yu ka maga tsa skwiha ya.

2Kwa 10:12

Blubla aŋni ka hahəŋ! Si wa aŋni ŋa gara vgha nda həŋ na! Hahəŋ ka ghəŋa taŋ ta klaftá ghəŋa taŋ ka gara ghəŋa taŋ. La rghaha!

2Kwa 10:15

Haɗ aŋni ta *Pak kuraghuta vli vlaŋna lu, ka ghərɓaku ta ghəŋa magatá slna sanlaha wa. Skwi faf aŋni ta ghəŋ tida ná, má ka sgavagha sga zlghay nda ŋuɗufa ghuni, ka sgavaghata slna ŋni mataba ghuni manda ya kuraŋna Lazglafta,

2Kwa 10:7

Nghawa ngha ta skwi ta magaku ɓa! Iʼi ná, ŋa Kristi yu, ka ká mndu, ka vriŋ vra tsi ta ndanu katsi ná, dzaʼa nda ngha kazlay: Ŋa Kristi aŋni guli kəʼa.

2Kwa 11:4

Zləŋa ɗa guli ná, kabga dər wati ma mndu ta lagha tagha skwi ta ghəŋa *Yesu tskəm nda tsa ŋa ŋni taghaghunaf ŋni ya ná, gi ta tsuʼay kuni. Mnaghunaha ta gwaɗa ta ghəŋa Sulkum tskəm nda ya zlghaf kuni, ta tsuʼay kuni. Mnaghunaha ta gwaɗa tskəm nda *Lfiɗa Gwaɗa ya zlghaf kuni guli, ta tsuʼay kuni.

2Kwa 12:19

Kawayaka skwi nda kɗa fitika ghuni ta ndanay kazlay: Ta zba waɗaptá ghəŋa ŋni da kaghuni ŋni kəʼa. Mantsa a wu! Ta kəma Lazglafta ta gwaɗa ŋni ta gwaɗa manda ya ta kum *Kristi. Graha ɗa ya ta ɗvu yu, inda tsa skwiha ta mag ŋni ya ná, ŋa ŋla kaghuni ta kəma ta kəma, ta maga ŋni.

2Kwa 12:20

Skwi ta zləŋ yu ma tsa lab dzaʼa lab yu da kaghuni ná, duŋwa yu da kwal kul slafta ta kaghuni mantsa ta kum yu ya, ta slaftá kaghuni ta iʼi mantsa kul kum kaghuni ya ná, ka yu. Ta zləŋay yu ta slanaghata ɗa mataba ghuni ta zlərɗa wi, nda draku, nda gufwatá ŋuɗuf, nda ɗvutá ghəŋ, nda tsanavatá gwaɗa ta mndu, nda tsa mndəra mndu, nda gla ghəŋ, nda hwazlaɓaku.

2Kwa 12:6

Ka má ta kumay yu ta ghuba ghəŋa ɗa ná, ma nza a yu ka rgha wu, kahwathwata má dzaʼa yu mnay. Ta warə nda wara yu ta ghuba ghəŋa ɗa kabga yaha lu da klaftá iʼi ka malaghuta ka skwi ya ta nghaŋta lu ta iʼi ta magay, ka skwi ta snaŋta lu ta sabi ma wa ɗa a tsi.

2Kwa 4:15

Inda tsa skwiha ta magaku ya ná, ŋa kata kaghuni nzakwa ni, ŋa sga sliʼadamta mnduha mutsaftá zɗakatahuɗa Lazglafta. Mantsa tama, dzaʼa nda ndəgha mnduha ŋa rfa Lazglafta nda ya ŋa zləzlvay guli.

Kwalus 2:18

Yaha kuni zlanaŋtá ghəŋa ghuni ta sanlaha ma mnduha, tsa gwal ta tsəlɓu ta kəma duhwalha Lazglafta ta mna gwaɗa ta ghəŋa mazəmzəmha nghaŋ həŋ manda skwi ma suni ya, da ŋraptá həŋ ta kaghuni. Tsa mnduha ya ná, ndana mnda səla ma ghəŋa taŋ,

1Tes 1:5

Ma mnaghunata ŋni ta *Lfiɗa Gwaɗa ná, gwaɗa nda wubisim kweŋkweŋ yeya a mnaghuna ŋni wu, nda mbrakwa Sulkum nda ghuɓa guli mnaghunata ŋni. Nda sna aŋni kazlay: Vərɗa gwaɗa tsa gwaɗa ta gwaɗ ŋni ya kəʼa. Nda sna kaghuni ka aŋni nzakwagaptá nzaku da kaghuni ŋa kata kaghuni.

2Tim 2:10

Tsaya ta kəl yu ka suʼa inda skwi, ŋa mutsafta gwal zabap Lazglafta ta ɗakwa taŋ, kada mutsafta hahəŋ guli ta mbaku ta nzakway ma Yesu Kristi, ŋa nzakwa taŋ ma glaku kul haɗ kɗavakta ni ya.