1Kwa 3:5 - Hdi

⁵ Wa Apwalus, wa Pwal na? gwal ksanatá slna ta Lazglafta ŋni his his, ghunaf tsi ŋa mnaghunatá gwaɗa ŋa zlghafta ghuni ta Kristi. Ta magay dər wati ma aŋni ta slna Mgham *Yesu manda ya vlaŋna tsi.

1Kwa 3:5 Iomraidhean Croise

Mata 25:15

Ka klaftá tsi ta talaŋ hutaf, ka vlaŋtá sani. His kəʼa klafta ka vlaŋtá sani. Pal kəʼa klafta guli ka vlaŋtá mahkəna ni. Taɓ ta mbrakwa taŋ kəʼa dganaftá həŋ. Ka sliʼaftá tsi ka laghu.

Lukwa 1:2

Ka vindaftá həŋ manda va skwi nghaŋ gwal ta nzakway ka masləmtsəka tsa skwi ya, ta nuta ka gwal mna gwaɗa Lazglafta daga taŋtaŋ.

Yuhwana 3:27

Ka Yuhwana mantsa: « Haɗ mndu dzaʼa mutsaftá sana skwi ka Lazglafta a ta vlaŋta wa.

Slna gwal ghunay 18:24

Mamu sana mnda la *Yahuda, Apwalus hga ni, ma luwa Alegzandri yata lu. Ka lagha tsi da luwa Afisus. Mnda gwaɗa ya, nda sna ta vindata skwiha ma defteri.

Slna gwal ghunay 19:1

Ma fitika nzakwa Apwalus ma luwa Kwareŋt, ka ranaftá Pwal ta vli ta ghwáha ta haɗika Asiya, ka ɓhadaghatá tsi da luwa Afisus ka slaftá tsi ta sanlaha ma gwal zlghay nda ŋuɗuf hada.

La Ruma 15:16

ka faftá iʼi ka kwalva *Yesu *Kristi mataba gwal kul nzakway ka la *Yahuda. Ka faghutá tsi ta iʼi ŋa mna Lfiɗa Gwaɗa ni, ŋa nuta gwal kul nzakway ka la Yahuda ka skwi vlaŋ lu ta zɗəganatá Lazglafta. Sulkum nda ghuɓa ta nanaftá tsa skwi ya vla lu ya ka skwi ta raŋta Lazglafta.

1Kwa 12:28

Mataba guyatá ghəŋa gwal zlghay nda ŋuɗuf ná, taŋ gwal ghunay pgha Lazglafta, ka fiŋtá la anabi ka mahis, ka fiŋtá gwal tagha gwaɗa ni ka mahkən. Tahula tsa ka pghatá tsi ta gwal valaŋ lu ta mbrakwa maga mazəmzəm, nda gwal nda mbrakwa mbamba mnduha, nda gwal katá mnduha, nda gwal ta nghapta ka slna mnduha, nda gwal ta gwaɗa sanlaha ma gwaɗa.

1Kwa 16:12

Ya manda zwaŋama mu Apwalus ya ná, ndəɓana ndəɓa yu ta dzvu katakata má ŋa laba taŋ nda zwana ma da nghaghunaghata, ama ndanana a kumafta maya tsatsi ta lab wu, dzaʼa lab la ma fitik ya da mutsafta tsi.

1Kwa 3:10

Zɗəɗiŋ zɗa Lazglafta ta huɗi ka thatá yu ta tughwa ni manda vərɗa mnda ba həga, ka lagha sani bay ta ghəŋa ni. Ɗaswa ka mndu dzaʼa bay ta ghəŋa ni tama.

1Kwa 3:22

Dər Pwal, dər Apwalus, dər Kefas, dər ghəŋa haɗik, dər hafu, dər mtaku, dər skwiha ndanana, dər skwiha dzaʼa sagha nda sa, ka ŋa ghuni nzakwa ni.

1Kwa 3:7

Daga mndu ta sləgay tani, daga mndu tata imi distani tani, sana skwi a hahəŋ wa. Lazglafta turtukwa ni ta ɗyay ka gəlay.

1Kwa 9:17

Ka má iʼi ta kuratá magay katsi ná, ma dzaʼa play lu ŋa ɗa. Tsaw iʼi a ta kurata wu, ta magay yu kabga tkweʼ faɗighata lu ta magay.

2Kwa 11:23

Ka gwal ksanatá slna ta *Kristi hahəŋ, wana yu dzaʼa gwaɗa manda mndu nda ksa da halaway: Malaghu mala yu ta hahəŋ ɗekɗek. Ma vəl hərfaku tsi, ndaɗaʼa hərfuta yu wa. Ma lam da gamak tsi, ndaɗaʼa lama yu wa. Ma mutsaftá dzu tsi, malghumala ŋa ɗa ka ŋa taŋ. Lagha ta wa hɗak tsi, mbəɗava a ŋa ɗa wa.

2Kwa 3:3

Manda va tsaya nzakwa ni, kaghuni tsa ɗelewer vindam Kristi ka tsghafta nda ma dzva ŋni ya. Nda ima vindi a vindafta tsi wu, nda Sulkuma Lazglafta nda hafu mida vindafta tsi. Ta klam a vindafta tsi guli wu, ma ŋuɗufa mnda səla vindamta tsi.

2Kwa 3:6

Tsatsi ta vlaŋnatá mbrakwa nzaku ka gwal maganatá slna ŋa mnay ŋa mnduha ta Lfiɗa dzratá wi dzraf tsi. Tsa lfiɗa dzratá wi ya ná, sladaf a ta zlahu vindaf lu ghalya ya wa. Ta Sulkum nda ghuɓa sladafta tsi. Tsa vindata zlahu ghalya ya ná, ta hla mnduha da mtaku. Sulkum nda ghuɓa ya ná, ta hla mnduha da hafu.

2Kwa 4:1

Lazglafta ta faŋnamtá tsa slna ya ma zɗakwa ni, tsaya ta kwal ŋni kul rwa malandugu.

2Kwa 4:5

Ta mnə aŋni ta tsa Lfiɗa Gwaɗa ya ná, gwaɗa ta ghəŋa aŋni a ta mnə ŋni wa. Gwaɗa ta Kristi ta nzakway ka Mgham ŋa aŋni ta mnay. Aŋni, gwal ksaghunatá slna aŋni, kabga nzakwa ŋni mista Yesu.

2Kwa 4:7

Bəzleghwa tsaf lu nda rɓisl aŋni, ta kla tsa ŋərma skwa gadghəl ya. Kəl tsi ka nzakway mantsa ya ná, Lazglafta ta mbranaghatá maga inda skwi, aŋni a wa.

2Kwa 5:18

Inda tsaha ya ná, Lazglafta ta magata. Ka ghunagatá tsi ta Kristi mtuta ŋa slərɓaptá zughu mataba mu nda tsatsi. Ka vlaŋnatá tsi ta slna dzaʼa mnanatá mnduha ŋa sagha taŋ slərɓaptá zughu mataba taŋ nda tsatsi.

2Kwa 6:1

Ndanana ná, ta ksa slna aŋni nda Lazglafta. Kdəkwa kdək ta ndəɓa dzvu ŋni ŋa ghuni, ma ganava kuni ta masfa ta zɗakatahuɗa Lazglafta ya zlghaf kuni.

2Kwa 6:4

Katək ná, ta maray ŋni ta nzakwa ŋni ka gwal maganatá slna ta Lazglafta ma inda skwi ta mag ŋni. Dər ta gay lu ta iri ŋa ŋni, dər ta ghuyay lu ta ɗaŋwa ŋa ŋni, dər ta gigray lu ta aŋni, ta ksay ŋni ta ŋuɗuf mida.

Afisus 3:7

Zɗəɗiŋ zɗa Lazglafta ta huɗi ka niɗifta ka Kwalva ni ŋa mna tsa Lfiɗa Gwaɗa ya ŋa mnduha nda ma mbrakwa ni ya vliha tsi.

Kwalus 1:23

Gɗavawagɗa ma zlghay nda ŋuɗuf, dihavawa diha ma gigɗava kuni. Ma dgaghu kuni ta vgha nda Lfiɗa Gwaɗa. Tida fatá ghəŋa mu, ka lu mnamata. Tsa Lfiɗa Gwaɗa ya ná, ŋa inda mndu ta ghəŋa haɗik ta mna lu. Nana iʼi Pwal na ná, mna tsa Lfiɗa Gwaɗa ya slna ɗa.

Kwalus 1:25

Ŋa Igliz ta ksanata yu ta slna, manda ya fiɗigha Lazglafta ŋa magaghunata. Fiɗighafa ta tsa slna ya, ŋa mnaghunata vərɗa gwaɗa Lazglafta.

1Tim 1:12

Ta rfay yu ta *Yesu *Kristi Mghama mu, ta vlihatá mbraku prək maga slna ɗa. Ta rfay yu ta ghəŋa vəl klafta ni ta iʼi ka mndu nda ra ŋa faftá ghəŋ tida, ŋa maganatá slna.

1 Piyer 4:10

Inda kaghuni, magawa maga ta slna nda tva ni ŋa sanlaha nda skwi ya vlaghuna Lazglafta. Mantsa ya dzaʼa kəl kuni ka nzakway ka vərɗa gwal ta ksa slna nda zɗakatahuɗi kavghakavgha ya ta vlə Lazglafta.