1Kwa 4:12 - Hdi

¹² Aŋni ta hərfaku ka maga skwi ŋa fadamta ŋni da wa ŋni. Razaŋnafha mndu, má tahula gha ka Lazglafta, ka ŋni. Dər ki lu ta dula aŋni ya ná, mərsuʼ ká ŋni ta suʼay guli.

1Kwa 4:12 Iomraidhean Croise

Mata 5:11

Rfu da kaghuni, ka ta rarazay lu ta kaghuni, ka ta gay lu ta iri ŋa ghuni, ka ta vazay lu ta rutsak ta kaghuni ta ghəŋa gwaɗa ta iʼi.

Mata 5:44

Ama ka iʼi ta mnaghunata: Ɗvuwa ɗva ta ghuma ghuni, magawa duʼa ta ghəŋa gwal ta giri ŋa ghuni.

Lukwa 23:34

Ka *Yesu mantsa: « Da! plana pla ta dmakwa taŋ, kabga sna a həŋ ta skwi ta mag həŋ wu, » kaʼa. Ka vzə həŋ ta vindima ŋa daguvustá lgutha ni.

Lukwa 6:28

Ɗawawa tfa wi ta ghəŋa gwal ta ksiʼa kaghuni. Ndəɓawa dzvu ta ghəŋa gwal ta giri ŋa ghuni.

Yuhwana 15:20

Havakwahava ta gwaɗa mnaghuna yu. “Malaghu mala a kwalva ka Maləmani wa.” Ka si ghuyɗipghuya mnduha ta ɗaŋwa, dzaʼa ghuyay həŋ ŋa kaghuni guli. Ka si sna sna həŋ ta gwaɗa ɗa, dzaʼa snay həŋ ta ŋa ghuni guli.

Slna gwal ghunay 18:3

Ka skwa turtuk slna ta mag həŋ. *Həga tumpul ta ɗaɗah həŋ. Tsaya kəl Pwal ka gwaftá vgha nda həŋ.

Slna gwal ghunay 20:34

Nda sna vərɗa kaghuni kazlay: Nda dzva ɗa si ta maga yu ta slna ŋa kata ghəŋa ɗa, nda ya ŋa kata gwal ta dzaʼa mista ɗa tani kəʼa.

Slna gwal ghunay 7:60

Ka tsəlɓatá tsi, ka gwaɗata nda lwi dagala. Kaʼa mantsa: « Mghama ɗa, ma mbəɗanaf ka ta həŋ ta na dmaku na, » kaʼa. Tahula mnata ni ta tsaya, ka sab hafu sref mida.

La Ruma 12:14

Ɗawawa tfa wi ta ghəŋa gwal ta giri ŋa ghuni. Ɗawawa tfa wi ta ghəŋa taŋ, ma ksiʼi kuni ta həŋ.

La Ruma 12:20

Katək na, « ka ta kuzlaŋ kuzla maya ta ghuma gha katsi, vlaŋ vla ta skwi ŋa zay, vlaŋ vla ta imi ŋa say. Ma tsa maganata gha mantsa ya ná, nda nza manda skwi ta hanzanaghatá lanzəŋa vu ka ta bɗəma ni. »

La Ruma 8:35

Wa dzaʼa dgamata nda ɗvuta ya ɗvu Kristi ta amu na? Ghuya ɗaŋwa re, skwi ta malaghutá mbrakwa mu re, giri re, maya re, pɗa lgut re, nzaku ta wa hɗak re, budugwa a dzaʼa dgamata na?

1Kwa 9:6

Ari aŋni nda Barnabas yeya a ŋa maga slna ka mbalay na?

2Kwa 11:8

Ma tsa fitika magay ɗa ta slna ŋa ghuni ya ná, sanlaha ma *Igliz si ta nghapta ka iʼi. Ŋa taŋ ma skwi tskəgudunus yu ta həŋ ka maga slna ŋa ghuni.

Afisus 4:28

Ka si ta ghali mndu katsi, yaha tsi da ghalgəltá ghali, ka maga tsi ta slna nda dzva ni ŋa kata ghəŋa ni, nda ya ŋa mutsafta ni ta skwi ŋa kataŋtá la ka pɗu.

1Tes 2:9

Zwana ma ɗa, ta havak hava kuni ta datá vgha ŋni ka maga slna da kaghuni. Si ta ksay ŋni ta slna nda rviɗik tani, nda fitik tani, kada kwala ŋni da ghuyanaptá ɗaŋwa ta dər wati mataba ghuni, nda skwi ŋa zay ŋni ta mnə ŋni ta Lfiɗa Gwaɗa ta sagha da Lazglafta ŋa ghuni.

2Tes 3:8

Zaŋ a ŋni ta skwa zaya mndu ka mbalay wa. Aŋni ka ghəŋa ŋni ta slavapta nda rviɗik tani, nda fitik tani ka maga slna ŋa zay ŋni, kabga va a ŋni ta ghuyaghunaptá ɗaŋwa ta ghəŋa skwa zay ŋni wa.

1Tim 4:10

Ta ghəŋa tsaya ta kəl mu ka dzatá vgha ka ŋavata ka maga slna, kabga nda fa ghəŋa mu ta Lazglafta ya nda hafu mida. Tsatsi ta nzakway ka mnda mba inda mndu, katkatatani gwal zlghay nda ŋuɗuf.

1 Piyer 2:23

Ma fitika razay mnduha, vranam a ta həŋ nda razu wa. Ma fitika ghuyay lu ta ɗaŋwa ŋa ni, tha a kazlay: Nyaʼ, kabgawu na kəʼa wa. Ka zlanaŋtá tsi ta ghəŋa ni ta Lazglafta ya ta tsa guma nda tva ni ya.

1 Piyer 3:14

Aŋ mndani dər má ta ghuyay kuni ta ɗaŋwa ta ghəŋa vəl magay ghuni ta skwi tɗukwa ná, dzaʼa rfay kuni ta rfu. Ma zləŋ kuni ta gwal ta kuma magaghunatá ghwaɗaka skwi. Ma tɗu tsi ta ŋuɗufa ghuni.

1 Piyer 3:9

Ka maga maga mndu ta ghwaɗaka skwi, ma vranam ka nda ghwaɗaka skwi. Ka razaghaf raza mndu, ma vranam ka nda razu, « katək na tfanagha tfa ta wi, » kabga ŋa tsaya hgafta Lazglafta ta kaghuni, ŋa tfaghunaghatani ta wi ta kaghuni guli.

1 Piyer 4:19

Tsaya tama, gwal ta ghuya ɗaŋwa manda ya ta kum Lazglafta ya, ka gɗata həŋ ta maga skwi ɗina. Ka fanamta həŋ ta ghəŋa taŋ ma dzvu ta Lazglafta ya ta magaftá həŋ, kul haɗ ta mbəɗanaftá skwi mna tsi ya.

Yuda 1:9

Dər *Misel mali mataba duhwalha Lazglafta má, walaŋ a ta razanaftá halaway baɗu zlərɗay taŋ ta wi ta ghəŋa mbla Musa wa. Skwi mnana tsi kweŋkweŋ ná, « Ka dvagha dva Lazglafta, » kaʼa,