1Kwa 4:10 - Hdi

¹⁰ Nda nza aŋni ka rgha, ta ghəŋa gwaɗa ta Kristi. Kaghuni ya, nda hiɗa aŋni ka kaghuni, kabga nzugwatá kaghuni nda Kristi. Kaghuni yeya nda mbra, mbra a aŋni wa. Kaghuni yeya gwal ka mndu, haɗ mndu ta kulaftá aŋni ka mndu wa.

1Kwa 4:10 Iomraidhean Croise

2Mgh 9:11

Saba Yehu da sanlaha ma kwalvaha rvera ni, ka lu nda tsi mantsa: « Zɗaku suʼu? Kabgawu kəl tsa halaway ya ka sagha da kagha na? » ka həŋ. Ka Yehu zlghaftá wi mantsa: « Nda sna kaghuni ta mndərga tsa mndu ya, nda gwaɗa ta gwaɗ tsi, » kaʼa.

Mata 24:9

« Dzaʼa vla vla lu ta kaghuni ma dzvu ŋa mnduha, ŋa gaghunaptá iri. Dzaʼa psla psla lu ta kaghuni guli. Dzaʼa husaŋ husa kuni ta inda mndəra mnduha ta ghəŋa haɗik kabga gwaɗa ta iʼi.

Mata 5:11

Rfu da kaghuni, ka ta rarazay lu ta kaghuni, ka ta gay lu ta iri ŋa ghuni, ka ta vazay lu ta rutsak ta kaghuni ta ghəŋa gwaɗa ta iʼi.

Lukwa 10:16

Ka *Yesu guli nda duhwalha ni mantsa: « Mndu ta snatá gwaɗa ghuni, gwaɗa ɗa sna tsi. Ka kwalaghu kwala mndu ta tsuʼaftá kaghuni, iʼi kwalaghu tsi ta tsuʼafta. Ka kwalaghu kwala mndu ta tsuʼaftá iʼi, kwalaghu kwala ta tsuʼaftá mndu ta ghunigihata, » kaʼa.

Lukwa 18:9

Ka mnə *Yesu ta sana mahdihdi guli kabga sanlaha ta ngha ghəŋa taŋ ka gwal tɗukwa ta kəma Lazglafta ka ghuɓasa sanlaha.

Lukwa 6:22

Rfawa rfa ta rfu ka ta husaŋ husa kuni ta mnduha, ka ta vzighunisvza həŋ, ka ta razay həŋ ta kaghuni, ka ta vazay həŋ ta rutsak ta kaghuni kabga vəl zlghafta ghuni ta Zwaŋa mndu.

Slna gwal ghunay 17:18

Mamu gwal ta tagha dzaŋa tva mbaɗa gwaɗa ta hgə lu ka la Ipikuri, nda Situyikiya ta mbaɗa gwaɗa nda tsi guli. « Nu ta yə na mndu na katək na? » ka sanlaha. « Gwaɗa ta sana Lazglafta kul haɗ hadna ta gwaɗ tsi. » Ka sanlaha, kabga snay taŋ ta mnay Pwal ta gwaɗa ta *Yesu nda sliʼagapta ya sliʼagap tsi mataba gwal nda rwa.

Slna gwal ghunay 17:32

Na tsa snaŋta taŋ ta mnay Pwal ta gwaɗa ta sliʼagapta mataba gwal nda rwa ya, ka ghuɓasu sanlaha nda ghuɓasa ta Pwal. « Ŋa snəglanavata ŋni baɗu ma sani ta tsa gwaɗa ta mnə ka ya, » ka sanlaha.

Slna gwal ghunay 26:24

Tata mna tsa gwaɗa ŋa waɗaptá ghəŋa ni ya Pwal, ka Festus nda tsi nda lwi dagala dagala mantsa: « Pwal! Halaway ka ra? Tsaghis ka halaway na dzaŋa ta dzaŋa gha na ra? » kaʼa nda tsi.

Slna gwal ghunay 9:16

Dzaʼa maranaŋ mara iʼi ka ghəŋa ɗa, ta inda ghuya ɗaŋwa ya tkweʼ dzaʼa tsi ghuyay ta ghəŋa hga ɗa, » kaʼa.

1Kwa 1:21

Nda ŋa taŋ ma ɗifil ná, trap tra mnduha ma ghəŋa haɗik ta tsatsaftá skwi maga Lazglafta nda ŋa ni ma ɗifil. Ka klaftá Lazglafta ta tsa gwaɗa ta mnə mu, niŋ hahəŋ ka gwaɗa tsaɓaku ya, ŋa mbanaftá mnduha ta zlghafta.

1Kwa 1:23

Aŋni, gwaɗa ta zləŋatá *Yesu Kristi ta udza zləŋay ŋa aŋni ta mnay. Ka zaɗiŋtá tsa gwaɗa ya ta la Yahuda. Tsaɓaku tsa gwaɗa ya ka hamata gwal kul nzakway ka la Yahuda guli ta mnay.

1Kwa 1:25

Tsaw tsa skwi maga Lazglafta ta nghə mnduha manda tsaɓaku ya ná, malaghu mala ta ɗifila mnduha. Ka ka mbegi Lazglafta ká mnduha ta gray ya guli ná, tsa nzakwa ni ka mbegi ta grə mnduha ya guli ná, malaghu mala ta mbrakwa taŋ.

1Kwa 10:12

Tsaya tama, ka nda slada slada ɗa, ka mndu ná, ɗaswa katsi tama da zləmbutá tsi.

1Kwa 2:14

Mndu ya kul haɗ Sulkuma Lazglafta ma tsatsi ná, tsuʼa a ta skwiha ya ta tagh tsa Sulkum ya wa. Manda tsaɓaku ta sna tsatsi ta tsaha ya, laviŋ a va ni ta snaŋta wu kabga nda Sulkuma Lazglafta ta laviŋta lu ta galay.

1Kwa 2:3

Ma tsa nzakwa ɗa da kaghuni ya ná, kulembet nzakwa ɗa, ta zləŋ yu, ta ghudzaku yu.

1Kwa 3:18

Ma nanə mndu ta ghəŋa ni. Ka mamu ɗifil ma ghəŋa ɗa manda ɗaslakwa ŋa ghəŋa haɗik ka mndu, ka niŋ na tsi ta ghəŋa ni ka rgha kada nzata tsi ka vərɗa mndu nda ɗifila daga da Lazglafta.

1Kwa 3:2

Uʼa ya vlaghuna yu, ɗafa a wu, kabga laviŋ a kuni ta ŋafta wa. Dər ndanana na ná, laviŋ a kuni ta ŋafta wu,

1Kwa 4:8

Mantsa a nzakwa ni wu ki! Nya pɗa kuni na? Wya nda na kuni ka gadghəl katək, ta za mghama ghuni kaghuni, ta ghuya ɗaŋwa ŋni aŋni. Ta kumay yu má ta zay ghuni ta tsa mgham ya katək, má ka gwa mu ta vgha ka skwa turtuk nda kaghuni.

2Kwa 10:10

Aŋ mndani, ka sanlaha ta mnay na: « Vinday Pwal ta ɗelewer ŋa mu ya ná, tsəna skwi nda bla magay na kəʼa ta vinday, nda sidi nda sidi kay guli. Sagha ni da taba mu kay guli ná, haɗ ta gwaɗa nda mbraku wu, haɗ ghəzliwa gwaɗa ta gwaɗata tsi kay guli wu, » ka həŋ.

2Kwa 11:19

Nda hiɗa kaghuni kahwata, ta ksanatá ŋuɗuf ka tsuʼaftá la ka rgha nda rfu.

2Kwa 11:29

Htuta mbrakwa mndu ya ná, manda skwi iʼi ya ka ghəŋa ɗa. Zləmbamtá mndu ma dmaku, ndaɗaʼa kəʼa ta dra iʼi ta wa ŋuɗuf wa.

2Kwa 13:9

Ka nda mbra kaghuni ta tva Lazglafta dər nda hta mbrakwa aŋni, ta rfu aŋni. Duʼa aŋni da Lazglafta ná, má tsiɗiɗ ká kuni nzatá, ŋa aŋni.

2Kwa 4:12

Mantsa ya ná, nzaku ta wa hɗak ŋa aŋni, nzakwa ghuni nda hafu ŋa kaghuni.

2Kwa 6:8

Vlaŋnatá glaku ŋa sanlaha, hərtətatá aŋni ŋa sanlaha. Zləzləva aŋni ŋa sanlaha, raza aŋni ŋa sanlaha. Ka gwal tsakalawi ta fata mnduha ta aŋni, tsaw kahwathwata ŋa aŋni ta mnay.

1Tes 4:8

Tsaya tama, ka va a yu ta tsa gwaɗa ya wu ka mndu katsi, mndu a vziŋ tsi wu, Lazglafta ta vlaghunatá Sulkuma ni nda ghuɓa ya vziŋ tsi.

1 Piyer 4:14

Ka ta razay mnduha ta kaghuni, ta ghəŋa nzakwa ghuni ka ŋa Kristi katsi, rfawa rfa ta rfu kabga ta nzaku Sulkum ya dagala ta nzakway ka Sulkuma Lazglafta ta ghəŋa kaghuni.